ახალი ამბები
რიონის ხეობაში რკინის ბარიკადებს იღებენ
FaceBook
რიონის ხეობაში, გუმათჰესთან პოლიციელები  რკინის ჯებირეს იღებენ.
ბარიკადების აღება ის ერთ-ერთი პირობაა, რომელიც მთავრობამ  მცველებს,  12 ივნისს ევროკავშირის მედიაციით გამართულ  შეხვედრაზე მისცა. 

ხეობის ერთ-ერთი მცველის,  ვარლამ გოლეთიანის თქმით, შემდეგი პირობა სამართალდამცველების მიერ ხეობის დატოვებაა, რომელიც, მისივე თქმით, ასევე უნდა შესრულდეს. 

"მოხარულები ვართ, რომ პირობა შესრულდა. ამის შემდეგ ჩვენ  გადავინაცვლებთ სოფელ  ნამოხვანში, სადაც თავდაპირველი ადგილი იყო ჩვენი პროტესტის. საბოლოო გამარჯვებამდე ყველანი ისევ ერთად უნდა ვიყოთ", - განაცხადა ვარლამ გოლეთიანმა. 

ხეობა რკინის ჯებირებით 14 აპრილს გაიყო. ჯებირების იქით მცველებს გადაადგილება შეზღუდული ჰქონდათ. ასევე, პრობლემა ექმნებოდა მოსახლეობასაც. 

ხეობაში  ნამახვანჰესის მშენებლობის წინააღმდეგ პროტესტი 234 დღეა გრძელდება. მათი მოთხოვნები ისევ უცვლელია. 


შეწყდეს "ენკასთან" ნამახვანჰესის მშენებლობის შესახებ გაფორმებული ხელშეკრულება;

კომპანიამ დატოვოს რიონის ხეობა;

გაუქმდეს ნამახვანჰესის მშენებლობის ნებართვა

გადადგეს ეკონომიკის მინისტრი ნათია თურნავა.


რიონის ხეობაში 433 მგვტ. სიმძლავრის ჰესს კომპანია "ენკა" აშენებს. მთავრობასა და ინვესტორს შორის გაფორმებული ხელშეკრულება უკვე შეისწავლეს სპეციალისტებმა და მას ქვეყნის ინტერესების საზიანო უწოდეს.
Print E-mail
FaceBook Twitter
მსგავსი სიახლეები
აგვისტოს 5-დღიანი ომიდან 14 წელი გავიდა.
10:25 / 07.08.2022
აგვისტოს 5-დღიანი ომიდან 14 წელი გავიდა.
გარემოსდაცვითი ზედამხედველობის დეპარტამენტის თანამშრომლებმა
ხარაგაულში 2 არარეგისტრირებული სახერხი საამქრო გამოავლინეს.
10:11 / 07.08.2022
გარემოსდაცვითი ზედამხედველობის დეპარტამენტის თანამშრომლებმა ხარაგაულში 2 არარეგისტრირებული სახერხი საამქრო გამოავლინეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.