ახალი ამბები
რა შეზღუდვების ნაწილი იხსნება 25 თებერვალიდან
FaceBook
ხვალ,  25 თებერვლიდან კორონავირუსის გამო დაწესებული შეზღუდვების ნაწილი იხსნება.

შესაბამისი განცხადება საქართველოს პრემიერ-მინისტრმა ირაკლი ღარიბაშვილმა კორონავირუსთან დაკავშირებით შექმნილი უწყებათაშორისი საკოორდინაციო საბჭოს სხდომის შემდეგ გააკეთა.

25 თებერვლიდან საქალაქთაშორისო ტრანსპორტის მოძრაობა მთელი ქვეყნის მასშტაბით აღდგება. ასევე ხვალიდან გაიხსნება ზამთრის კურორტები.

პრემიერის თქმით, 8 მარტიდან გაიხსნება სამთო კურორტებზე არსებული საბაგიროებიც.

"წარმოგიდგენთ ეკონომიკური საქმიანობის ეტაპობრივი აღდგენის გეგმას. სასტუმროები სამთო კურორტებზე გაიხსნება ხვალიდან, 25 თებერვლიდან, არსებული ეპიდემიოლოგიური სტანდარტებისა და რეგულაციების სრული დაცვით. სამთო კურორტებზე არსებული საბაგიროები გაიხსნება 8 მარტიდან ასევე ეპიდემიოლოგიური სტანდარტებისა და რეგულაციების სრული დაცვით", - განაცხადა ღარიბაშვილმა.

მთავრობის გადაწყვეტილებით ძალაში რჩება კომენდანტის საათი 9 საათიდან დილის 5 საათამდე გადაადგილების შეზღუდვა. ასევე ძალაში რჩება შაბათ-კვირის შეზღუდვა, რომლის მიხედვითაც დახურულია ბაზრობები, სავაჭრო მოლები. აკრძალულია ტრანსპორტის მოძრაობაც. 

საქართველოს მთავრობამ კორონავირუსის პანდემიის გამო დაწესებული შეზღუდვების ნაწილი თებერვლის დასაწყისიდან შეამსუბუქა.

საქართველოს მთელ ტერიტორიაზე, მათ შორის, თბილისში, რუსთავსა და ქუთაისში, სასწავლო პროცესი საკლასო ოთახებში განახლდა, მუშაობა დაიწყო საქალაქო ტრანსპორტმა, გაიხსნა ბაზრობები და ღია სივრცეში მუშაობის უფლება მისცეს კვების ობიექტებს.


კორონავირუსის პრევენციის მიზნით საქართველოს მთავრობამ შეზღუდვები 2020 წლის ნოემბერში დააწესა.




Print E-mail
FaceBook Twitter
მსგავსი სიახლეები
15:17 / 19.07.2024
"ჟღერადი სივრცე" - ასე ქვია ინკლუზიური ცეკვის სპექტაკლს, რომელიც პროექტ, "იცეკვე, იმოძრავე, იმოქმედე"-ს ფარგლებში შეიქმნა.
12:50 / 19.07.2024
"ქართული ოცნების" მიერ ინიცირებული "ამნისტიის შესახებ" კანონპროექტი ქუთაისში გააპროტესტეს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.