ახალი ამბები
შუქრუთელებმა კომპანია ,,ჯორჯიან მანგანეზთან'' მოლაპარაკება დაიწყეს
FaceBook
შუქრუთელებმა, რომლებსაც პროტესტის ნიშნად 28 დღე ჰქონდათ პირი ამოკერილი და მშრალ შიმშილზე იყვნენ, კომპანია ,,ჯორჯიან მარგანეზისგან'' მოლაპარაკების შეთავაზება მიიღეს.
თუმცა, ამის მიუხედავად პროტესტს არ წყვეტენ. 

"იმის გამო, რომ ჯერჯერობით მხოლოდ  დიალოგი დავიწყეთ, ნდობის ფაქტორი დიდად არ გვაქვს. ამიტომ  მხოლოდ  მშრალი შიმშილობა შევწყვიტეთ", - ამბობენ შუქრუთელები. 

შუქრუთის მკვიდრის ეთერ გაფრინდაშვილის თქმით, კომპანიასთან მოლაპარაკებაში მათი მხრიდან ჩართულია მაღალკვალიფიციური იურისტი და  იმედი აქვთ, რომ მოლაპარაკებები უმოკლეს ვადაში წარმატებით დასრულდება.

"კონსტრუქციული დიალოგის შედეგად მხარეები შეთანხმდნენ, რომ პროცესები მოლაპარაკებების მაგიდასთან გადაინაცვლებს. მიღწეულ შეთანხმებას საბოლოოდ იურიდიული ძალა ექნება. ხელმოწერის პროცესსა და მის აღსრულებას "ჯორჯიან მანგანეზი" გაუწევს მონიტორინგს", – ნათქვამია ,,ჯორჯიან მარგანეზის'' მიერ გავრცელებულ განცხადებაში განცხადებაში.

ჭიათურის მუნიციპალიტეტის სოფელ შუქრუთის მცხოვრებლების პროტესტი უკვე რამდენიმე დღეა თბილისში, ამერიკის საელჩოსთან, გრძელდება. 

აქციის მონაწეილეებს 28 დღე პირი ჰქონდათ ამოკერილი და თითქმის ერთი კვირა მშრალ შიმშლზე იყვნენ.

ჭიათურაში 115 დღეზე მეტია ადგილობრივები კომპანია "ჯორჯიან მანგანეზისგან" კომპენსაციების მიღებას ითხოვენ.

კომპანია "ჯორჯიან მანგანეზმა" 16 მაისს განაცხადა, რომ საინჟინრო კვლევების საფუძველზე, სოფელში 36 ოჯახი ჯამში 2 300 000 ლარის კომპენსაციას მიიღებს.

სოფელ შუქრუთში ადგილობრივები "ჯორჯიან მანგანეზის" მიერ მადნის მოპოვების სამუშაოებს, რის შედეგადაც, მათი თქმით, მათი საცხოვრებელი სახლები ზიანდება.

შპს "ჯორჯიან მანგანეზი" ჭიათურა-საჩხერის მუნიციპალიტეტში მანგანუმის მადნის სამთო მოპოვების ლიცენზიის მესაკუთრეა. ის მოპოვებით საქმიანობას ჭიათურის მთლიან ტერიტორიაზე (16 430 ჰექტარზე) ახდენს.
Print E-mail
FaceBook Twitter
მსგავსი სიახლეები
ირაკლი ღარიბაშვილმა იმერეთში ვიზიტისას თქვა, რომ
15:48 / 23.10.2021
ირაკლი ღარიბაშვილმა იმერეთში ვიზიტისას თქვა, რომ "ქართული ოცნების" კანდიდატებმა პირველ ტურში "მოღალატე გახარიას" გამო ვერ გაიმარჯვეს.
ირაკლი ღარიბაშვილი იმერეთში, თვითმმართველობის
არჩევნების მეორე ტურამდე რამდენიმე დღით ადრე, მოსახლეობას
შეხვდა.
15:23 / 23.10.2021
ირაკლი ღარიბაშვილი იმერეთში, თვითმმართველობის არჩევნების მეორე ტურამდე რამდენიმე დღით ადრე, მოსახლეობას შეხვდა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.