ახალი ამბები
„ამ ეტაპზე უფრო პრიორიტეტულად მიმაჩნია ტრანსპორტის გახსნა“ - ამირან გამყრელიძე
FaceBook
დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ ქვეყანაში ჯერ კიდევ არსებული შეზღუდვების ეტაპობრივად მოხსნაზე ისაუბრა.
მისი თქმით, შემსუბუქება უნდა მოხდეს  ეპიდსიტუაციის კონტროლის ფონზე. ამირან გამყრელიძის თქმით, იმ შეზღუდვებს შორის, რაც ქვეყანაში მოქმედებს, ყველაზე პრიორიტეტული საზოგადოებრივი ტრანსპორტის ამუშავებაა.

"ბევრი მსჯელობა მიმდინარეობდა იმაზე, თუ სად უფრო მაღალი რისკია ვირუსის გავრცელების. მოსახლეობას  ყველაზე მძიმედ გადააქვს ის,  რომ არ მუშაობს საზოგადოებრივი ტრანსპორტი. ამიტომ, ერთ-ერთ ყველაზე მთავარ პრიორიტეტად ეს საკითხი  დგას.   თუ ჩვენ შევინარჩუნებთ ამ ტიპის ეპიდსიტუაციას,  რაც უკვე მიღწეულია, რაც უკვე გავაკეთეთ ბათუმში, რომ ამუშავდა საზოგადოებრივი ტრანსპორტი, ეს უნდა მოხდეს თბილისში, ქუთაისსა და რუსთავშიც", - განაცხადა ამირან გამყრელიძემ.

მან ასევე ისაუბრა დახურულ რესტორნებსა და საგანმანათლებლო სივრცეებზე და განაცხადა, რომ ტრანსპორტის შემდეგ პრიორიტეტულია სკოლების გახსნა. რაც შეეხება რესტორნებს, ისევე, როგორც სხვა შემთხვევაში, აქაც შემსუბუქება ეტაპობრივად უნდა მოხდეს.

პირველი თებერვლიდან ქვეყანაში შეზღუდვები ნაწილობრივ მოიხსნა, თუმცა, სამ  ქალაქში - ქუთაისში, თბილისსა და რუსთავში კვლავ არ მუშაობს საზოგადოებრივი ტრანსპორტი. დაკეტილია საგანმანათლებლო სივრცეები, დახურულია რესტორნები და გასართობი სივრცეები, 21 საათიდან 05 საათამდე ქვეყნის მთელ ტერიტორიაზე მოქმედებს კომენდანტის საათი.
Print E-mail
FaceBook Twitter



მსგავსი სიახლეები
ეკონომიკისა და სოფლის მეურნეობის მინისტრები,
ცაგერის შეხვედრის შემდეგ, სადაც  რიონის ხეობის
16:27 / 05.03.2021
ეკონომიკისა და სოფლის მეურნეობის მინისტრები, ცაგერის შეხვედრის შემდეგ, სადაც  რიონის ხეობის "მცველები" არ მივიდნენ, სოფელ ნამოხვანში პროტესტის ადგილზე გაემგზავრნენ.
ქუთაისის სამ სკოლაში (მე-12 , 29-ე
და 33-ე) სწავლა დისტანციურ რეჟიმში მიმდინარეობს.
14:23 / 05.03.2021
ქუთაისის სამ სკოლაში (მე-12 , 29-ე და 33-ე) სწავლა დისტანციურ რეჟიმში მიმდინარეობს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.