ახალი ამბები
ქართული თეატრის დღე დაპაუზებული თეატრებით
FaceBook
14 იანვარი ქართული თეატრის დღეა. 

ამ დღეს საქართველოს თეატრები დაპაუზებულ მდგომარეობაში შეხვდნენ. ისინი თავიანთ ფეისბუქგვერდებზე მხოლოდ მილოცვით შემოიფარგლნენ. 

კორონავირუსის პანდემიის მიზეზით დაწესებული რეგულაციების გამო თეატრები ვერ ახერხებენ თეატრების შენობაში რეპეტიციების ჩატარებას. 

ქუთაისში არსებულ სახელმწიფო თეატრებში სპექტაკლებზე მუშაობა ამჟამად არ მიმდინარეობს. 

მიუხედავად იმისა, რომ თეატრებმა შექმნეს გარე სივრცეები და მოერგნენ ახალ რეალობას, რეგულაციების დაწესების, ამინდების გაუარესების თუ სხვა სუბიექტური მიზეზით, ამ სივრცეებში მხოლოდ სეზონის გახსნა მოასწრეს. 

სახელდახელოდ შექმნილი და მოწყობილი თეატრალური სივრცეები არ გამოუყენებიათ.

თეატრები ვერ/არ იყენებენ ვერც ონლაინ სივრცეს. როგორც ახალ პლათფორმას ახალი თეატრისთვის. 

ინტერნეტსივრცე უმეტესად ძველი სპექტაკლების ვიდეოჩანაწერებს ეთმობა.  

თეატრები უმოქმედო მდგომარეობაში, მოლოდინის რეჟიმში რჩებიან.  

საქართველოში ქართული თეატრის დღის აღნიშვნას უკვე 171 წლიანი ტრადიცია აქვს. იგი 1850 წლიდან აღინიშნება, მას შემდეგ რაც პირველი სკოლის შენობაში, გიორგი ერისთავის კომედიის "გაყრა" პრემიერა შედგა. 


მთავარი ფოტო - თეატრალური სივრცე მესხიშვილის თეატრის ეზოში
Print E-mail
FaceBook Twitter



მსგავსი სიახლეები
დანაშაულის პრევენციისა და პრობაციის ეროვნული
სააგენტოს ინფორმაციით, „ამნისტიის შესახებ“ კანონი 10883
პრობაციონერს ეხება.
10:26 / 26.01.2021
დანაშაულის პრევენციისა და პრობაციის ეროვნული სააგენტოს ინფორმაციით, „ამნისტიის შესახებ“ კანონი 10883 პრობაციონერს ეხება.
მსჯავრდებულ ზ.ყ.- ს ოჯახი #15 სასჯელაღსრულების დაწესებულების
ადმინისტრაციას ზეწოლაში ადანაშაულებს.
18:30 / 25.01.2021
მსჯავრდებულ ზ.ყ.- ს ოჯახი #15 სასჯელაღსრულების დაწესებულების ადმინისტრაციას ზეწოლაში ადანაშაულებს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.