ახალი ამბები
გუმათჰესი ამ წუთებში
გუმათჰესთან სიტუაცია არის უცვლელი. ტერიტორია გადაკეტილი აქვთ სამართალდამცვლებს, რომელთა უპრეცენდენტო რაოდენობაა მობილიზებული.
"მოთხოვნები არის უცვლელი" - რიონის ხეობაში ფართომასშტაბიანი აქციისთვის ემზადებიან
10:55 / 13.04.2021
რიონის ხეობაში სოფელ გუმათში აქტივისტებმა
პროტესტის 170-ე ღამე გაატარეს.
ისინი რჩებიან გუმთჰესთან, სადაც კარავი
აქვთ გაშლილი. ხეობის "მცველების" თქმით, დღესაც შეეცდებიან სოფელ
ნამოხვანში შესვლას და ფართომასშტაბიანი აქციის
გამართვას.
"ვგეგმავთ საპროტესტო აქციის გაგრძელებას. ჩვენი
მოთხოვნები არის უცვლელი და მოვითხოვთ, რომ დაფიქრდეს ხელისუფლება,
ადეკვატურად შეაფასოს პროტესტის ხასიათი, მოცულობა, ადამიანების
გულწრფელი განწყობა და ხელისუფლებამ აუცილებლად უნდა უზრუნველყოს,
ჩვენი მშვიდობიან ფორმაში ნამოხვანში შესვლა.
ჩვენი პროტესტი
უნდა გაგრძელდეს ნამოხვანში, იქ სადაც ეს პროტესტი დაიწყო და ამას
აქვს ძალიან დიდი მნიშვნელობა პროტესტის ყველა მონაწილისათვის და
იმედს ვიტოვებთ, რომ ხელისუფლებას ეყოფა გონივრულობა და არ შეგვიშლის
ხელს", - ამბობს ერთ-ერთი "მცველი" მირზა
ნოზაძე.
გუმათჰესი ამ წუთებში
გუმათჰესთან სიტუაცია არის უცვლელი. ტერიტორია გადაკეტილი აქვთ სამართალდამცვლებს, რომელთა უპრეცენდენტო რაოდენობაა მობილიზებული.
სოფელ ნამოხვანში სამართალდამცავებმა
აქტივისტების ყველა კარავი აიღეს და ადგილი ტრაქტორით გადახნეს.
კარვების აღების მიზეზად პოლიციამ ის დაასახელა, რომ არსებობდა
მდინარე რიონის ადიდების საფრთხე, რის გამოც აქტივისტებს მდინარის
სანაპიროზე გაშლილი კარვები უნდა დაეტოვებინათ.
ხეობაში ვითარება 3 აპრილს მას შემდეგ დაიძაბა,
რაც "ენკას" ახალი დირექტორი პოლიციასთან ერთად მივიდა. სწორედ მას
შემდეგ განახლდა გიგანტური ჰესების სამშენებლო სამუშაოები. 3
აპრილიდან განთავსდა ე.წ. პოლიციის ბლოგ საგუშაგო სოფელ გუმათთან,
სადაც არავის უშვებენ.
რიონის ხეობაში 433 მგვტ. სიმძლავრის ჰესს
კომპანია "ენკა" აშენებს. მთავრობასა და ინვესტორს შორის გაფორმებული
ხელშეკრულება უკვე შეისწავლეს სპეციალისტებმა და მას საქართველოს
ინტერესების საზიანო უწოდეს.
გარდა ხელისუფლების მიერ აღებული კოლოსალური
ფინანსური ვალდებულებებისა, ექსპერტები საუბრობენ ჰესის ნეგატიურ
შედეგებზე. მათი თქმით, ჰესი სრულად შეცვლის ხეობის მიკროკლიმატსა და
ბიომრავალფეროვნებას, კაშხლის დაზიანების შემთხვევაში კი 34 მეტრიანი
ტალღა 19 წუთში გადაუვლის ხეობას და მიაღწევს ქუთაისამდე
მსგავსი სიახლეები
14:51 / 24.04.2024
"ნაციონალური მოძრაობის" დეპუტატებმა, ქუთაისის საკრებულოს სხდომა,
ხმაურის და დაპირისპირების ფონზე დატოვეს.
12:32 / 24.04.2024
“არა რუსულ კანონს” - ამ სლოგანით, ქუთაისში, უკვე მეცხრე დღეა,
საპროტესტო აქციები მიმდინარეობს.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები