ახალი ამბები
იოსებ ხახალეიშვილის თქმით, მაშინ, როცა აქტივისტები მასთან შეხვედრას ითხოვდნენ, იგი ერთდღიან მივლინებაში თბილისში იყო. მერმა ჟურნალისტებთან შეხვედრაზე შესაბამისი დოკუმენტიც წარმოადგინა.
ქუთაისის მერი ამბობს, რომ აქცის დროს, სადაც ექვსი ადამიანი დააკავეს, ქალაქში არ იმყოფებოდა
16:34 / 15.02.2021
ქუთაისის მერი 12 თებერვალს მერიის წინ გამართულ
აქციას სამი დღის შემდეგ ეხმაურება და ამბობს,
რომ იმ დროს ქალაქში არ იმყოფებოდა.
იოსებ ხახალეიშვილის თქმით, მაშინ, როცა აქტივისტები მასთან შეხვედრას ითხოვდნენ, იგი ერთდღიან მივლინებაში თბილისში იყო. მერმა ჟურნალისტებთან შეხვედრაზე შესაბამისი დოკუმენტიც წარმოადგინა.
"პარასკევს (12 თებერვალს) არ ვიყავი ქუთაისში,
თბილისში გახლდით მივლინებით. რომ ამბობდნენ კაბინეტშია და
შუქები ანთია, გამოვიდესო, არავისთვის თავი არ
ამირიდებია. მე არაფერი გამიკეთებია ისეთი, რომ ქუთაისელ ხალხს
დავემალო", - განაცხადა ხახალეიშვილმა.
ქალაქის მერმა განცხადება აქციის შემდეგაც, იმავე საღამოს გააკეთა. მან
აქტივისტებს ხელმოცარული და კრიმინალური ოპოზიცია უწოდა, თუმცა,
განცხადებაში არაფერი უთქვამს მისი მივლინებაში ყოფნის შესახებ.
მერიის პრესსამსახურის მიერ 12 თებერვალს გავრცელებულ განცხადებაში
წერია:
"ეს არის ხელმოცარული და კრიმინალური ოპოზიციის
მორიგი მცდელობა, რომ მოსახლეობა შეიყვანონ შეცდომაში. ეს მათი
ხელწერაა. ისინი კვლავ ცდილობენ საჯარო დაწესებულებებში ძალადობრივი
გზით შეჭრას და ამ შენობების ბლოკირებას. ამას აკეთებდნენ საარჩევნო
კამპანიის დროს და ასე აგრძელებენ ახლაც. ჩვენ, კანონის მიერ
მონიჭებული უფლებების გამოყენებით, შევეცდებით არ მივცეთ მათ
არეულობის მოწყობის საშუალება და დავიცვათ ჩვენი მოქალაქეების
სიმშვიდე. დესტრუქციულ ოპოზიციას ქუთაისში მხარდაჭერა არ ექნება".
ჟურნალისტებთან შეხვედრაზე მერმა ბოლო დღეებში ოპოზიციის მიერ თვითმმართველობის მისამართით გაჟღერებულ ბრალდებებზეც ისაუბრა და მათ დეზინფორმაცია უწოდა. მისი თქმით, ბრალდება სარესტორნო ხარჯების შესახებ სიმართლეს არ შეესაბამება და მერიამ სინამდვილეში თანხა ქორქიას საკანდელიძის თასის ფინალურ თამაშზე "ვერას" კალათბურთელთა გუნდის მასპინძლობასა და კოვიდთან მებრძოლი ექიმებისთვის ბროლის თასებით დაჯილდოვებაზე დაიხარჯა. მან ასევე ტყუილი უწოდა ოპოზიციის ბრალდებებს ასფალტის ანაფრეზის გაყიდვასა და აუდიტის დასკვნის დამალვაზე.
12 თებერვალს ქუთაისის მერიის წინ საპროტესტო აქცია გაიმართა. აქციის მონაწილეები აცხადებდნენ, რომ ადგილობრივი თვითმმართველობის წარმომადგენლები პანდემიის დროს სარესტორნო ხარჯებისთვის ბიუჯეტის ფულს ხარჯავდნენ. აქტივისტები ქალაქის მერთან შეხვედრას ითხოვდნენ, რისთვისაც მას 10 წუთი მისცეს. დროის ამოწურვის შემდეგ, აქციის მონაწილეებმა შენობაში შესვლა სცადეს, რისი უფლებაც მათ პოლიციამ არ მისცა, რასაც სამართალდამცავებსა და აქტვისტებს შორის დაპირისპირება მოჰყვა. აქციის დროს ექვსი ადამიანი დააკავეს. დაკავებულები მეორე დღეს ხელწერილის საფუძველზე გაათავისუფლეს. სამს ფულადი ჯარიმა დააკისრეს, სამის სასამართლო პროცესი კი 23 თებერვალს ჩატარდება.
ჟურნალისტებთან შეხვედრაზე მერმა ბოლო დღეებში ოპოზიციის მიერ თვითმმართველობის მისამართით გაჟღერებულ ბრალდებებზეც ისაუბრა და მათ დეზინფორმაცია უწოდა. მისი თქმით, ბრალდება სარესტორნო ხარჯების შესახებ სიმართლეს არ შეესაბამება და მერიამ სინამდვილეში თანხა ქორქიას საკანდელიძის თასის ფინალურ თამაშზე "ვერას" კალათბურთელთა გუნდის მასპინძლობასა და კოვიდთან მებრძოლი ექიმებისთვის ბროლის თასებით დაჯილდოვებაზე დაიხარჯა. მან ასევე ტყუილი უწოდა ოპოზიციის ბრალდებებს ასფალტის ანაფრეზის გაყიდვასა და აუდიტის დასკვნის დამალვაზე.
12 თებერვალს ქუთაისის მერიის წინ საპროტესტო აქცია გაიმართა. აქციის მონაწილეები აცხადებდნენ, რომ ადგილობრივი თვითმმართველობის წარმომადგენლები პანდემიის დროს სარესტორნო ხარჯებისთვის ბიუჯეტის ფულს ხარჯავდნენ. აქტივისტები ქალაქის მერთან შეხვედრას ითხოვდნენ, რისთვისაც მას 10 წუთი მისცეს. დროის ამოწურვის შემდეგ, აქციის მონაწილეებმა შენობაში შესვლა სცადეს, რისი უფლებაც მათ პოლიციამ არ მისცა, რასაც სამართალდამცავებსა და აქტვისტებს შორის დაპირისპირება მოჰყვა. აქციის დროს ექვსი ადამიანი დააკავეს. დაკავებულები მეორე დღეს ხელწერილის საფუძველზე გაათავისუფლეს. სამს ფულადი ჯარიმა დააკისრეს, სამის სასამართლო პროცესი კი 23 თებერვალს ჩატარდება.
მსგავსი სიახლეები
14:13 / 26.04.2024
რიკოთის ახალი მაგისტრალური გზის მშენებლობის პროექტის ფარგლებში,
შორაპანი-არგვეთას მონაკვეთზე, ზესტაფონის შემოვლითი 9 კმ-იანი
მაგისტრალური გზა ავტოტრანსპორტისთვის დღეიდან გაიხსნა.
13:08 / 26.04.2024
საქართველოს სტატისტიკის ეროვნული სამსახურის მონაცემებით, 2023 წელს,
ემიგრანტების რიცხოვნობამ 245 064 კაცი შეადგინა, რაც წინა წელთან
შედარებით 95.6 პროცენტით მეტია.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები