ახალი ამბები
გვაქვს ორი პირობა - ვარლამ გოლეთიანი ხელისუფლებას მოთხოვნებს უყენებს
FaceBook
ნამახვანჰესის საწინააღმდეგო აქციების ორგანიზატორი ვარლამ გოლეთიანი ხელისუფლებას ორ პირობას უყენებს.
მისი თქმით, თუ მთავრობას დიალოგი სურს, ჯერ უნდა აიღოს გუმათჰესთან რკინის ბარიკადები და შემდეგ მხარეები უნდა შეთანხმდნენ პირზე, რომელიც მათთან დიალოგში ჩაერთვება.

"გვაქვს ორი პირობა: აიღონ ეს რკინის ფარდა, გაგვიშვან ნამოხვანში, სადაც გავშლით კარვებს, გავაგრძელებთ მშვიდობიან პროტესტს. ამის შემდეგ თუ მათ უნდათ დიალოგი, მოვიდეს გადაწყვეტილების მიმღები და ვისაუბროთ შინაარსობრივ მხარეზე ნამოხვანში. ჩვენ არ შევხვდებით ნათია თურნავას, რადგან ის გაიპარა შეხვედრიდან და როგორც ჩანს, ვერ იღებს გადაწყვეტილებებს.


გადაწყვეტილების მიმღებ პირად გვეგულება პრემიერი. ის, რაც ახლა ჩვენს უკან ხდება, არის რეპრესიული გზით სიარული და საბოლოოდ მივალთ იქამდე, რომ გადავდგამთ იმ ნაბიჯებს, რაც დავაანონსეთ, ანუ მოვუწოდებთ ხალხს ქალაქების პიკეტირებისკენ", - განაცხადა ვარლამ გოლეთიანმა.

ხეობის მცველები და მათი მხარდამჭერები, რომლებიც ახლა გუმათჰესთანარიან შეკრებილები,  დღეს ისევ შეეცდებიან ნამოხვანში შესვლას, სადაც პოლიცია მათ უკვე 13 დღეა არ უშვებს. გუშინ სამართალდამცავებმა აქციის მონაწილეებს რკინის ჯებირზე ხელებით ხმაურის გამოწვევაც აუკრძალა და უთხრა, რომ თუ "ბრახუნს" არ შეწყვეტდნენ, პოლიცია გამოიყენებდა პროპორციულ ძალას.

ნამახვანჰესის წინააღმდეგ პროტესტის 172-ე დღე გუმათჰესში გრძელდება, სადაც პოლიციას რკინის ბარიკადები აქვს აღმართული და აქტივისტებს სოფელ ნამოხვანისაკენ, სადაც მათი ძირითადი საპროტესტო ადგილი იყო, არ უშვებს.

რიონის ხეობაში 433 მგვტ. სიმძლავრის ჰესს კომპანია "ენკა" აშენებს. მთავრობასა და ინვესტორს შორის გაფორმებული ხელშეკრულება უკვე შეისწავლეს სპეციალისტებმა და მას საქართველოს ინტერესების საზიანო უწოდეს.

გარდა ხელისუფლების მიერ აღებული კოლოსალური ფინანსური ვალდებულებებისა, ექსპერტები საუბრობენ ჰესის ნეგატიურ შედეგებზე. მათი თქმით, ჰესი სრულად შეცვლის ხეობის მიკროკლიმატსა და ბიომრავალფეროვნებას, კაშხლის დაზიანების შემთხვევაში კი 34 მეტრიანი ტალღა 19 წუთში გადაუვლის ხეობას და მიაღწევს ქუთაისამდე.


ამავე თემაზე:

Print E-mail
FaceBook Twitter
მსგავსი სიახლეები
პროკურატურამ, ქუთაისში, დიდი ოდენობით ნარკოტიკული საშუალების
უკანონო შეძენა, შენახვის და გასაღების ფაქტზე, ინდოეთის რესპუბლიკის
ორ მოქალაქეს ბრალდება წარუდგინა.
15:53 / 23.02.2024
პროკურატურამ, ქუთაისში, დიდი ოდენობით ნარკოტიკული საშუალების უკანონო შეძენა, შენახვის და გასაღების ფაქტზე, ინდოეთის რესპუბლიკის ორ მოქალაქეს ბრალდება წარუდგინა.
14:13 / 23.02.2024
"თავისუფლების ფერები" - ამ სახელწოდებით, ქუთაისში, 24 თებერვალს, აქცია დაიგეგმა

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.