ახალი ამბები
"ენკას" დირექტორი რიონის ხეობის მცველებს საჯარო დისკუსიაზე იწვევს
14:41 / 13.04.2021
რიონის ხეობაში ჰესების მშენებელი კომპანია
"ენკას" დირექტორი მერაბ ლომინაძე ხეობის მცველს ვარლამ გოლეთიანს
საჯარო დიალოგზე იწვევს.
მერაბ ლომინაძე თვლის, რომ დისკუსიას და
მსჯელობას დიდი მნიშვნელობა აქვს.
"კამათი შობს ჭეშმარიტებას, მე ვარლამსა და მის
სამეგობროს მოვუწოდებ, რომ ჩვენ შევხვდეთ, დავსხდეთ, გნებავთ
კამერებით, გნებავთ კამერების გარეშე. ეს იმას არ ნიშნავს, რომ
ადამიანმა უარი თქვას საკუთარი სიტყვისა და აზრის გამოხატვის
უფლებაზე, ეს იმას არ ნიშნავს, რომ ის პროტესტს წყვეტს, მაგრამ
აუცილებელია დიალოგის დაწყება, აუცილებელია, მხარეების მოსმენა. აქვე
ვიტყვი, თუ ვარლამს არ აქვს ჩემთან კითხვები, მე მაქვს მასთან
კითხვები და როგორც ერთ-ერთმა რიგითმა მოქალაქემ დიდი სურვილი მაქვს,
რომ ამისათვის ყველა შესაძლებლობა გამოვიყენო“, - აცხადებს მერაბ
ლომინაძე.
ხეობის მცველები თვლიან, კომპანიასთან მათ
არანაირი კითხვა არ აქვს და მათი კითხვების და პასუხები მთავარი
ადრესატები ხელისუფლების წარმომადგენლები არიან, რომლებმაც ტერიტორია
გაასხვიეს.
"ჩვენ კითხვები პრემიერ-მინისტრთან გვაქვს,
რომელთანაც ვითხოვთ შეხვედრას", - ამბობს ვარლამ გოლეთიანი.
მერაბ ლომინაძე კომპანიის დირექტორის პოზიციაზე
ერთი თვის წინ დაინიშნა.
იგი რიონის ხეობაში დანიშვნიდან რამდენიმე
დღეში პოლიციასთან ერთად ჩავიდა. სწორედ, მისი
ადგილზე გამოჩენის შემდეგ განახლდა ჰესების სამშენებლო სამუშაობი,
რასაც ადგილზე მცირე ინციდენტიც მოჰყვა.
სწორედ, ამ პროცესების შემდეგ განთავსდა
გუმათჰესთან პოლიციის ე.წ. ბლოგ საგუშაგო, რომელიც სოფელ ნამახვანში
შესვლას კრძალავს.
სოფელ ნამოხვანში, სადაც ადგილობრივებმა
პროტესტის 168 ღამე გაატარეს, 11 აპრილს პოლიციამ
მცველების ნების საწინააღმდეგოდ კარვები აიღო, ხოლო
ტერიტორია მძიმე
ტექნიკით გადახნა. შინაგან საქმეთა სამინისტროში მიზეზად მდინარე
რიონის ადიდება და ადგილობრივების "უსაფრთხოება"
დაასახელა.
ხეობაში ვითარება განსაკუთრებით 3 აპრილს
დაიძაბა. მაშინ როცა, ხეობაში ჰესების მშენებელი კომპანია
"ენკას" ახალი დირექტორი პოლიციასთან
ერთად მივიდა. სწორედ, მას შემდეგ განახლდა გიგანტური ჰესების
სამშენებლო სამუშაოები. 3 აპრილიდან განთავსდა ე.წ. პოლიციის ბლოგ
საგუშაგო სოფელ გუმათთან, სადაც არავის უშვებენ.
რიონის ხეობაში 433 მგვტ. სიმძლავრის ჰესს
კომპანია "ენკა" აშენებს. მთავრობასა და ინვესტორს შორის გაფორმებული
ხელშეკრულება უკვე შეისწავლეს სპეციალისტებმა და მას საქართველოს
ინტერესების საზიანო უწოდეს.
გარდა ხელისუფლების მიერ აღებული კოლოსალური
ფინანსური ვალდებულებებისა, ექსპერტები საუბრობენ ჰესის ნეგატიურ
შედეგებზე. მათი თქმით, ჰესი სრულად შეცვლის ხეობის მიკროკლიმატსა და
ბიომრავალფეროვნებას, კაშხლის დაზიანების შემთხვევაში კი 34 მეტრიანი
ტალღა 19 წუთში გადაუვლის ხეობას და მიაღწევს
ქუთაისამდე
მსგავსი სიახლეები
16:38 / 25.04.2024
წყალტუბოში, ქალაქის ცენტრალურ ქუჩაზე, ერთი ადამიანი დაჭრეს.
13:02 / 25.04.2024
ქუთაისის მუნიციპალიტეტმა თერჯოლის მუნიციპალიტეტს თავის საკუთრებაში
არსებული, გარე განათების მეორადი სანათები გადასცა.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები