ახალი ამბები
"დღეს ჩვენმა გმირმა პოლიციამ აჩვენა უმაღლესი სტანდარტი'' - ღარიბაშვილი მელიას დაკავებაზე
FaceBook
საქართველოს პრემიერ-მინისტრი, ირაკლი ღარიბაშვილი ნიკა მელიას დაკავებას გამოეხმაურა და შინაგან საქმეთა მინისტრს, ვახტანგ გომელაურს და პოლიციას მადლობას გადაუხადა.
"დღეს ჩვენ გავხდით მომსწრე იმისა, რომ ვართ სამართლებრივი სახელმწიფო, ვართ ძლიერი სახელმწიფო, ჩვენ გვყავს ძლიერი პოლიცია, ძალიან ეფექტური შინაგან საქმეთა მინისტრი. მინდა, საჯაროდ გომელაურს მთელი მთავრობის სახელით მადლობა გადავუხადო და მთელ პოლიციას იმისთვის, რომ მათ დაიცვეს ჩვენი სახელმწიფოს ღირსება, სტაბილურობა", -  განაცხადა ირაკლი  ღარიბაშვილმა.

მისი  თქმით,  რომ ნიკა მელია კრიმინალია. მისისვე განმარტებით ყველა ვალდებულია, კანონს დაემორჩილოს.

პრემიერ-მინისტრმა სპეცოპერაციის სტანდარტებზეც ისაუბრა.

"ეს არის აბსოლუტურად ცივილიზებული, დემოკრატიული ქვეყნების სტანდარტი, დღეს ჩვენმა გმირმა პოლიციამ აჩვენა უმაღლესი სტანდარტი. ის, რაც არის ევროპული, ამერიკული, თანამედროვე დემოკრატიების სტანდარტების შესაბამისი. მადლობა გომელაურს და მთელ პოლიციას, ვამაყობ თქვენით", - აღნიშნა ღარიბაშვილმა.

"ერთიანი ნაციონალური მოძრაობის'' თავმჯდომარე, ნიკა მელია, გამთენიისას დააკავეს.

პოლიციელების და სპეცრაზმელების ნაწილი შენობაში შესასვლელებიდან, ნაწილი კი სახანძრო ავტომანქანის კიბის გამოყენებით შევიდა. გატეხეს ოთახის კარი, სადაც მელია იმყოფებოდა.

ნიკა მელიას გარდა სამართალდამცველები აკავებენ აქტივისტებსაც, დაკავებულებს შორის არის ზუკა ბერძენიშვილი მოძრაობა "სირცხვილიადან".

სამართალდამცავებმა პარტიის ოფისში, მელიას დაკავებამდე ე.წ. წიწაკის სპრეი გაუშვეს.

ნიკა მელიას აყვანამდე სამართალდამცავებმა პარტიის ოფისში მყოფი მოქალაქეები და მათ შორის პარტიის ლიდერები გარეთ გამოიყვანეს.

"ნაციონალური მოძრაობის" ოფისში რამდენიმე დღის განმავლობაში ოპოზიციური პარტიები და სამოქალაქო აქტივისტები იმყოფებოდნენ, რომლებიც ნიკა მელიას მხარდაჭერას უცხადებდნენ.

17 თებერვალს, 20 ივნისის საქმეზე "ერთიანი ნაციონალური მოძრაობის" თავმჯდომარეს, ნიკა მელიას აღკვეთის ღონისძიების სახით პატიმრობა შეეფარდა. გადაწყვეტილება თბილისის საქალაქო სასამართლოს მოსამართლემ, ნინო ჩახნაშვილმა 6 საათიანი სასამართლო პროცესის შემდეგ მიიღო.

სასამართლოს მიერ მიღებული გადაწყვეტიების შემდეგ პრემიერ-მინისტრმა გიორგი გახარიამ თანამდებობა დატოვა. მისი თქმით, ქვეყანაში მიმდინარე პროცესების გათვალისწინებით, რაც დაკავშირებულია ნიკა მელიასთვის აღკვეთის ღონისძიების - გირაოს, პატიმრობით შეცვლასთან, მან მიიღო გადაწყვეტილება გადადგეს დაკავებული პოსტიდან. გახარიას თქმით, მან ამ საკითხზე მის გუნდთან საერთო პოზიციის შეთანხმება ვერ მოახერხა.
Print E-mail
FaceBook Twitter



მსგავსი სიახლეები
ეკონომიკისა და სოფლის მეურნეობის მინისტრები,
ცაგერის შეხვედრის შემდეგ, სადაც  რიონის ხეობის
16:27 / 05.03.2021
ეკონომიკისა და სოფლის მეურნეობის მინისტრები, ცაგერის შეხვედრის შემდეგ, სადაც  რიონის ხეობის "მცველები" არ მივიდნენ, სოფელ ნამოხვანში პროტესტის ადგილზე გაემგზავრნენ.
ქუთაისის სამ სკოლაში (მე-12 , 29-ე
და 33-ე) სწავლა დისტანციურ რეჟიმში მიმდინარეობს.
14:23 / 05.03.2021
ქუთაისის სამ სკოლაში (მე-12 , 29-ე და 33-ე) სწავლა დისტანციურ რეჟიმში მიმდინარეობს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.