ახალი ამბები
"კლუბი იქნება კეთილსინდისიერი მეპატრონის ხელში" - ქუთაისის მერი "ტორპედოს" ახალ მფლობელზე
FaceBook
"ტორპედოს" ახალმა მეპატრონემ, ბიზნესმენმა დავით კერესელიძემ ქუთაისის ბიუჯეტში საგარანტიო თანხა უკვე ჩარიცხა.

აუქციონის პირობების თანახმად, კერესელიძის კომპანიამ "ნიუ ვიჟენ უნივერსიტეტი"  350 000 ლარი გადაიხადა. ქუთაისის მერიის ინფორმაციით, ახალი ინვესტორი ქალაქში რამდენიმე დღეში ჩამოვა და  ხელშეკრულებას გააფორმებს. ქალაქის მერი იოსებ ხახალეიშვილი დარწმუნებულია, რომ კლუბის ახალი მეპატრონე კეთილსინდისიერი იქნება.

"კომპანიის წარმომადგენლები  რამდენიმე დღეში ეწვევიან ქუთაისს და გვექნება  შეხვედრა ხელშეკრულების მომზადებასთან დაკავშირებით.  დარწმუნებული ვარ, რომ კლუბი იქნება სანდო, კეთილსინდისიერი მეპატრონის ხელში"
, - განაცხადა იოსებ ხახალეიშვილმა.

ქუთაისის "ტორპედო" აუქციონზე 1 სექტემბერს გასხვისდა. "ნიუ ვიჟენ უნივერსიტეტმა" კლუბი 577 017 ლარად შეიძინა.

"ქუთაისის "ტორპედოს" შეძენა მიზნად ისახავს როგორც ფეხბურთის, ისე რეგიონული განვითარების ხელშეწყობას. საუნივერსიტეტო და ქუთაისის "ტორპედოს" საფეხბურთო საზოგადოების ძალისხმევის გაერთიანება, სოციალური პასუხისმგებლობის იდეის პოპულარიზაციას ემსახურება", - ნათქვამია "ნიუ ვიჟენ უნივერსიტეტის" განცხადებაში.

მთავარი პირობა კლუბის დავალიანების გასტუმრებაა, რომელიც მერიის ინფორმაციით, 2 470 000 ლარია. ახალმა მფლობელმა თანხა ორ ეტაპად, წლის ბოლომდე უნდა გადაიხადოს.

ასევე, კლუბის განვითარებისთვის ყოველწლიურად მინიმუმ ოთხი მილიონი ლარის ინვესტიცია უნდა განახორციელოს. ინვესტორმა, თავად უნდა მოიძიოს დონორები და შემოსავლის ალტერნატიული წყაროები. თანხის 10% კი უნდა გამოიყენოს კლუბის მატერიალურ-ტექნიკური ბაზის გაუმჯობესებისთვის.

ახალმა მფლობელმა ყოველწლიურად უნდა მოიპოვოს უეფასა და ეროვნული ლიცენზიები. წელიწადში 100-დან 2000 ბავშვამდე კონტიგენტისთვის უზრუნველყოს საფეხბურთო სკოლა-აკადემიისა და ბავშვთა გუნდების ფუნქციონირება. ინვესტორმა, კლუბში, ყოველი წლის ბოლოს უნდა ჩაატაროს აუდიტორული შემოწმება და შედეგები მერიას წარუდგინოს.

მუნიციპალიტეტი ინვესტორს, "ტორპედოს" წინააღმდეგ სასამართლოში არსებულ საქმისწარმოების შედეგებზეც აკისრებს პასუხისმგებლობას და საერთო სასამართლოების მიერ მიღებული გადაწყვეტილების შესაბამისად, სამი მილიონი ლარის ფარგლებში თანხის გადახდას ავალდებულებს.

ქუთაისის მერიამ "ტორპედო" აუქციონზე მეორედ გამოიტანა. პირველ შემთხვევაში კლუბის შეძენით არავინ დაინტერესდა.



ქუთაისის მერიამ "ტორპედო" აუქციონზე პირველად 2017 წელს გაყიდა. მაშინ კლუბი 300 000 ლარად გასხვისდა, თუმცა, ზაალ ჩაჩავამ ვალდებულებები ვერ შეასრულა და კლუბი დატოვა. ამის შემდეგ "ტორპედოთი" იტალიელ ინვესტორთა ჯგუფი დაინტერესდა, რომლებმაც ასევე, არ შეასრულეს ქუთაისის მერიის წინაშე აღებული ფინანსური ვალდებულებები.
Print E-mail
FaceBook Twitter
მსგავსი სიახლეები
„მინისტრს აქვს კანონით მინიჭებული დისკრეცია,  თავად დანიშნოს
შეხედულებისამებრ სამხატვრო ხელმძღვანელი
15:30 / 03.12.2021
„მინისტრს აქვს კანონით მინიჭებული დისკრეცია,  თავად დანიშნოს შეხედულებისამებრ სამხატვრო ხელმძღვანელი ", – განაცხადა წულუკიანმა დღეს, 3 დეკემბერს, პარლამენტში მოსმენისას.
ქუთაისის მეშვიდე მოწვევის საკრებულოს საკრებულოს
თავმჯდომარედ ირაკლი შენგელია აირჩიეს.
15:20 / 03.12.2021
ქუთაისის მეშვიდე მოწვევის საკრებულოს საკრებულოს თავმჯდომარედ ირაკლი შენგელია აირჩიეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.