ახალი ამბები
გუმათჰესთან აქციისთვის ემზადებიან
13:19 / 12.04.2021
გუმათჰესთან აქციის
მონაწილეები უკვე იკრიბებიან.
ჰესთან პოლიციის მიერ ისევ ჩაკეტილია გზა და
ტერიტორიაზე, სადაც აქციაა დაგეგმილი, მხოლოდ მედიის წარმომადგენლებს
და იმ ადამიანებს უშვებენ, ვინც ფეხით გადაადგილდება.
საპროტესტო აქცია მას შემდეგ დაიგეგმა, რაც 11
აპრილს აქციის ორგანიზატორები ნამოხვანში, სადაც კარვები იყო გაშლილი,
პოლიციამ არ შეუშვა.
სამართალდამცავებმა ნამოხვანში აქტივისტების
ყველა კარავი აიღეს. მიზეზად კი პოლიციამ ის დაასახელა, რომ არსებობდა
მდინარე რიონის ადიდების საფრთხე, რის გამოც აქტივისტებს მდინარის
სანაპიროზე გაშლილი კარვები უნდა დაეტოვებინათ.
იმავე საღამოს გუმათჰესთან ვითარება უკიდურესად
დაიძაბა. აქციის მონაწილეებს, რომლებმაც გზა ჩაკეტეს და ნამოხვანში
გადაადგილების ნებართვას ითხოვდნენ, პოლიციამ გზის გასახსნელად
ნახევარსაათიანი ვადა მისცა. წინააღმდეგ შემთხვევაში კი პროპორციული
ძალის გამოყენება დააანონსა.
გუმათჰესთან აქცია 16:00 საათზეა
დაგეგმილი.
პოლიციას ჩაკეტილი აქვს ნამახვანთან მისასვლელი
გზაც. პარალელურად მიმდინარეობს სამი დღის წინ მდინარე რიონში
გაუჩინარებული მამაკაცის სამძებრო სამუშაოები.
ხეობაში ვითარება 3 აპრილს მას შემდეგ დაიძაბა,
რაც "ენკას" ახალი დირექტორი პოლიციასთან ერთად მივიდა. სწორედ მას
შემდეგ განახლდა გიგანტური ჰესების სამშენებლო სამუშაოები. 3
აპრილიდან განთავსდა ე.წ. პოლიციის ბლოგ პოსტი სოფელ გუმათთან, სადაც
არავის უშვებენ.
„ნამახვანჰესის“ მშენებლობის წინააღმდეგ სოფელ
ნამოხვანში 168 დღეა კარვებია გაშლილი. აქტივისტებმა ერთი კვირის წინ,
მას შემდეგ, რაც პოლიციამ ნამოხვანისკენ გადაადგილება შეზღუდა, კარავი
გაშალეს სოფელ გუმათშიც. სოფელ ნამოხვანში ჰესის მშენებლობის
მოსამზადებელი სამუშაოები 3 აპრილს, ხეობაში მშენებელი კომპანია
„ენკას“ ახალი დირექტორის მერაბ ლომინაძის ჩასვლის შემდეგ
განახლდა.
რიონის ხეობაში 433 მგვტ. სიმძლავრის ჰესს
კომპანია "ენკა" აშენებს. მთავრობასა და ინვესტორს შორის გაფორმებული
ხელშეკრულება უკვე შეისწავლეს სპეციალისტებმა და მას საქართველოს
ინტერესების საზიანო უწოდეს.
გარდა ხელისუფლების მიერ აღებული კოლოსალური
ფინანსური ვალდებულებებისა, ექსპერტები საუბრობენ ჰესის ნეგატიურ
შედეგებზე. მათი თქმით, ჰესი სრულად შეცვლის ხეობის მიკროკლიმატსა და
ბიომრავალფეროვნებას, კაშხლის დაზიანების შემთხვევაში კი 34 მეტრიანი
ტალღა 19 წუთში გადაუვლის ხეობას და მიაღწევს
ქუთაისამდე.
ამავე
თემაზე:
მსგავსი სიახლეები
16:38 / 25.04.2024
წყალტუბოში, ქალაქის ცენტრალურ ქუჩაზე, ერთი ადამიანი დაჭრეს.
13:02 / 25.04.2024
ქუთაისის მუნიციპალიტეტმა თერჯოლის მუნიციპალიტეტს თავის საკუთრებაში
არსებული, გარე განათების მეორადი სანათები გადასცა.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები