ახალი ამბები
"არ გასცდნენ შეკრების და გამოხატვის თავისუფლების კანონით დასაშვებ ფარგლებს"- შსს განცხადება
14:40 / 14.03.2021
ქუთაისში, ნამახვანჰესის აქციაზე შეკრებილ
ხალხსა და ორგანიზატორებს შინაგან საქმეთა სამინისტრო კანონის
დაცვისკენ მოუწოდებს.
ამის შესახებ უწყებამ განცხადება
გაავრცელა:
დღეს, 13:00 საათზე, ქუთაისში, ნამოხვანჰესის
მშენებლობის შესახებ იგეგმება მასშტაბური აქცია.
საზოგადოებრივი წესრიგისა და უსაფრთხოების
დაცვის მიზნით, ადგილზე მიმდინარეობს საპოლიციო ძალების მობილიზება.
მოვუწოდებთ აქციის ორგანიზატორებს და მონაწილეებს, არ გასცდნენ
შეკრების და გამოხატვის თავისუფლების კანონით დასაშვებ ფარგლებს", -
ნათქვამია განცხადებაში.
ქალაქის ცენტრალურ ნაწილში ათასობით ადამიანია
შეკრებილი, რომელიც რიონის ხეობაში ჰესების მშენებლობას აპროტესტებენ.
ამ მთავარ მოთხოვნას ეკონომიკის მინისტრის ნათია თურნავას გადაგომაც
დაემატა.
ქუთაისში ნამახვანჰესის საწინააღმდეგო აქცია
მიმდინარეობს, სადაც ადამიანების უპრეცედენტო
რაოდენობაა.
რიონის ხეობაში გიგანტური ჰესების მშენებლობის
წინააღმდეგ ეს რიგით მეორე საპროტესტო აქციაა, რომელიც ქუთაისში
იმართება.
"Როდესაც საუბარია ხომ არ დავარდება მუხტი, ხომ
არ იქნება ნაკლები ადამიანი. Ამის შიში გვაქვს თოთქოს, მაგრამ მიწა
მუხტის საკითხი არ არის. ეს არ არის საფეხბურთო მატჩი. ეს არის
ქართული მიწის დაცვის საკითხი. ეს არ შეიძლება გავაიგივოთ მუხტთან
განწყობებთან.როგორც ერთი რიგითი მცველი და მოსაზღვრე დავდგებით და არ
მოგვწყინდება დაცვა", -აღნიშნა ვარლამ გოლეთიანმა
Მისი თქმით, ხეობის მცველები არ ებრძვიან
ჰესებს. მათი მოთხოვნაა რომ არ იყოს სახელმწიფო და კოლექტიური
ინტერესი დათმობილი.
"მოვითხოვთ გამოცხადეეს მორატორიუმიდა ყველა
ჩვენთაგანის ჩართულობა მოხდეს ამ პროცესებში", - აღნიშნა ვარლამ
გოლეთიანმა.
ხეობის მცველებს მხარდაჭერას საქართველოს
სხვადასხვა კუთხიდან ჩამოსული ადამიანები, არასამთავრობო
ორგანიზაციები, მათ შორის თურქი მწვანეებიც უცხადებენ.
რიონის ხეობის მცველების მთავარ მოთხოვნას,
რომელიც ჰესების მშენებლობის შეწყვეტას გულისხმობს, კიდევ ერთი
მოთხოვნა - ეკონომიკის მინისტრის გადადგომაც დაემატა.
ხეობის მკვიდრების განმარტებით, ნათია თურნავამ
ისინი დაამცირა როდესაც 12 მარტს ქუთაისის მერიაში დაგეგმილი
შეხვედრიდან 9 წუთში გაიპარა.
შეხვედრაზე დეტალურად უნდა განეხილათ ის
საკითხები, რომელიც მოსახლეობას ჰესებთან დაკავშირებით
აწუხებს.
რიონის ხეობაში 433 მგვტ. სიმძლავრის ჰესს
კომპანია "ენკა" აშენებს. მთავრობასა და ინვესტორს შორის გაფორმებული
ხელშეკრულება უკვე შეისწავლეს სპეციალისტებმა და მას საქართველოს
ინტერესების საზიანო უწოდეს. გარდა ხელისუფლების მიერ აღებული
კოლოსალური ფინანსური ვალდებულებებისა, ექსპერტები საუბრობენ ჰესის
ნეგატიურ შედეგებზე. მათი თქმით, ჰესი სრულად შეცვლის ხეობის
მიკროკლიმატსა და ბიომრავალფეროვნებას, კაშხლების დაზიანების
შემთხვევაში კი 34 მეტრიანი ტალღა 19 წუთში გადაუვლის ხეობას და
მიაღწევს ქუთაისამდე.
მხარეებს შორის დიალოგი მას შემდეგ დაიწყო, რაც
რიონის ხეობის მცხოვრებლებმა 28 თებერვალს ქუთაისში ფართომასშტაბიანი
აქცია გამართეს. მათ პროტესტს საქართველოს სხვადასხვა კუთხიდანაც
შეუერთდნენ. რის შემდეგად მინისტრები პრემიერ-მინისტრის დავალებით
ხეობაში ჩავიდნენ, სადაც გადაწყდა, რომ მხარეები გიგანტური ჰესების
მშენებლობის საკითხს დეტალურად განიხილავდნენ. თუმცა, 12 მარტის
შეხვედრაზე აღმოჩნდა, რომ მინისტრები რიონის მკვიდრებთან საუბარს არ
აპირებენ.
რიონის ხეობაში ჰესის წინააღმდეგ პროტესტი ოთხ
თვეზე მეტია გრძელდება. იმ შემთხვევაში თუ ნამახვანჰესის მშენებლობა
არ შეჩერდება, აქტივისტები ქუთაისის პიკეტირებით
იმუქრებიან.
მსგავსი სიახლეები
14:51 / 24.04.2024
"ნაციონალური მოძრაობის" დეპუტატებმა, ქუთაისის საკრებულოს სხდომა,
ხმაურის და დაპირისპირების ფონზე დატოვეს.
12:32 / 24.04.2024
“არა რუსულ კანონს” - ამ სლოგანით, ქუთაისში, უკვე მეცხრე დღეა,
საპროტესტო აქციები მიმდინარეობს.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები