ახალი ამბები
კომპანია „ენკა“ სასამართლოში პროცესზე არ გამოცხადდა
FaceBook
ნამახვანჰესის მშენებელი კომპანია "ენკა" წყალტუბოს სასამართლოში 10 მარტს ჩანიშნულ პროცესზე არ გამოცხადდა.

მაგისტრატ სასამართლოში, ადმინისტრაციული სამართალდარღვევის საქმის განხილვა,  გარემოსდაცვითი გადაწყვეტილებით განსაზღვრული პირობების დარღვევის გამო  უნდა დაწყებულიყო. პროცესზე მხოლოდ საიას ქუთაისის ფილიალის იურისტები და  მოსარჩელე  მაკა სულაძე გამოცხადდნენ.   პროცესი  ნამახვანჰესის  კასკადის მშენებელი კომპანიის მხრიდან არასაპატიო მიზეზით გამოუცხადებლობის გამო გაურკვეველი ვადით გადაიდო.

"გარემოსდაცვითი ზედამხედველობის დეპარტამენტის თანამშრომლებმა ჯერ კიდევ 2020 წლის 16 ოქტომბერს დაათვალიერეს პროექტის განხორციელებისთვის გათვალისწინებული ტერიტორია.  ინსპექტირების შედეგად დეპარტამენტმა  დაადგინა, რომ  შპს "ენკა რინიუებზლს"  არა აქვს შესრულებული როგორც   ეკოლოგიური ექსპერტიზის დასკვნით,  ასევე   გარემოს დაცვისა და სოფლის მეურნეობის მინისტრის   2020 წლის 28 თებერვლის # 2-191 ბრძანების საფუძველზე გაცემული გარემოსდაცვითი გადაწყვეტილებით განსაზღვრული  15 პირობა.  თუმცა, სამინისტრო ამ ინფორმაციას არ ასაჯაროვებდა და ის საზოგადოებითვის ცნობილი გახდა მოგვიანებით, 4 თვის შემდეგ,  "მწვანე ალტერნატივას" საჩივრის საფუძველზე", - ნათქვამია "საიას" მიერ გავრცელებულ განცხადებაში.

რიონის ხეობის მცხოვრებლებმა კომპანია "ენკას" წინააღმდეგ სასამართლოში სარჩელი ერთი თვის წინ შეიტანეს. ადგილობრივები ჰესის პროექტზე სასამართლო დავაში არიან გარემოს დაცვის სამინისტროსთანაც, რომელსაც გასული წლის აპრილში უჩივლეს, თუმცა, საქმეზე პროცესი ამ დრომდე არ ჩანიშნულა.
Print E-mail
FaceBook Twitter
მსგავსი სიახლეები
ქუთაისში, მედიისა და სამოქალაქო სექტორის წარმომადგენლებმა
14:30 / 12.04.2024
ქუთაისში, მედიისა და სამოქალაქო სექტორის წარმომადგენლებმა "ოცნების" მიერ ინიცირებული "უცხოური გამჭვირვალობის შესახებ" კანონპროექტი, იგივე რუსული კანონი გააპროტესტეს.
პროკურატურის ცნობით, თბილისის საქალაქო სასამართლომ 
11:51 / 12.04.2024
პროკურატურის ცნობით, თბილისის საქალაქო სასამართლომ  "ქურდული სამყაროს“  წევრობასა და  "ქურდული სამყაროს“  საქმიანობის მხარდაჭერაში ბრალდებული 10 პირი დამნაშავედ ცნო.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.