ახალი ამბები
პარტიის მიერ დასახელებული მაჟორიტარობის შვიდი კანდიდატიდან, ხუთი მოქმედი მაჟორიტარია, ერთი კი პარტიული სიის მოქმედი დეპუტატია. "ქართულ ოცნებას" დეპუტატებისთვის სამაჟორიტარო ოლქებიც კი არ შეუცვლია. ერთადერთი სიახლე სიაში მაგდა კოსტავაა, რომელიც გამარჯვების შემთხვევაში საფიჩხია-კახიანოურის გაერთიანებულ ოლქს ჩაიბარებს.
"ქართული ოცნების" ძველი სახეები ახალ სიაში
14:33 / 06.09.2021
მმართველი გუნდი, ქუთაისის
საკრებულოს ახალი შემადგენლობის დაკომპლექტებას, ძველი სახეებით
გეგმავს.
პარტიის მიერ დასახელებული მაჟორიტარობის შვიდი კანდიდატიდან, ხუთი მოქმედი მაჟორიტარია, ერთი კი პარტიული სიის მოქმედი დეპუტატია. "ქართულ ოცნებას" დეპუტატებისთვის სამაჟორიტარო ოლქებიც კი არ შეუცვლია. ერთადერთი სიახლე სიაში მაგდა კოსტავაა, რომელიც გამარჯვების შემთხვევაში საფიჩხია-კახიანოურის გაერთიანებულ ოლქს ჩაიბარებს.
გამოდის, რომ თუ მმართველმა პარტიამ
ქუთაისის ოლქებში არჩევნები მოიგო, მომდევნო ოთხი წელი ქალაქს
იგივე მაჟორიტარები ეყოლება.
პარტიის მიერ წარდგენილი
მაჟორიტარული სია ასეთია:
ამირან კოპალეიშვილი - უქიმერიონი;
ირაკლი შენგელია - გამარჯვება; თეიმურაზ ნადირაძე -
ქალაქმუზეუმი; მაგდა კოსტავა -
საფიჩხია-კახიანოური; კახა ბოჭორიშვილი - ნიკეა-ძელქვიანი;
მამუკა რიჟამაძე - სულხან-საბა-ვაკისუბანი; მერაბ კვიცარიძე -
ავტოქარხანა - ავტომშენებელი.
რატომ არ შესთავაზა ახალი სახეები
პარტიამ ამომრჩეველს, ამაზე "ქართული ოცნების" ქუთაისის ორგანიზაციაში
გვპასუხობენ, რომ მოქმედმა დეპუტატებმა საკრებულოში ისევ ყოფნა
დაიმსახურეს.
"მაგალითად, მერაბ
კვიცარიძე არის ჰიპერაქტიური ადამიანი და 24 საათი დასტრიალებს
მის უბანს. რაც შეეხება ირაკლი შენგელიას, საკრებულოს
თავმჯდომარეა და რა თქმა უნდა, ეს დამსახურებით იყო თავის
დროზეც. ძალიან უყვარს ბატონი ამირან კოპალეიშვილი მის
უბანს, გამოცდილი და ქალაქში სახელიანი კაცია თემურ ნადირაძე და
შესაბამისი კანდიდატია "ქართული ოცნებისთვის"...
მათ გაამართლეს მოლოდინები. ვინც აღარ არიან, ისინიც
კარგები იყვნენ, მაგრამ ოლქების შემცირების და სხვა გარემოებების
გამო გადაწყდა ასე", - განაცხადა პარტიის ქუთაისის
ორგანიზაციის თავმჯდომარის მოვალეობის შემსრულებელმა, გია
ბასილაძემ.
ძველი სახეები მოხვდნენ პარტიის
პროპორციულ სიაშიც. საკრებულოში კვლავ შესვლას შეეცდებიან
მოქმედი ქალი დეპუტატები - მარეხი ნიჟარაძე და მაია სიმონიძე.
რაც შეეხება ნანა კოსტავას, რომელმაც საზოგადოებას თავი სიძულვილის
ენით დაამახსოვრა, როგორც ჩანს, მმართველი პარტიის
ნდობა ვეღარ დაიმსახურა. მეორე შანსი "ქართულმა ოცნებამ" არც ალეკო
ახალაძეს მისცა, რომელიც პარტიაზე განაწყენებულია. გია ბასილაძე
ამბობს, რომ სიის მიღმა დარჩენილები არ უნდა ბრაზობდნენ, რადგან
გადაწყვეტილება გარემოებათა შეჯერებით იქნა
მიღებული.
"სახელებით არ მინდა
ვისაუბრო, მაგრამ ყველამ იცოდა, რომ არჩევნები, რომელიც ტარდება,
არის განსაზღვრული ვადით, ამის შემდეგ, სხვადასხვა
გარემოებების ერთობლიობა ქმნის შედეგს. ამ ერთობლიობაში ზოგი ასე
მოხვდა, ზოგი ისე. შესაძლოა, დაწყდათ გული, მაგრამ სიტუაციამ
მოიტანა ასე", - ამბობს გია ბასილაძე.
ვის გამოუცხადებს ნდობას ამომრჩეველი, ეს ერთ თვეზე ნაკლებ დროში გაირკვევა. ადგილობრივი თვითმმართველობის არჩევნები 2 ოქტომბერს ჩატარდება.
ვის გამოუცხადებს ნდობას ამომრჩეველი, ეს ერთ თვეზე ნაკლებ დროში გაირკვევა. ადგილობრივი თვითმმართველობის არჩევნები 2 ოქტომბერს ჩატარდება.
მსგავსი სიახლეები
12:08 / 20.04.2024
ქუთაისში მოქმედი არასამთავრობო ორგანიზაციებისა და მედიის
წარმომადგენლები ქალაქის მაჟორიტარ დეპუტატ ზაზა ლომინაძეს შეხვედრაზე
იწვევენ.
11:02 / 20.04.2024
„ქალები ვირჩევთ ევროპას“ - ამ სახელწოდებით, ქუთაისში, რუსული
კანონის წინააღმდეგ დღეს აქცია გაიმართება.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები