ახალი ამბები
ქუთაისის რესტორნები არავაქცინირებული პირებისთვის შეზღუდვების დაწესებას არ გეგმავენ
FaceBook
კვების ობიექტების ნაწილმა არავაქცინირებული პირებისთვის შეზღუდვები დააწესა. თბილისში უკვე რამდენიმე ბარ-რესტორანმა განაცხადა, რომ  თავიანთ დაწესებულებებში მხოლოდ აცრილ პირებს დაუშვებენ.

შეზღუდვების დაწესებას არ გეგმავენ ქუთაისის ბარ-რესტორნები. მათი ნაწილი მიიჩნევს, რომ ჯერჯერობით, აკრძალვის შემოღების აუცილებლობა არ არსებობს.

რესტორან ,,ჰოე-გარდენის'' მენეჯერის გიორგი ლომთაძის განმარტებით, თანამშრომლები და ვიზიტორები მკაცრად იცავენ კოვიდრეგულაციებს და ეს საკმარისია.

,,ჩვენ ვიცავთ რეგულაციებს, ყველა თანამშრომელი სრულად ვაქცინირებულია. ვიზიტორებიც იცავენ წესებს.  ჯერჯერობით, აუცილებლობა იმისა, რომ მხოლოდ კოვიდპასპორტიანები მივიღოთ, არ არსებობს'',- განმარტავს გიორგი ლომთაძე.

არავაქცინირებულ ვიზიტორებზე შეზღუდვის დაწესებას არც ბარ-რესტორანი ,,პალატი'' აპირებს.

,,თუ სახელმწიფო არ დაგვავალდებულებს,  მსგავს შეზღუდვას არ ვაპირებთ.  ბიზნესი ახლა ისედაც ცუდ დღეშია, სახელმწიფო კი არაფრით გვეხმარება. რესტორანში ყველა კოვიდრეგულაცია დაცულია. ტურისტები, რომლებიც ჩვენთან მოდიან, ყველა კოვიდპასპორტითაა'', - ამბობს ბარ-რესტორნის მენეჯერ თორნიკე ჭელიძე.

შეზღუდვებიც დაწესებას არ აპირებენ არც რესტორნებში ,,ჰაკერ-ფშორი'' და ,,აგერარი''.

,,აგერარის'' მენეჯერის ალექსანდრე მშვილდაძის თქმით, რესტორანში ყველა კოვიდწესი დაცულია და უსაფრთხო გარემოა შექმნილი.

,,თანამშრომელთა ნაწილი უკვე აცრილია, ნაწილი სამომავლოდ აპირებს, არავაქცინირებული პირებისთვის ჯერეჯერობით,  შეზღუდვებს არ ვგეგმავთ, რადგან ეს ჩვენთვის წაგება იქნება''-, ამბობს ალექსანდრე მშვილდაძე.


გასული 24 საათის განმავლობაში, იმერეთის რეგიონში კორონავირუსის 422 ახალი შემთხვევა დაფიქსირდა. აცრილია 2839 ადამიანი.


Print E-mail
FaceBook Twitter
მსგავსი სიახლეები
თბილისის საქალაქო სასამართლოში საქართველოს მესამე პრეზიდენტისა და
სახელმწიფო დაცვის სპეციალური სამსახურის ყოფილი უფროსის თეიმურაზ
ჯანაშიას სასამართლო პროცესი მიმდინარეობს.
12:25 / 02.12.2021
თბილისის საქალაქო სასამართლოში საქართველოს მესამე პრეზიდენტისა და სახელმწიფო დაცვის სპეციალური სამსახურის ყოფილი უფროსის თეიმურაზ ჯანაშიას სასამართლო პროცესი მიმდინარეობს.
იმერეთის მუნიციპალიტეტის რამდენიმე სოფელში
გაზმომარაგება გეგმიური სამუშაოების გამო შეწყდება.
11:14 / 02.12.2021
იმერეთის მუნიციპალიტეტის რამდენიმე სოფელში გაზმომარაგება გეგმიური სამუშაოების გამო შეწყდება.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.