ახალი ამბები
"19 კილო დაიკლო" - გოგი წულაიამ შიმშილობა შეწყვიტა
FaceBook
პოლიტიკოსმა გოგი წულაიამ, რომელიც სამ თვეზე მეტია წინასწარ პატიმრობაშია, შიმშილობა შეწყვიტა, თუმცა, მედიკამენტების მიღებაზე კვლავ უარს ამბობს.

მისივე მოთხოვნით, იგი ციხის საავადმყოფოდან #8 სასჯელაღსრულების დაწესებულებაში გადაიყვანეს.

დაკავებულის ადვოკატის ვალერი გელბახიანის თქმით, პატიმარმა წონაში მნიშვნელოვნად დაიკლო.

"19 კილო აქვს დაკლებული. შიმშილობა შეწყვიტა, მაგრამ უარს ამბობს მედიკამენტების მიღებაზე. თვითონვე მოითხოვა #8 დაწესებულებაში დაბრუნება", - ამბობს ვალერი გელბახიანი.

პირველ ივლისს დაკავებულის მორიგი სასამართლო სხდომა გაიმართება, სადაც დაცვის მხარე მის გათავისუფლებას ელოდება.

გოგი წულაია წაყენებულ ბრალს ამ დრომდე არ აღიარებს და თავს ბიძინა ივანიშვილის პირად პატიმრად მიიჩნევს. მან პროტესტის ნიშნად შიმშილობა გამოაცხადა, რის შემდეგაც მისი ჯანმრთელობის მდგომარეობა დამძიმდა.

გოგი წულაია მიმდინარე წლის  17 მარტს დააკავეს. მის მიმართ გამოძიება 138-ე მუხლით მიმდინარეობს, რაც სექსუალური ხასიათის სხვაგვარ ქმედებას გულისხმობს. ბრალის დამტკიცების შემთხვევაში  მას 4 -დან 6 წლამდე თავისუფლების აღკვეთა ემუქრება.

დაკავებული ბრალდებას არ ეთანხმება და მომხდარს ბერა ივანიშვილისა და პრემიერ-მინისტრის ირაკლი ღარიბაშვილის იმ აუდიოჩანაწერებს უკავშირებს, სადაც ბერა ივანიშვილი ირაკლი ღარიბაშვილს იმ არასრულწლოვნების დასჯას სთხოვს, რომლებმაც მას სოციალურ ქსელში შეურაცხყოფა მიაყენეს. ჩანაწერის გამოქვეყნების შემდეგ გოგი წულაიამ ბერა ივანიშვილს საჯაროდ აგინა. რამდენიმე დღის შემდეგ კი იგი დააკავეს. 

ამავე თემაზე:

"კრიტიკულ ზღვარს უახლოვდება" - გოგი წულაია შიმშილობის შეწყვეტაზე უარს აცხადებს

გოგი წულაიას მიმართ ახალი საქმის წარმოება დაიწყო


გოგი წულაია საავადმყოფოშია გადაყვანილი

Print E-mail
FaceBook Twitter
თეგები: #გოგი წულაია
მსგავსი სიახლეები
ქუთაისის დავით კაკაბაძის სახელობის სახვითი ხელოვნების გალერეაში
გამოფენა
15:12 / 29.11.2022
ქუთაისის დავით კაკაბაძის სახელობის სახვითი ხელოვნების გალერეაში გამოფენა "კლასელები" გაიხსნა.
მართვის მოწმობის პრაქტიკული გამოცდის მეორე ეტაპზე, მგზავრობის
დაწყებამდე სატრანსპორტო საშუალების ტექნიკური გამართულობის შემოწმება
სავალდებულო იქნება.
13:46 / 29.11.2022
მართვის მოწმობის პრაქტიკული გამოცდის მეორე ეტაპზე, მგზავრობის დაწყებამდე სატრანსპორტო საშუალების ტექნიკური გამართულობის შემოწმება სავალდებულო იქნება.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.