ახალი ამბები
"გახარიას გადადგომით არაფერი იცვლება“ - პროტესტის 22-ე დღე ქუთაისში
FaceBook
ქუთაისის ცენტრალურ ბულვარში 22-ე დღეა უწყვეტი პროტესტი მიმდინარეობს.

სამოქალაქო ატივისტებს, რომელთა შორის  უმრავლესობა "ნაციონალური მოძრაობის" მხარდამჭერია, მერიის წინ  კარავი აქვთ გაშლილი.
აქტივისტები ვადამდელ არჩევნებს ითხოვენ და აცხადებენ,რომ ვიდრე მიზანს არ მიაღწევენ, პროტესტს არ შეწყვეტენ.

"ცივ დღეებში ცოტა კი გაგვიჭირდა, მაგრამ არაუშავს. ადგილობრივები გვეხმარებიან, საკვები მოაქვთ კეთილ ადამიანებს. გუშინ განვითარებული მოვლენებით ჩვენთვის არაფერი იცვლება. ვიდრე არ დაინიშნება ვადამდელი არჩევნები, პროტესტს არ შევწყვეტთ", - ამბობს ნინო თვალავაძე.

აქტივისტები ღამესაც კარავში ათევენ. დღის განმავლობაში მათ სხვებიც უერთდებიან.

ქუთაისის ცენტრალურ ბულვარში, მერიის ადმინისტრაციული შენობის წინ საპროტესტო კარავი 27 იანვარს გაშალეს. 12 თებერვალს, აქციის მონაწილეებსა და  აქტივისტებს შორის დაპირისპირება მოხდა, რა დროსაც 6 აქტივისტი დააკავეს. ყველა დაკავებული უკვე თავისუფალია. სამს ჯარიმა დაეკისრა, სამის პროცესი კი 23 თებერვალსაა  ჩანიშნული.

რაც შეეხება გუშინ, 18 თებერვალს განვითარებულ მოვლენებს, შეგახსენებთ, რომ პრემიერ-მინისტრმა გიორგი გახარიამ პოსტიდან გადადგომის შესახებ განცხადება გააკეთა. მან ეს გადაწყვეტილება "ნაციონალური მოძრაობის" თავმჯდომარის, ნიკა მელიასთვის აღკვეთის ღონისძიების - გირაოს, პატიმრობით შეცვლას დაუკავშირა და განაცხადა, რომ მას ამ საკითხზე  გუნდისგან განსხვავებული პოზიცია ჰქონდა და რომ კანონის აღსრულება, თუ ის ქმნის პოლიტიკური ესკალაციის შესაძლებლობას, მიუღებელია.

გახარიას გადაწყვეტილებას მალევე მოჰყვა შსს-ს განცხადება, რომლის მიხედვითაც უწყებამ ნიკა მელიას  დაპატიმრების ღონისძიება გადადო, თუმცა, რა ვადით, უცნობია.

თბილისის საქალაქო სასამართლომ "ნაციონალური მოძრაობის" თავმჯდომარის, ნიკა მელიას დაპატიმრების შესახებ გადაწყვეტილება 17 თებერვალს მიიღო.

უკვე ცნობილია გახარიას შემცვლელის ვინაობაც. მას პრემიერ-მინისტრის პოსტზე თავდაცვის მინისტრი, ირაკლი ღარიბაშვილი ჩაანაცვლებს.




Print E-mail
FaceBook Twitter
მსგავსი სიახლეები
საქართველოს ენერგოდამოუკიდებლობა პირდაპირაა დაკავშირებული
,,ენგურჰესთან“ და სხვა ჰესების მშენებლობასთან, ჩვენ ამაზე უნდა
ვიფიქროთ, როცა ცოტა მარტივად და ცოტა ზედაპირულად ვსაუბრობთ, რომ
ჰესები შეიძლება ბუნებას აზიანებდეს,
20:30 / 16.08.2022
საქართველოს ენერგოდამოუკიდებლობა პირდაპირაა დაკავშირებული ,,ენგურჰესთან“ და სხვა ჰესების მშენებლობასთან, ჩვენ ამაზე უნდა ვიფიქროთ, როცა ცოტა მარტივად და ცოტა ზედაპირულად ვსაუბრობთ, რომ ჰესები შეიძლება ბუნებას აზიანებდეს,
ეროვნული ბანკის მიერ გამოქვეყნებული მონაცემების თანახმად,
დღევანდელი ვაჭრობის შედეგად 1 აშშ დოლარის ღირებულება 2.8019 ლარი
გახდა.
17:47 / 16.08.2022
ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.8019 ლარი გახდა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.