ახალი ამბები
ქუთაისში საახალწლო დეკორაციების მონტაჟი დაიწყო
FaceBook
ქუთაისში ახალი წლის სამზადისი დაიწყო.

უკვე დამონტაჟდა ნაძვის ხეები ქალაქის რამდენიმე უბანში. ჯერჯერობით არ დაწყებულა ქალაქის მთავარი ნაძვის ხის აწყობა.

წელს მერია საახალწლო აქსესუარებს შეზღუდული რაოდენობით იყიდის. "ქუთგანათების სერვისმა" ორი ტენდერი უკვე გამოაცხადა და გამარჯვებულებიც გამოავლინა. სახელმწიფო შესყიდვების  ჯამური ღირებულება 207 777 ლარს შეადგენს, თუმცა, მერიაში ამბობენ, რომ პანდემიის გამო თანხა შემცირდება და დაგეგმილზე უფრო ნაკლებ ელექტრონათურასა და სხვა გასანათებელ მოწყობილობას შეიძენენ.

"პანდემიის გამო მივიღეთ ეს გადაწყვეტილება. სავარაუდოდ, შემცირდება ტენდერის თანხა და ნაკლებ რაოდენობას შევიძენთ", - ამბობს მერიის ააიპ "ქუთგანათების სერვისის" ხელმძღვანელი, მალხაზ ბასილაძე.

კონკრეტულად რა თანხას დახარჯავს ადგილობრივი თვითმმართველობა ქალაქში საახალწლო განწყობის შესაქმნელად, ჯერჯერობით უცნობია. მერიაში ამბობენ, რომ დეტალები მომავალი კვირიდან, მას შემდეგ გაირკვევა, რაც ახალი მერი მუშაობას შეუდგება. ჯერჯერობით არც ის არის გადაწყვეტილი, გაიმართება თუ არა საახალწო ღონისძიებები.

ქუთაისელები საახალწლოდ განათებულ ქალაქს მხოლოდ 31 დეკემბრისა და 6 იანვრის ღამეს ნახავენ, როცა საღამოს 9 საათიდან დილის 5 საათამდე გადაადგილებაზე დაწესებული შეზღუდვები მოიხსნება.

ქუთაისის მერიამ შარშან განათების შესაძენად 100 000 ლარი დახარჯა.

Print E-mail
FaceBook Twitter
მსგავსი სიახლეები
მიხეილ სააკაშვილისთვის სასჯელის გადავადების ან სასჯელისგან
გათავისუფლების საკითხზე სასამართლო გადაწყვეტილებას სავარაუდოდ,
ორშაბათს, 6 თებერვალს გამოაცხადებს.
13:35 / 04.02.2023
მიხეილ სააკაშვილისთვის სასჯელის გადავადების ან სასჯელისგან გათავისუფლების საკითხზე სასამართლო გადაწყვეტილებას სავარაუდოდ, ორშაბათს, 6 თებერვალს გამოაცხადებს.
ქუთაისის საკრებულოს ფრაქცია
13:10 / 04.02.2023
ქუთაისის საკრებულოს ფრაქცია "ერთიანი ნაციონალური მოძრაობის“ წარმომადგენლები ბოიკოტის რეჟიმში რჩებიან.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.