ახალი ამბები
ქუთაისის საოლქო კომისია ოპოზიციის ბრალდებებს უარყოფს
FaceBook
ქუთაისის 59-ე საოლქო საარჩევნო კომისიაში, სიებთან დაკავშირებულ ხარვეზებს უარყოფენ და აცხადებენ, რომ საარჩევნო უბნების მუშაობაში შეფერხებები არ არის.

ქუთაისის მერობის კანდიდატს ოპოზიციიდან ხატია დეკანოიძეს, რომელმაც საუბნო კომისიებში არსებულ დარღვევებზე ისაუბრა, საოლქო კომისიის თავმჯდომარემ უპასუხა. ლარინა ლალიაშვილის თქმით, სიების გაკვრისა და შედგენის სტანდარტები დაცულია.

"16-ე უბანზე, ქალბატონი ხატია დეკანოიძე ამტკიცებს რომ ადამიანები ვერ პოულობენ საკუთარ თავს სიებში, ჩვენს მიერ მოპოვებული ცნობებით, მოცემულ უბანზე გამოკრული კედლის სიები არსებულ სტანდარტებს აკმაყოფილებს. რაც შეეხება 43-ე უბანს, გადამოწმების შედეგად, 43-ე საუბნო საარჩევნო კომისიის წევრები უარყოფენ გაჟღერებულ ინფორმაციას და აღნიშნავენ, რომ საუბნო საარჩევნო კომისიაში გადასატანი ყუთის სიის შედგენა მიმდინარეობას კანონით განსაზღვრული წესი
თ", - განაცხადა ლარინა ლალიაშვილმა.

კომისიის თავმჯდომარემ ასევე ისაუბრა  N70-ე უბანზე, რომელიც სპორტულ დარბაზ "კოლხიდა"-ს შენობში მდებარეობს. მისი თქმით, სივრცე, სადაც არჩევნები უნდა ჩატარდეს დაფარულია სპორტული ლეიბით, რომლის აღება ვერ მოხერხდა, რადგან ეს ხელს შეუშლიდა სპორტული სკოლის ფუნქციონირებას. ამის გამო, 70-ე უბანი გადატანილია დროებითი განთავსების ადგილზე, უბნიდან 200 მეტრში. უბნამდე მისავლელი გზა კი მითითებულია ისრებით.

"სიებთან გამოკრულია საუბნო საარჩევნო კომისიის ხელმძღვანელი პირების ტელეფონის ნომრები, რათა მაქსიმალურად ავიცილოთ თავიდან გაუგებრობა, რომელიც არსებულ სიტუაციას შეიძლება გამოეწვია", - განაცხადა საოლქო კომისიის თავმჯდომარემ.

ქუთაისის მერობის კანდიდატმა ოპოზიციიდან ხატია დეკანოიძემ, დღევანდელ ბრიფინგზე საარჩევნო სიებში და საარჩევნო უბნებზე არსებულ დარღვევებზე ისაუბრა.

მისი თქმით, კონკრეტულ უბნებზე სიები ამომრჩევლისთვის მიუწვდომელ ადგილებზეა გამოკრული, დარღვევებია გადასატანი ყუთების სიებშიც, რამდენიმე საარჩევნო უბანი კი დაკეტილია. მერობის კანდიდატი მიიჩნევს, რომ "ქართული ოცნება" დაბრკოლებებს გააზრებულად ქმნის, რათა ამომრჩეველი დააბნიოს.

მერობის კანდიდატმა ცესკოს და ქუთაისის საოლქო კომისიას ხარვეზების დაუყოვნებლივ აღმოფხვრისკენ მოუწოდა.


Print E-mail
FaceBook Twitter
მსგავსი სიახლეები
მე ახლა ვიმყოფები პუტინის ტყვეობაში, პირადი პატიმარი ვარ რუსული
სისტემის
13:36 / 02.12.2021
მე ახლა ვიმყოფები პუტინის ტყვეობაში, პირადი პატიმარი ვარ რუსული სისტემის
თბილისის საქალაქო სასამართლოში საქართველოს მესამე პრეზიდენტისა და
სახელმწიფო დაცვის სპეციალური სამსახურის ყოფილი უფროსის თეიმურაზ
ჯანაშიას სასამართლო პროცესი მიმდინარეობს.
12:25 / 02.12.2021
თბილისის საქალაქო სასამართლოში საქართველოს მესამე პრეზიდენტისა და სახელმწიფო დაცვის სპეციალური სამსახურის ყოფილი უფროსის თეიმურაზ ჯანაშიას სასამართლო პროცესი მიმდინარეობს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.