ახალი ამბები
რიონის ხეობაში  "ენკამ" საწვავი და საკვები პოლიციის ძალით შეიტანა (ვიდეო)
FaceBook
სოფელ ტვიშში, იმ ტერიტორიაზე, სადაც ხეობის მცველები კომპანიის ტექნიკის გადაადგილების შესაზღუდად მორიგეობენ, "ენკას" ავტომანქანები პოლიციასთან ერთად გამოჩნდნენ.

კომპანია ამ გზით ხეობაში საწვავისა და საკვების შეტანას ცდილობდა, რასაც დაპირისპირება მოჰყვა. ადგილობრივების ინფორმაციით, ადგილზე პოლიციის 50-მდე ავტომანქანაა მობილიზებული და ასე ცდილობს აქტივისტების წინააღმდეგობის შეკავებას. საბოლოოდ, ჰესის მშენებელი კომპანიის ავტომანქანებმა ხეობაში შესვლა შეძლეს.
"50-მდე პიკაპი არის ადგილზე. შეუვარდნენ ადამიანებს და სცემეს ყველას. საბოლოოდ, შევიდნენ მანქანები, ეს არის პასუხი პრემიერის გუშინდელ განცხადებაზე? ამის შემდეგ როგორ უნდა დაიწყოს მოლაპარაკებები?",
- ამბობს მოძრაობა "რიონის ხეობის გადარჩენისთვის" ერთ-ერთი ლიდერი, მაკა სულაძე.

9 ივნისს, ქუთაისში ვიზიტად მყოფმა პრემიერმა, რომელმაც რეგიონი ისე დატოვა, რომ ხეობის მცველებს არ შეხვდა, განაცხადა, რომ არსებული ხელშეკრულებით ჰესი არ აშენდება.

12 ივნისს კი ხეობის მცველებსა და ხელისუფლების წარმომადგენლებს შორის, ევროკავშირის ენერგეტიკული გაერთიანების მედიაციით შეხვედრაა დაგეგმილი.
Print E-mail
FaceBook Twitter



მსგავსი სიახლეები
ბაღდათის მუნიციპალიტეტში, სოფელ დიმში მომხდარ ავტოსაგზაო შემთხვევას
ახალგაზრდა ბიჭის სიცოცხლე ემსახვერპლა.
16:29 / 23.06.2021
ბაღდათის მუნიციპალიტეტში, სოფელ დიმში მომხდარ ავტოსაგზაო შემთხვევას ახალგაზრდა ბიჭის სიცოცხლე ემსახვერპლა.
გელათში არსებული ვითარების შესასწავლად იუნესკოს ექსპერტები
იმყოფებიან.
12:02 / 23.06.2021
გელათში არსებული ვითარების შესასწავლად იუნესკოს ექსპერტები იმყოფებიან.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.