2016 წლის ბიუჯეტის პროექტის მიხედვით, ქუთაისში მოქმედი სახელმწიფო თეატრების ბიუჯეტები წინა წლებთან შედარებით გარკვეულ ცვლილებებს განიცდიან.

ქუთაისის ლადო მესხიშვილის სახელობის სახელმწიფო პროფესიული თეატრი ქალაქის 2016 წლის ბიუჯეტის პროექტის თანახმად 900 ათას ლარს მიიღებს. აღნიშნული თანხა თეატრის ფუნქციონირების ხელშეწყობას, წლის განმავლობაში მინიმუმ 5 ახალი სპექტაკლის დადგმას და წლის განმავლობაში მოქმედი სპექტაკლების განხორციელებას უნდა მოხმარდეს.

მელიტონ ბალანჩივაძის სახელობის ოპერისა და ბალეტის პროფესიული თეატრი მესხიშვილის თეატრთან შედარებით, ასიათასით ნაკლებს, 800 ათასს მიიღებს. ოპერის თეატრმაც დაფინანსება თეატრის ფუნქციონირების ხელშეყობისა და წლის განმავლობაში მოქმედი სპექტაკლების განხორციელებისთვის უნდა გამოიყენოს. თეატრს მინიმუმ 2 სპექტაკლის აღდგენა-განახლების ვალდებულება ეკისრება.

ქუთაისის იაკობ გოგებაშვილის სახელობის თოჯინების თეატრი 210 ათასით დაფინანსდება. თოჯინების თეატრმა ამ თანხის სანაცვლოდ წლის განმვალობაში რეპერტუარში არსებული სპექტაკლების პარალელურად 4 ახალი სპეკტაკლი უნდა დადგას. მოაწყოს გასვლითი სპეკტაკლების ორგანიზება და ჩატარება, ასევე თოჯინების თეატრის პოპულარიზაცია.

ქუთასის მერიამ 2016 წლის ბიუჯეტის პროექტზე მუშაობა გასულ კვირას დაასრულა.

საერთო ჯამში, ბიუჯეტი 47, 713 700 ლარით განისაზღვრა.