ახალი ამბები
რიკოთის მაგისტრალის მშენებლობაზე დასაქმებულები მეორე დღეა გაფიცულები არიან
FaceBook
ხარაგაულში, ავტობანის მშენებლობაზე დასაქმებულები, მეორე დღეა გაფიცულები არიან.
პაატა ყიფშიძე წელიწად-ნახევარია მაგისტრალის მშენებლობაზე მუშაობს, ის სოფელ უბისაში ცხოვრობს და ყოველდღე სამუშაო ადგილამდე მისასვლელად ტრანსპორტი სჭირდება. ამისთვის მას ყოველდღიურად 10 ლარი სჭირდება. 

ამბობს, რომ ეს მისთვის დამატებითი ხარჯია, რადგან კომპანია მგზავრობის ფულს არ უნაზღაურებს.

გაფიცული მუშის თქმით, ყიფშიძეებიის ოჯახის მთავარი შემოსავალი მაგისტრალის მშენებლობაზე აღებული თანხაა,  რომელიც ოჯახის შესანახად ძლივს ყოფნით.

"30 ლარი მაქვს დღეში. ამაში შედის  გზის და კვების ხარჯი და რაც დამრჩება იმით ოჯახი უნდა  გამოვკვებო. გეკითხებით, ახლა ეს ნორმალურია?!".

პაატას თქმით, მაგისტრალზე დასაქმებულ მუშებს მძიმე სამუშაოს შესრულება უწევთ, კომპანია კი მინიმალურ გასამრჯელოს იხდის.

"სიცოცხლისთვის საშიშ საქმეს ვაკეთებთ მინიმალური ანაზღაურებით, მეორე დღეა აქ ვდგავარ და ჯერჯერობით არაფერი, 

კომპანიამ ერთ კვირიანი ვადა გვთხოვა მაგრამ მე არ მჯერა მათი ნათქვამი სიტყვების'',
- ამბობს პაატა ყიფშიძე.

პაატა რიკოთის მაგისტრალის მშენებლობაზე დასაქმებულების მსგავსად ხელფასის 30%-ით გაზრდას და სამუშაო პირობების გაუმჯობესებას ითხოვს.

ამ დროისთვის პაატასთან ერთად გაფიცულია 200-მდე ადამიანი. დასაქმებულებს, მსგავსი მასშტაბური აქცია აქამდე არ გაუმართავთ.

გაფიცულ მუშებს სოლიდარობას ახალი პროფკავშირები უცხადებს.

საქართველოს რკინიგზის ახალი პროფკავშირის წარმომადგენლის ვიტალი გიორგაძის თქმით, მუშების მხრიდან წამოყენებული მოთხოვნები ლეგიტიმური და კანონიერია.

"სრული უფლება აქვთ არ შეასრულონ ისეთი სამუშაო რაც სიცოცხლისთვის საშიშია, ამასთან გასამრჯელო არის მინიმალური, ოჯახს ვერ უკეთებენ ამ ანაზღაურებით ვერაფერს, ამიტომაც მათი მოთხოვნა არის სრულიად ლეგიტიმური'',- განმარტავს ვიტალი გიორგაძე.

ადგილზე სამუშაოებს გზების და ხიდების ჩინური კომპანია "ჰუ ნა ნი" ასრულებს.

კომპანიის წარმომადგენლის თქმით, ისინი საკითხის განსახილველად ერთკვირიან ვადას ითხოვენ და გაფიცულებს მოლაპარაკებაზე ათი ადამიანის შეყვანას სთავაზობს. 

ამავე თემაზე:

ავტობანის მშენებლობაზე დასაქმებული გაიფიცნენ
Print E-mail
FaceBook Twitter



მსგავსი სიახლეები
ბაღდათის მუნიციპალიტეტში, სოფელ დიმში მომხდარ ავტოსაგზაო შემთხვევას
ახალგაზრდა ბიჭის სიცოცხლე ემსახვერპლა.
16:29 / 23.06.2021
ბაღდათის მუნიციპალიტეტში, სოფელ დიმში მომხდარ ავტოსაგზაო შემთხვევას ახალგაზრდა ბიჭის სიცოცხლე ემსახვერპლა.
გელათში არსებული ვითარების შესასწავლად იუნესკოს ექსპერტები
იმყოფებიან.
12:02 / 23.06.2021
გელათში არსებული ვითარების შესასწავლად იუნესკოს ექსპერტები იმყოფებიან.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.