ახალი ამბები
"ვაგრძელებთ გვირაბის მშენებლობას" - მერაბ ლომინაძე
FaceBook
რიონის ხეობაში ნამახვანჰესის მშენებარე კომპანია "ენკას" დირექტორი მედიის წარმომადგენლებთან ერთად რიონის ხეობაში იმყოფება. ჟურნალისტები ჰესის სამშენებლო სამუშაოებს მასთან ერთად ათვალიერებენ. მედიის წარმომადგენლები იმყოფებოდნენ ის სადერივაციო გვირაბთან, რომელიც ხეობის მცველების თქმით, კაშხლის მშენებლობის ნაწილია, რაზეც რეალურად მორატორიუმია გამოცხადებული.

"ენკას" ტექნიკა ხეობაში

მერაბ ლომინაძე ამბობს, რომ გვირაბი მოსამზადებელ სამუშაოებში შედის და არის დროებითი ინფრასტრუქტურა.

"გვირაბი არის წინა მოსამზადებელი სამუშაოების, კაშხლის ნაწილი. შესაბამისად, აქვე გიდასტურებთ, რომ ჩვენ ვაგრძელებთ გვირაბის მშენებლობას",- განაცხადა მერაბ ლომინაძემ.

მან ასევე ისაუბრა ხეობის მცველების დღევანდელ განცხადებაზე იმის შესახებ, რომ კომპანიის თანამშრომლები ხეობაში პოლიციის ავტომანქანებით შეყავთ. ლომინაძე ამ ინფორმაციას უარყოფს, თუმცა, ამბობს, რომ ესკალაციის თავიდან არიდების მიზნით, მინიმუმამდე დაიყვანეს თანამშრომლების გადაადგილება ხეობაში.

"დაახლოებით 400 ადამიანია დასაქმებული და არ მომხდარა არც ერთი მათგანის გადაყვანა პოლიციის მიერ. ყველა ჩვენი თანამშრომელი არის ან ადგილობრივი, ან არის დროებით საცხოვრებელში მცხოვრები. იმ მიზნით, რომ მოხდეს თავიდან არიდება პროცესების ესკალაციის, მინიმუმამდე დავიყვანეთ თანამშრომლების მოძრაობა პიკეტების არეალში", - განაცხადა ლომინაძემ.

კომპანიის დირექტორი დარწმუნებულია, რომ ჰესის მშენებლობასთან დაკავშირებით ჩატარებული კვლევების გადამოწმების შედეგი დადებითი იქნება და მორატორიუმის ვადის ამოწურვის შემდეგ ჰესი აშენდება.

პარალელურად პროტესტი არ წყდება რიონის ხეობაში. უკვე ერთი კვირაა გუმათჰესთან ხეობის მცველები პოლიციის მიერ აღმართულ რკინის ბარიკადებზე ხელებით აბრახუნებენ და ხეობაში შესვლას ცდილობენ. დღესვე, შინაგან საქმეთა მინისტრმა ვახტანგ გომელაურმა განაცხადა, რომ საჭიროების შემთხვევაში პროტესტანტების წინააღმდეგ გამოყენებული იქნება წყლის ჭავლი და გაზი.

რიონის ხეობაში მომხდარი დაპირისპირების დროს 9 ადამიანი დააკავეს.
Print E-mail
FaceBook Twitter
მსგავსი სიახლეები
ირაკლი ღარიბაშვილმა იმერეთში ვიზიტისას თქვა, რომ
15:48 / 23.10.2021
ირაკლი ღარიბაშვილმა იმერეთში ვიზიტისას თქვა, რომ "ქართული ოცნების" კანდიდატებმა პირველ ტურში "მოღალატე გახარიას" გამო ვერ გაიმარჯვეს.
ირაკლი ღარიბაშვილი იმერეთში, თვითმმართველობის
არჩევნების მეორე ტურამდე რამდენიმე დღით ადრე, მოსახლეობას
შეხვდა.
15:23 / 23.10.2021
ირაკლი ღარიბაშვილი იმერეთში, თვითმმართველობის არჩევნების მეორე ტურამდე რამდენიმე დღით ადრე, მოსახლეობას შეხვდა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.