დარგობრივი ეკონომიკის კომიტეტში ექვსაათიანი
სხდომის შედეგებით რიონის ხეობის "მცველები" უკმაყოფილოები
არიან.
სხდომის დასრულების შემდეგ აქციის
ორგანიზატორმა, ვარლამ გოლეთიანმა ქუთაისიპოსტთან საუბარში თქვა, რომ
შეხვედრას საინფორმაციო ხასიათი ჰქონდა და მათ არსებითად ახალი
არაფერი გაუგიათ. ჰესის მოწინააღმდეგეები, კომიტეტის სხდომაზე
მინისტრის მოსმენამ, აქციების გაგრძელების აუცილებლობაში კიდევ უფრო
დაარწმუნა.
"საინფორმაციო ხასიათის შეხვედრებს გვიტარებენ და ჩვენც, რა თქმა
უნდა, მივდივართ, მერე რომ არ თქვან არ გვხვდებიანო. სინამდვილეში
არანაირ დათმობაზე არ მოდიან. პირიქით, ეკონომიკის მინისტრმა თქვა,
ვერც მორატორიუმს დავთანხმდებით და ვერც სამუშაოები შეჩერდებაო. აბა
რისთვის ვდგავართ ჩვენ აქ ოთხი თვეა? ამიტომაც, ამ პროცესებში ხალხმა
უნდა გადაწყვიტოს ყველაფერი. ჩვენ ყველანაირად ვცდილობთ, რომ ავირიდოთ
თავიდან რადიკალიზაცია, მაგრამ ვერც ისე მოვიქცევით, რომ ადეკვატური
რეაქცია არ გვქონდეს", - ამბობს ვარლამ
გოლეთიანი.
მისი თქმით, 14 მარტს დაგეგმილი აქცია
აუცილებლად შედგება, თუმცა, იქნება თუ არა აქციაზე ულტიმატუმი, ამაზე
ჯერ არ საუბრობს. მანამდე, 12 მარტს ჰესის მოწინააღმდეგეებსა და
ეკონომიკისა და სოფლის მეურნეობის სამინისტროების წარმომადგენლებს
შორის შეხვედრა უნდა გაიმართოს. უკვე ცნობილია, რომ შეხვედრა ქუთაისში
შედგება.
მასალის გამოყენების პირობები