ახალი ამბები
დევნილები ქუთაისის მერიას ზეწოლაში ადანაშაულებენ
FaceBook
ქუთაისში, გუგუნავას ქუჩა N12-ში მდებარე ამორტიზებულ შენობაში მცხოვრები დევნილები, მერიას ზეწოლაში ადანაშაულებენ.
მათი თქმით, სამართალდამცველები შენობასთან უკვე ორი კვირაა მორიგეობენ. ეს პროცესი კი მას შემდეგ დაიწყო, რაც ცნობილი გახდა, რომ მათ  შენობა, სადაც ქუთაისის მერია სოციალური საცხოვრისს აწყობს, უნდა დაცალონ. დევნილები მერიის მხრიდან მუქარაზეც საუბრობენ და ამბობენ, რომ შენობიდან იძულების წესით გაყვანის მოლოდინში არიან. 

"საბინაო სამსახურის უფროსი მოვიდა და მას მოყვა დაცვის პოლიცია იარაღით. 24 საათი აქ დგანან. გვეუბნებიან,  შენობა უნდა დატოვოთო. რომ წავიდეთ,  სად წავიდეთ? ჩვენ სხვა საცხოვრებელი არ გვაქვს, წლებია აქ ვცხოვრობთ.  პოლიციასთან პრობლემა არ გვაქვს, მაგრამ მათი აქ ყოფნა მუდმივ სტრესში გვამყოფებს
", - განმარტავს სოციალურ საცხოვრისში მცხოვრები ირინა ბაღათურია.

ქუთაისის საბინაო სამსახურის უფროსი ჯონი არაბიძე ბრალდებებს უარყოფს და ამბობს, რომ ადგილობრივებს არავინ დამუქრებია. მისი თქმით, შენობას რეკონსტრუქცია უნდა ჩაუტარდეს, ადგილობრივები კი, ამაში ხელს უშლიან.

"შენობა არის მერიის ბალასზე, მას უნდა ჩაუტარდეს რეკონსტრუქცია.  ადგილობრივები ხელს უშლიან ამ პროცესს. დაცვის პოლიცია იმიტომ დგას, რომ შენობაში უცხო პირის შესვლა არ მოხდეს, ან რამის დაზიანება. დაცვის თანამშრომლები მანამდე იქნებიან იქ, სანამ რეკონსტრუქცია არ დასრულდება. ჩვენ ამ ადამიანებს ქირით გადაყვანას ვთავაზობთ, უბინაოდ არავინ დატოვებს მათ.  დევნილთა სამინისტროსაც მივმართეთ, რომ უზრუნველყონ მათი ბინით დაკმაყოფილება. თუ ისინი არ დააკმაყოფილებენ, მაშინ რეკონსტრუქციის შემდეგ დაბრუნდებიან შენობაში",- განმარტავს ჯონი არაბიძე.

გუგუნავას N12-ში 7 სოციალურად დაუცველი ოჯახი ცხოვრობს.

ქუთაისში, გუგუნავას ქუჩაზე, დევნილები 28 წელია ამორტიზებულ შენობაში ცხოვრობენ. კორპუსს არ აქვს ფანჯრები, დაზიანებულია იატაკი და კედლები, წყალი ჩამოდის სახურავიდან. არ აქვთ ინდივიდუალური სააბაზანო და სასმელ წყალს საერთო საპირფარეშოს ონკანიდან იღებენ. ბოლო პერიოდში პრობლემებს სარდაფში დამდგარი წყალიც დაემატა. ოთხსართულიან შენობაში დაზიანებული მილებიდან წყალი ჟონავს და სარდაფში გროვდება, რის გამო შენობაში ნესტია. გაჩნდა მღრღნელები და ქვეწარმავლები. კედლებიდან ყოველდღიურად ცვივა ბათქაში. დაზიანებულია შენობის გარე ფასადი. დევნილები ამბობენ, რომ ცხოვრება ყოველდღიურად უფრო გაუსაძლისი ხდება.

ქუთაისის მერიამ შენობის სოციალური საცხოვრისად გადაკეთება გასულ წელს გადაწყვიტა. სამუშაოები ბიუჯეტს 821 820 ლარი დაუჯდება. ქუთაისში, ეს უკვე მეორე სოციალური საცხოვრისი იქნება, სადაც უსახლკარო ადამიანებს დროებითი ცხოვრების უფლებით შეასახლებენ.

Print E-mail
FaceBook Twitter
მსგავსი სიახლეები
10 ოქტომბრიდან ქუთაისის აეროპორტი რეაბილიტაციის გამო ორი კვირით
დაიხურება.
09:30 / 06.10.2022
10 ოქტომბრიდან ქუთაისის აეროპორტი რეაბილიტაციის გამო ორი კვირით დაიხურება.
ქუთაისში, ყოფილის მუზეუმის  შენობის ადგილზე, სადაც საგამოფენო
სივრცე უნდა მოეწყოს, მშენებლობის  მოსამზადებელი სამუშაოები
დასრულებულია. 
14:19 / 05.10.2022
ქუთაისში, ყოფილის მუზეუმის  შენობის ადგილზე, სადაც საგამოფენო სივრცე უნდა მოეწყოს, მშენებლობის  მოსამზადებელი სამუშაოები დასრულებულია. 

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.