ჰესის მშენებლობის მოწინააღმდეგეები ამბობენ,
რომ როცა სახელმწიფო უარს ამბობს პროექტის ხელახლა შესწავლაზე, კერძო
კომპანიის მიერ ჩატარებული აუდიტი მათთვის სანდო ვერ იქნება. ხეობის
"მცველის" მარიტა მუსელიანის თქმით, ჯერ პოლიტიკური ნების არსებობაა
საჭირო და ამის შემდეგ იქნება შესაძლებელი ექსპერტთა ჯგუფის შერჩევა,
რომლის მიმართაც ნდობა იარსებებს.
"დემონსტრაციულად აკეთებს ამას კომპანია. ამით ამბობს, რომ აუდიტის არ
გვეშინიაო. სინამდვილეში ფორმალური ხასიათი ექნება ამ პროცესს. იმ
ფონზე, როცა სახელმწიფო ამბობს, არაფრის შეცვლას არ ვაპირებო, რა აზრი
ექნება ამ აუდიტს? პირველ რიგში საჭიროა იყოს პოლიტიკური ნება",
- ამბობს მარიტა მუსელიანი.
ხეობის მცხოვრებლებმა, ეკონომიკის სამინისტროს,
9 მარტის კომიტეტების გაერთიანებულ სხდომაზე, პროექტის შესასწავლად
ჰოლანდიური კომპანია "ჰოლანდიის გარემოზე ზემოქმედების შეფასების
კომისიის" მოწვევა შესთავაზეს, თუმცა, ნათია თურნავამ განაცხადა, რომ
პროექტის შესწავლას სახელმწიფო არ გეგმავს.
მასალის გამოყენების პირობები