ახალი ამბები
ნამახვანჰესის საწინააღმდეგო აქციაზე ნათია თურნავას გადადგომას მოითხოვენ
11:32 / 14.03.2021
ქუთაისში ნამახვანჰესის საწინააღდეგო აქციისთვის
სამზადისი უკვე დაიწყო.
ქალაქის ცენტრალურ ნაწილში მობილიზება დაიწყეს სამართალდამცავებმაც.
ცენტრალურ მოედანზე, სადაც აქცია უნდა ჩატარდეს, უკვე იმყოფებიან
რიონის ხეობის მცხოვრებლები. აქციების ორგანიზატორის ვარლამ
გოლეთიანის ინფორმაციით, საპოლიციო ძალები მობილიზებული არიან
ხეობაშიც, სადაც ჰესის მშენებელი კომპანიის ოფისი მდებარეობს.
დღევანდელ აქციაზე რიონის ხეობის "მცველები" კიდევ ერთ მოთხოვნას
გააჟღერებენ. ვარლამ გოლეთიანის თქმით, დღეს ისინი ეკონომიკის
მინისტრის, ნათია თურნავას გადადგომას მოითხოვენ.
რიონის ხეობაში ჰესის წინააღმდეგ პროტესტი ოთხ თვეზე მეტია გრძელდება.
ხელისუფლებამ ჰესის მოწინააღმდეგეებთან შეხვედრის საჭიროება მხოლოდ
მას შემდეგ დაინახა, რაც 28 თებერვალს ქუთაისში ფართომასშტაბიანი
აქცია გაიმართა, სადაც ხეობის მცველებმა მთავრობას ორკვირიანი
ულტიმატუმი წაუყენეს. იმ შემთხვევაში თუ ნამახვანჰესის მშენებლობა არ
შეჩერდება, აქტივისტები ქუთაისის პიკეტირებით იმუქრებიან.
რიონის ხეობაში 433 მგვტ. სიმძლავრის ჰესს კომპანია "ენკა" აშენებს.
მთავრობასა და ინვესტორს შორის გაფორმებული ხელშეკრულება უკვე
შეისწავლეს სპეციალისტებმა და მას საქართველოს ინტერესების საზიანო
უწოდეს. გარდა ხელისუფლების მიერ აღებული კოლოსალური ფინანსური
ვალდებულებებისა, ექსპერტები საუბრობენ ჰესის ნეგატიურ შედეგებზე.
მათი თქმით, ჰესი სრულად შეცვლის ხეობის მიკროკლიმატსა და
ბიომრავალფეროვნებას, კაშხლების დაზიანების შემთხვევაში კი 34
მეტრიანი ტალღა 19 წუთში გადაუვლის ხეობას და მიაღწევს
ქუთაისამდე.
ამავე თემაზე:
"დავაკონკრეტოთ
პრობლემა რაშია" - ნათია თურნავა ნამახვანჰესის
მოწინააღმდეგეებს
რაზე შეთანხმდნენ რიონის ხეობის „მცველები“ და
მინისტრები
რიონის
ხეობის "მცველები" მინისტრებთან შეხვედრაზე არ
წავიდნენ
ნამახვანჰესის საკითხზე მინისტრები ცაგერში დღეს
ჩავლენ
„ჩვენი მხრიდან მშვიდი გარემო უზრუნველყოფილი იქნება“ - შეხვდებიან თუ
არა რიონის ხეობის "მცველები" მინისტრებს
„ნამახვანჰესის ხელშეკრულებით სახელმწიფო ინტერესები დათმობილია
კერძო კომპანიის სასარგებლოდ“ -
EMC
"კარვამდე მაინც მივედით" - ხელჩართული ჩხუბი პოლიციასა და
აქტივისტებს შორის (ვიდეო)
ნამახვანჰესის მშენებლობის მოწინააღმდეგეები ხელისუფლებას ულტიმატუმს
უყენებენ
მასალის გამოყენების პირობები