ახალი ამბები
"პირველ რიგში, აუცილებელია გაიხსნას რკინის კედელი" - ხეობის მცველი დიალოგზე
FaceBook
ნამახვანჰესის საწინააღმდეგო აქციების ორგანიზატორი ვარლამ გოლეთიანი საპატრიარქოს განცხადებას გამოეხმაურა, სადაც სინოდმა მხარეებს დიალოგისკენ მოუწოდა.

ხეობის მცველის  თქმით, პროცესებში მოდერატორის როლით ცაგერისა და ლენტეხის ეპარქია პროტესტის დაწყების მომენტიდანვე იყო ჩართული, თუმცა, ხელისუფლების არაკონსტრუქციულობის გამო, შედეგი მიღწეული ვერ იქნა.

"სამჯერ მოხდა შეხვედრა მეუფე სტეფანეს რეზიდენციაში, მაგრამ იმის გამო, რომ ყოველთვის არაკონსტრუქციულობით გამოირჩეოდა მეორე მხარე, კონკრეტული შედეგი ვერ დადგა. ახლა საპატრიარქომ მოუწოდა ხელისუფლებას, რომ გადადგას ნაბიჯი დიალოგისკენ და ეს არ უნდა იყოს შეხვედრა შეხვედრისთვის. ჩვენ გვინდა, რომ ეს სპეკულაციური დამოკიდებულება დიალოგთან დაკავშირებით დავასრულოთ. პირველ რიგში, იმისათვის, რომ შედგეს დიალოგი ჩვენს შორის, აუცილებელია გაიხსნას ეს რკინის კედელი", - განაცხადა ვარლამ გოლეთიანმა.

საპატრიარქოს მიმართვას გამოეხმაურა ეკონომიკის მინისტრიც. ნათია თურნავამ აქციის მონაწილეებს კარვის ნაცვლად მოლაპარაკების მაგიდასთან დასხდომისკენ მოუწოდა. ნამახვანჰესის მოწინააღმდეგეები მინისტრთან დიალოგზე უარს ამბობენ და აცხადებენ, რომ მას შემდეგ, რაც ნათია თურნავა ქუთაისის მერიაში 12 მარტს გამართული შეხვედრიდან გაიპარა, მასთან დიალოგის რესურსი ამოიწურა.

ნამახვანჰესის წინააღმდეგ პროტესტის 172-ე დღე გუმათჰესში გრძელდება, სადაც პოლიციას რკინის ბარიკადები აქვს აღმართული და აქტივისტებს სოფელ ნამოხვანისკენ, სადაც მათი ძირითადი საპროტესტო ადგილი იყო, არ უშვებს.

რიონის ხეობაში 433 მგვტ. სიმძლავრის ჰესს კომპანია "ენკა" აშენებს. მთავრობასა და ინვესტორს შორის გაფორმებული ხელშეკრულება უკვე შეისწავლეს სპეციალისტებმა და მას საქართველოს ინტერესების საზიანო უწოდეს.

გარდა ხელისუფლების მიერ აღებული კოლოსალური ფინანსური ვალდებულებებისა, ექსპერტები საუბრობენ ჰესის ნეგატიურ შედეგებზე. მათი თქმით, ჰესი სრულად შეცვლის ხეობის მიკროკლიმატსა და ბიომრავალფეროვნებას, კაშხლის დაზიანების შემთხვევაში კი 34 მეტრიანი ტალღა 19 წუთში გადაუვლის ხეობას და მიაღწევს ქუთაისამდე.

Print E-mail
FaceBook Twitter
მსგავსი სიახლეები
ქუთაისში კოსტავას ქუჩის საგზაო ინფრასტრუქტურის მოსაწყობად
გამოცხადებული 2 მილიონამდე ლარის ღირებულების ტენდერი შეწყდა.
15:13 / 26.02.2024
ქუთაისში კოსტავას ქუჩის საგზაო ინფრასტრუქტურის მოსაწყობად გამოცხადებული 2 მილიონამდე ლარის ღირებულების ტენდერი შეწყდა.
კინოთეატრ „სულიკოს“ ადგილზე, შესაძლოა, 12 სართულიანი საცხოვრებელი
კორპუსი აშენდეს. 
13:44 / 26.02.2024
კინოთეატრ „სულიკოს“ ადგილზე, შესაძლოა, 12 სართულიანი საცხოვრებელი კორპუსი აშენდეს. 

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.