ახალი ამბები
„ეს უნდა გახდეს მსჯელობის საგანი“ - საკრებულოს თავმჯდომარე მგზავრობის ღირებულების შესაძლო გაზრდაზე
14:47 / 12.02.2021
ქუთაისის საკრებულო, უახლოეს სხდომაზე,
სავარაუდოდ, ავტობუსით მგზავრობის ტარიფის გაზრდაზე
იმსჯელებს.
მართალია, საკრებულოს თავმჯდომარე ირაკლი
შენგელია ამბობს, რომ ეს საკითხი შესაბამის კომისიებში არ განხილულა,
თუმცა, ფასის მატება უკვე დაანონსა სატრანსპორტო კომპანიის ხელმძღვანელმა
გიორგი გიორგობიანმა. შენგელია გადაჭრითარ არ ამბობს უნდა
გაიზარდოს თუ არა მგზავრობის საფასური და აცხადებს, რომ საკითხი
მსჯელობის საგანი უნდა გახდეს.
"საკრებულოს აღნიშნულ საკითხთან დაკავშირებით არ უმსჯელია, მათ
შორის, არ მომხდარა განხილვა შესაბამის კომისიებში. ეს
თემა უნდა გახდეს მსჯელობის საგანი", - განაცხადა ირაკლი
შენგელიამ.
რიგგარეშე სხდომამდე, რომელიც 15 თებერვალსაა
ჩანიშნული, ჯერჯერობით ცნობილია მხოლოდ ის, რომ ადგილობრივი
თვითმმართველობა ახალ ავტობუსებს მერიის დაქვემდებარებაში არსებულ შპს
"ქუთაისის სატრანსპორტო კომპანიას" უსასყიდლოდ, უვადო
სარგებლობაში გადასცემს.
ქალაქში ახალმა მუნიციპალურმა ავტობუსებმა
მუშაობა 8 თებერვალს დაიწყო. ქუთაისს, "ევროპის რეკონსტრუქციისა და
განვითარების ბანკის (EBRD) ფინანსური
მხარდაჭერით, 60 ავტობუსი გადაეცა. სატრანსპორტო საშუალებები
აღჭურვილია თანამედროვე სისტემებით და ადაპტირებულია შშმ პირებზე.
ავტობუსებში ჯერჯერობით არ არის დამონტაჟებული უკონტაქტო
გადახდის სისტემა, რაც საბოლოოდ ყველა მუნიციპალურ ავტობუსში უნდა
დაინერგოს. მერიას ამ დრომდე არ აქვს არც ახალი სვლაგეზების გეგმა, რომლის შემუშავების საჭიროებაზეც
ადგილობრივი თვითმმართველობა ჯერ კიდევ გასულ წელს საუბრობდა.
ადგილობრივ ხელისუფლებას ამ დრომდე არც გაჩერებებზე მოუწყვია
დაპირებული ელექტრონული ტაბლოები.
ახალი
ავტობუსების შესაძენად მერიამ მუნიციპალური განვითარების ფონდიდან 1
039 5177 ევროს გრანტი და 5 775 099 ლარის სესხი აიღო.
ვალად აღებული თანხა თვითმმართველობამ 10 წლის განმავლობაში უნდა
დაფაროს.
ამავე თემაზე:
ქუთაისის მერიაში ამ დრომდე არ აქვთ პასუხი როგორ იმუშავებს ტრანსპორტი 8 თებერვლიდან
ამავე თემაზე:
ქუთაისის მერიაში ამ დრომდე არ აქვთ პასუხი როგორ იმუშავებს ტრანსპორტი 8 თებერვლიდან
მსგავსი სიახლეები
14:13 / 26.04.2024
რიკოთის ახალი მაგისტრალური გზის მშენებლობის პროექტის ფარგლებში,
შორაპანი-არგვეთას მონაკვეთზე, ზესტაფონის შემოვლითი 9 კმ-იანი
მაგისტრალური გზა ავტოტრანსპორტისთვის დღეიდან გაიხსნა.
13:08 / 26.04.2024
საქართველოს სტატისტიკის ეროვნული სამსახურის მონაცემებით, 2023 წელს,
ემიგრანტების რიცხოვნობამ 245 064 კაცი შეადგინა, რაც წინა წელთან
შედარებით 95.6 პროცენტით მეტია.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები