ახალი ამბები
ქუთაისიპოსტზე გამოქვეყნებული სტატიის შემდეგ მერია უსინათლოებს დაეხმარება
FaceBook
სტატიის ,,პირბადით დახშული კომუნიკაცია და დისტანცია სიბნელეში" ქუთაისიპოსტზე გამოქვეყნების შემდეგ, მერია უსინათლოებისთვის გამცილებელის

დამატებას უზრუნველჰყოფს.

მხედველობის არ მქონე პირების თქმით, პანდემიის პირობებში განსაკუთრებით სჭირდებათ ადამიანი, რომელიც ექიმთან ვიზიტსა, თუ სხვა გადაუდებელი საჭიროების დროს გადაადგილებაში დაეხმარება.

,,პანდემია რაც დაიწყო, გარეთ საერთოდ აღარ გავდივარ. პირბადე უნდა ვიყიდო, გამცილებელი შევაწუხო. სულ ვფიქრობ, ჩემზე მეტად სხვას რომ სჭირდებოდეს, როგორ დავაკავო - მეთქი. მხოლოდ ერთი გამცილებელი გვყავს და რეალურად მეტი გვჭირდება. ეს ძალიან მნიშვნელოვანია ჩვენთვის და თუ მერია ყურადღებას მოგვაქცევს კარგი იქნება", - ამბობს ქუთაისში მცხოვრები უსინათლო აზა ჭუმბურიძე.

აზას მსგავსად ქუთაისში მცხოვრებ 210 უსინათლოსა და მცირედმხედველს ქუთაისში მხოლოდ ერთი გამცილებელი ემსახურება. 


ქუთაისის ადგილობრივ თვითმმართველობაში განმარტავენ, რომ უსინათლო პირებისთვის გამცილებლით მომსახურების პროგრამა საპილოტე იყო და მზად არიან ბენეფიციარებს დამატებით გამოუყონ გამცილებლები.   

"უნდა მოგვამრთონ წერილობით და დაუყონებლივ დავამატებთ მათთვის გამცილებლებს", -  განმარტავენ ქუთაისის მერიის სოციალურ სამსახურში. 

გამცილებლის საპილოტე პროგრამა ქუთაისში ორი წელია არსებობს. უსინათლო და მცირედმხედველი ადამიანებისთვის პერსონალური გამცილებლის შრომის ანაზღაურება თვეში 500 ლარით განისაზღვრება.

COVID-პანდემია სმენისა და მხედველობის არმქონე ადამიანებისთვის წინააღმდეგობრივი პერიოდია, რომლის დაძლევასაც ისინი ყოველდღე ცდილობენ. 

გარდა გამცილებლისა, რა პრობლემები აქვთ სმენისა და მხედველობის არ მქონე პირებს, ნახეთ ქუთაისიპოსტის მიერ მომზადებული სტატია სრულად მითითებულ ბმულზე. 

ქუთაისის მერია გამცილებლის პროგრამის გარდა, მხედველობის არ მქონე პირებს  ხმოვანი წნევის და  საქრის აპარატის შეძენით ეხმარება.

ამავე თემაზე:

პირბადით დახშული ბგერები და დისტანცია სიბნელეში
Print E-mail
FaceBook Twitter



მსგავსი სიახლეები
ახალგაზრდა მამაკაცის სამძებრო სამუშაოები
რიონის ხეობაში გრძელდება.
09:28 / 11.04.2021
ახალგაზრდა მამაკაცის სამძებრო სამუშაოები რიონის ხეობაში გრძელდება.
რიონის ხეობაში, მდინარე რიონში მამაკაცი,
სავარაუდოდ, გადახტა.
21:25 / 10.04.2021
რიონის ხეობაში, მდინარე რიონში მამაკაცი, სავარაუდოდ, გადახტა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.