ახალი ამბები
რიონის ხეობის მცველები მორიგ შეხვედრას ფოთსა და ქობულეთში გამართავენ
FaceBook
ნამახვანჰესის მშენებლობის მოწინააღმდეგეების საინფორმაციო-გაცნობითი შეხვედრები გრძელდება.

ხეობის მცველები 10 მაისს ქობულეთსა და ფოთში ჩავლენ. ქობულეთში მოსახლეობასთან შეხვედრა აღმაშენებლის  ქუჩა #554-თან, 12 საათზე დაიწყება, ფოთში კი აქტივისტები 15 საათზე, ფოთის თეატრის წინ შეიკრიბებიან. შეხვედრაზე, ხეობის მცველები მოსახლეობას ნამახვანჰესის წინააღმდეგ პროტესტის არსზე ესაუბრებიან და თბილისში 23 მაისს დაგეგმილ აქციაზე შეკრებისკენ მოუწოდებენ.

ნამახვანჰესის მოწინააღმდეგეები მოსახლეობას უკვე შეხვდნენ ლანჩხუთში, ოზურგეთში, ჩოხატაურში, ცაგერსა და ამბროლაურში.


ხეობის მცველები სოფელ ნამოხვანში გიგანტური  ჰესის მშენებლობას 200 დღეზე მეტია აპროტესტებენ. ამ ხნის განმავლობაში მათ რამდენიმე ფართომასშტაბიანი აქცია ჰქონდათ ქუთაისსა და რიონის ხეობაში. ხელისუფლებასთან ორჯერ ჩაშლილი მოლაპარაკების შემდეგ, აქტივისტებმა პროტესტის ფორმად კვლავ აქციები აირჩიეს.

რიონის ხეობაში 433 მგვტ. სიმძლავრის ჰესს კომპანია "ენკა" აშენებს. მთავრობასა და ინვესტორს შორის გაფორმებული ხელშეკრულება უკვე შეისწავლეს სპეციალისტებმა და მას ქვეყნის ინტერესების საზიანო უწოდეს.

გარდა ხელისუფლების მიერ აღებული კოლოსალური ფინანსური ვალდებულებებისა, ექსპერტები საუბრობენ ჰესის ნეგატიურ შედეგებზე. მათი თქმით, ჰესი სრულად შეცვლის ხეობის მიკროკლიმატსა და ბიომრავალფეროვნებას, კაშხლის დაზიანების შემთხვევაში კი 34 მეტრიანი ტალღა 19 წუთში გადაუვლის ხეობას და მიაღწევს ქუთაისამდე.
Print E-mail
FaceBook Twitter



მსგავსი სიახლეები
ქუთაისში, სამუშაოს მაძიებელ შეზღუდული
შესაძლებლობის მქონე პირებს  22 საშუალო და მსხვილი კომპანია
დასაქმებას სთავაზობს.
15:11 / 14.06.2021
ქუთაისში, სამუშაოს მაძიებელ შეზღუდული შესაძლებლობის მქონე პირებს  22 საშუალო და მსხვილი კომპანია დასაქმებას სთავაზობს.
ეკონომიკის მინისტრის ნათია თურნავას განმარტებით, რიონის ხეობა,
სადაც პროტესტი 231 დღეა გრძელდება, ნორმალურ ცხოვრებას უნდა
დაუბრუნდეს.
15:06 / 14.06.2021
ეკონომიკის მინისტრის ნათია თურნავას განმარტებით, რიონის ხეობა, სადაც პროტესტი 231 დღეა გრძელდება, ნორმალურ ცხოვრებას უნდა დაუბრუნდეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.