ახალი ამბები
მათი შეფასებით, Გამართლდა ის რისკები, რაც იუსტიციის სამინისტროში კომპანიის გაუმჭვირვალედ შერჩევას თან ახლდა.
"ნამახვანჰესის" ხელშეკრულების შემსწავლელი კომპანია მინისტრის მოადგილესთან დაკავშირებული ფირმაა
15:36 / 13.09.2021
არასამთავრობო ორგანიზაცია
"Სოციალური სამართლიანობის ცენტრი" მიიჩნევს, რომ ნამახვანჰესის
ხელშეკრულების ხელახალი შეფასებისთვის კერძო იურიდიული ფირმის
შერჩევის შედეგებმა, საბოლოოდ დაადასტურა პროცესის
არასანდოობა.
მათი შეფასებით, Გამართლდა ის რისკები, რაც იუსტიციის სამინისტროში კომპანიის გაუმჭვირვალედ შერჩევას თან ახლდა.
ორგანიზაციის ინფორმაციით, შერჩეული
ფირმის "MS Cameron McKenna Nabarro Olswang
LLP"-ის ადგილობრივი კონსულტანტი, იუსტიციის მინისტრის
მოადგილის, თამარ ტყეშელაშვილის სახელთან დაკავშირებული კომპანია MKD
იქნება. თამარ ტყეშელაშვილი წლების განმავლობაში იყო MKD-ს იურისტი და
პარტნიორი. ეს გარემოება "სოციალური სამართლიანობის ცენტრს"
პროცესისადმი სანდოობას უკარგავს. მათი შეფასებით, იუსტიციის
სამინისტრომ, რომელმაც თავის დროზე ნამახვანჰესის ხელშეკრულებაზე
კრიტიკული დასკვნა მოამზადა, შეგნებულად არ შეარჩია დამოუკიდებელი
კომპანია, რათა თავიდან აერიდებინა მწვავე დასკვნა.
მნიშვნელოვანია ის გარემოებაც, რომ
ხელშეკრულების Შეფასება FIDIC-ის
("კონსულტანტი ინჟინრების საერთაშორისო ფედერაცია") სტანდარტით
მოხდება, რაც ამ კონკრეტული ხელშეკრულების შეფასების მიზნობრიობას ვერ
პასუხობს.
"Სოციალური სამართლიანობის
ცენტრისთვის" გაუგებარია რატომ ხარჯავს იუსტიციის სამინისტრო
შეფასების დასკვნის მოსამზადებლად 224 000 ლარს მაშინ, როცა მედიაციის
პროცესში უკვე მიღწეულია შეთანხმება ხელშეკრულების ენერგოგაერთიანების
რესურსით შეფასებასთან დაკავშირებით. ეს გარემოება არასამთავრობო
ორგანიზაციისთვის სახელმწიფო სახსრების არამიზნობრივ ხარჯვაზეც
მიუთითებს.
"მიგვაჩნია, რომ ნამახვანის
ხელშეკრულების შეფასებაში იმ იურიდიული კომპანიის ჩართვა, რომელთანაც
იუსტიციის მინისტრის პირველ მოადგილეს თხუთმეტწლიანი პროფესიული
ურთიერთობა აკავშირებს, უკიდურესად პრობლემურია და პრაქტიკულად არ
ტოვებს პროცესისადმი ნდობის უმცირეს შანსსაც კი", -
ნათქვამია ორგანიზაციის მიერ გავრცელებულ განცხადებაში.
პროცესს უნდობლობას უცხადებენ ნამახვანჰესის მოწინააღმდეგეებიც.
მოძრაობა რიონის ხეობის გადარჩენისთვის" წარმომადგენლებისთვის,
რომელთა პროტესტის შედეგადაც საზოგადოებამ ნამახვანჰესის, როგორც
პრობლემური პროექტის შესახებ შეიტყო, პროცესი არასანდოა.
იუსტიციის სამინისტრომ,
ნამახვანჰესის პროექტზე მთავრობასა და კომპანია "ენკას" შორის
გაფორმებული ხელშეკრულების შესასწავლად კომპანია 9 სექტემბერს
გამოავლინა. კომპანია გამარტივებული წესით, ტენდერის გარეშე შეირჩა,
რითაც მესამე სექტორისა და სპეციალისტების აზრით, უხეშად დაირღვა
სახელმწიფო შესყიდვების კანონმდებლობის მოთხოვნები. გარდა ამისა,
პროცესი დახურული და გაუმჭვირვალე იყო.
მსგავსი სიახლეები
13:02 / 25.04.2024
ქუთაისის მუნიციპალიტეტმა თერჯოლის მუნიციპალიტეტს თავის საკუთრებაში
არსებული, გარე განათების მეორადი სანათები გადასცა.
მედიისა და NGO სექტორის წარმომადგენლები ქუთაისის მერსა და საკრებულოს თავმჯდომარეს შეხვედრაზე იწვევენ
12:12 / 25.04.2024
ქუთაისში მოქმედი არასამთავრობო და მედია ორგანიზაციების
წარმომადგენლები, ზაზა ლომინაძის შემდეგ, შეხვედრაზე ქუთაისის მერსა და
საკრებულოს თავმჯდომარეს იწვევენ.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები