ახალი ამბები
რიონის ხეობის მცველებმა თბილისში დაგეგმილი აქციის თარიღი დაასახელეს
FaceBook
რიონის ხეობაში ჰესის მოსამზადებელი სამუშაოების შეჩერებაზე ხელისუფლების უარის შემდეგ, აქტივისტები მთელი ქვეყნის მასშტაბით აქციებს აანონსებენ.


მათი თქმით, საპროტესტო გამოსვლები სხვადასხვა ქალაქში დღეიდან დაიწყება, დედაქალაქში კი მასშტაბური აქცია 23 მაისს ჩატარდება.

"ჩვენ უკვე ვაანონსებთ თარიღს, 23 მაისს. მანამდე ფიზიკურად ვერ ვახერხ​ებთ. მოდის მნიშვნელოვანი დღეები ვნების კვირა, აღდგომის დღესასწაული, შემდგომი თარიღები პარტიული ნიშნით არის დაკავებული და ამიტომ მაქსიმალურად გადავწიეთ. მოვემზადებით ამ დროში და დავიწყებთ აუღებელ აქციებს დედაქალაქში"
, - განაცხადა ვარლამ გოლეთიანმა.

რვადღიანი ფიქრის შემდეგ, მთავრობის ადმინისტრაციამ ჰესის მოწინააღმდეგეების მოთხოვნებზე პასუხი დღეს გაავრცელა. განცხადებით ვიგებთ მხოლოდ იმას, რომ პოლიცია გუმათჰესთან რკინის ბარიკადებს აიღებს და აქტივისტებს კარვების გასაშლელად ადგილის შერჩევა შეეძლებათ. მთავრობამ განცხადებაში ასევე გაიმეორა პრემიერის განცხადება, კაშხლის მშენებლობის 9-12 თვით გადავადების შესახებ.

ხელისუფლების პასუხი მიუღებელია აქტივისტებისთვის, რადგან მათი თქმით, არ არის დაკმაყოფილებული მათი სამი მოთხოვნიდან ერთ-ერთი - მოსამზადებელი სამუშაოების შეჩერება, რაც იმას, ნიშნავს, რომ მთავრობა ჰესის მშენებლობის საკითხს კითხვის ნიშნის ქვეშ არ აყენებს.

"ისინი არ აკმაყოფილებენ ჩვენს მოთხოვნებს, იმ განცხადებაში, რომელიც თითქოს შერბილებულ პოზიციას გამოხატავს ხელისუფლებისგან, ჩვენ ვკითხულობთ იმას, რომ ისინი ისევ იმ პოზიციაზე დგანან, რომ ჰესი ყველა შემთხვევაში აშენდება და ცდილობენ ვექტორის გადატანას სხვა მიმართულებით, რათა მოხდეს პროცესის დეესკალაცია  ხელოვნურად და არა ბუნებრივად. დღეს ჩვენ გვექნება აქციები სხვადასხვა ქალაქში, ეს არის დაორგანიზებული და  ელოდებიან ჩვენი მომხრეები ჩვენს განცხადებებს. ჩვენ აუცილებლად დავანახებთ ხელისუფლებას, რომ ანგარიში უნდა გაუწიონ ხალხს და აქციის მასშტაბს", - განაცხადა მირზა ნოზაძემ.

რიონის ხეობაში 180 დღეა ნამახვანჰესის მშენებლობის წინააღმდეგ უწყვეტი პროტესტი მიმდინარეობს. 15 აპრილს აქტივისტები იმერეთის სამხარეო ადმინისტრაციაში ხელისუფლების წარმომადგენლებს შეხვდნენ, სადაც დიალოგის დაწყების წინაპირობად სამი მოთხოვნა წამოაყენეს. ესენი იყო: გუმათჰესთან რკინის ჯებირების მოხსნა, სოფელ ნამოხვანისკენ გადაადგილების უფლება და ხეობაში ჰესის მოსამზადებელი სამუშაოების შეჩერება.
Print E-mail
FaceBook Twitter



მსგავსი სიახლეები
ქუთაისში, სამუშაოს მაძიებელ შეზღუდული
შესაძლებლობის მქონე პირებს  22 საშუალო და მსხვილი კომპანია
დასაქმებას სთავაზობს.
15:11 / 14.06.2021
ქუთაისში, სამუშაოს მაძიებელ შეზღუდული შესაძლებლობის მქონე პირებს  22 საშუალო და მსხვილი კომპანია დასაქმებას სთავაზობს.
ეკონომიკის მინისტრის ნათია თურნავას განმარტებით, რიონის ხეობა,
სადაც პროტესტი 231 დღეა გრძელდება, ნორმალურ ცხოვრებას უნდა
დაუბრუნდეს.
15:06 / 14.06.2021
ეკონომიკის მინისტრის ნათია თურნავას განმარტებით, რიონის ხეობა, სადაც პროტესტი 231 დღეა გრძელდება, ნორმალურ ცხოვრებას უნდა დაუბრუნდეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.