ახალი ამბები
აქციის მონაწილეები კომპანია "ენკას" ოფისთან გზას გადაკეტავენ
FaceBook
ამ წუთებში ნამოხვანჰესის  მშენებლობის მოწინააღმდეგეები  კომპანია "ენკას" ოფისთან, რომელიც სოფელ ოფურჩხეთში მდებარეობს, მსვლელობით მიდიან.

"კომპანიასთან გადავკეტავთ გზას, სხვა  გზა არ დაგვიტოვეს. მიზეზი თუ რის გამოც, არ გვიშვებენ ჩვენი პროტესტის თავდაპირველ ადგილზე არის აბსურდული", - ამბობენ რიონის ხეობის მცველები და  მათი მხარდამჭერები.

აქციის მონაწილეები ორი დღეა უწყვეტად აგრძელებენ პროტესტს გუმათჰესთან და სოფელ ნამოხვანში შესვლას ითხოვენ, რაზეც პოლიციამ უარი უთხრა.

მათი თქმით,  კომპანიასთან გზას გადაკეტავენ  და თავიანთ მოთხოვნებს გააჟღერებენ.

გუმათჰესთან, სადაც ორი დღეა პროტესტის ახლი კერაა,  სიტუაცია უცვლელია. ტერიტორია გადაკეტილი აქვთ სამართალდამცვლებს, რომელთა უპრეცენდენტო რაოდენობაა მობილიზებული.

სოფელ ნამოხვანში სამართალდამცავებმა აქტივისტების ყველა კარავი აიღეს და ადგილი ტრაქტორით გადახნეს. კარვების აღების მიზეზად პოლიციამ ის დაასახელა, რომ არსებობდა მდინარე რიონის ადიდების საფრთხე, რის გამოც აქტივისტებს მდინარის სანაპიროზე გაშლილი კარვები უნდა დაეტოვებინათ.

ხეობაში ვითარება 3 აპრილს მას შემდეგ დაიძაბა, რაც "ენკას" ახალი დირექტორი პოლიციასთან ერთად მივიდა. სწორედ მას შემდეგ განახლდა გიგანტური ჰესების სამშენებლო სამუშაოები. 3 აპრილიდან განთავსდა ე.წ. პოლიციის ბლოგ საგუშაგო სოფელ გუმათთან, სადაც არავის უშვებენ.

რიონის ხეობაში 433 მგვტ. სიმძლავრის ჰესს კომპანია "ენკა" აშენებს. მთავრობასა და ინვესტორს შორის გაფორმებული ხელშეკრულება უკვე შეისწავლეს სპეციალისტებმა და მას საქართველოს ინტერესების საზიანო უწოდეს.

გარდა ხელისუფლების მიერ აღებული კოლოსალური ფინანსური ვალდებულებებისა, ექსპერტები საუბრობენ ჰესის ნეგატიურ შედეგებზე. მათი თქმით, ჰესი სრულად შეცვლის ხეობის მიკროკლიმატსა და ბიომრავალფეროვნებას, კაშხლის დაზიანების შემთხვევაში კი 34 მეტრიანი ტალღა 19 წუთში გადაუვლის ხეობას და მიაღწევს ქუთაისამდე.

ამავე თემაზე:

"მოთხოვნები არის უცვლელი" - რიონის ხეობაში ფართომასშტაბიანი აქციისთვის ემზადებიან



Print E-mail
FaceBook Twitter
მსგავსი სიახლეები
მარიუპოლში რუსმა დამპყრობლებმა
მარიუპოლის N65 საშუალო სკოლა გახსნეს.
16:07 / 28.05.2022
მარიუპოლში რუსმა დამპყრობლებმა მარიუპოლის N65 საშუალო სკოლა გახსნეს.
უკრაინამ და რუსეთმა სამხედრო
დანაკარგების შესახებ ინფორმაცია განაახლეს.
14:07 / 28.05.2022
უკრაინამ და რუსეთმა სამხედრო დანაკარგების შესახებ ინფორმაცია განაახლეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.