ახალი ამბები
ოპოზიციამ კომისიებიდან წარმომადგენლები გაიწვია - არჩევნების მეორე ტურამდე ოთხი დღე დარჩა
FaceBook
2020 წლის არჩვენების მეორე ტურის გამართვამდე ოთხი დღე დარჩა.

ქუთაისში განმეორებით ჩატარდება როგორც პარლამენტის, ასევე მერის არჩევნები. მეორე ტურისთვის ემზადებიან,,ქართული ოცნების" კანდიდატები.

,,ქართული ოცნების" მერობის კანდიდატი ქალაქ მუზეუმისა და ძელქვიანის ადმინისტრაციული ერთეულის მოსახლეობასთან შეხვედრაზე.

ოპოზიციამ კი საარჩევნო უბნებიდან წარმომადგენლები უკვე გაიწვია.

,,არანაირი წინაპირობა არ ყოფილა იმის, რომ მეორე ტურში მიგვეღო მონაწილეობა. ეს არის გაყალბებული არჩევნები და მონაწილეობას აზრი არ აქვს. ყველა ჩვენი წარმომადგენელი კომისიებიდან უკვე გამოწვეულია. ვითხოვთ ახალ არჩევნებს, ცესკო-ს ახალი შემადგენლობით",- განაცხადა ,,ნაციონალური მოძრაობის" მერობის კანდიდატმა ქუთაისში გიგა შუშანიამ.

ოპოზიციის გადაწყვეტილების მიუხედავად, ბიულეტენებში მათი კანდიდატების გვარები მაინც ჩაიწერება.

ქუთაისში, პირველ ტურში, მაჟორიტარობის კანდიდატებმა, "ქართული ოცნებიდან" ზაზა ლომინაძემ 41,57% მოაგროვა, ,,ნაციონალური მოძრაობიდან" გრიგოლ ვაშაძემ 34,65 %.

50%-იანი ბარიერი ვერც მერობის კანდიდატებმა გადალახეს. ,,ქართული ოცნების" კანდიდატმა იოსებ ხახალეიშვილმა 47,7% მიიღო, ,,ნაციონალური მოძრაობის" კანდიდატმა გრიგოლ შუშანიამ კი 30,63%.

არჩევნების მეორე ტური არჩევნებიდან მესამე შაბათს, 21 ნოემბერს ჩატარდება. საქართველოს მასშტაბით არსებული 30 მაჟორიტარული ოლქიდან მეორე ტური თბილისის 8-ვე ოლქში და რეგიონების 6 ოლქში გაიმართება.

2020 წლის 31 ოქტომბერს პარლამენტის არჩევნები შერეული საარჩევნო სისტემით ჩატარდა, რაც იმას ნიშნავს, რომ ქვეყანას 30 მაჟორიტარი ეყოლება ნაცვლად 73-ისა. ხოლო დაწესებული 1%-იანი ბარიერი, შედარებით მცირე მხარდაჭერის მქონე პარტიებს პარლამენტში შესვლის საშუალებას აძლევს. ცესკოს მიერ ამ დროისთვის გამოქვეყნებული მონაცემების მიხედვით, მე-10 მოწვევის პარლამენტში 9 პოლიტიკური გაერთიანება იქნება წარმოდგენილი. მათ შორის 120 პროპორციული მანდატიდან 116 მანდატი ნაწილდება. ოთხი თავისუფალი მანდატი რჩება, რომელსაც თანმიმდევრობით, უდიდესი ნაშთის მქონე შემდეგი პოლიტიკური სუბიექტები გაინაწილებენ: - "გირჩი", "ევროპული საქართველო", "ნაციონალური მოძრაობა" და "ალეკო ელისაშვილი - მოქალაქეები".

ოპოზიციური პარტიები არჩევნების შედეგებს არ ცნობენ და აქციებს მართავენ.


ავტორი: ანა ჯიქია
Print E-mail
FaceBook Twitter



მსგავსი სიახლეები
არასამთავრობო ორგანიზაცია
14:59 / 22.01.2021
არასამთავრობო ორგანიზაცია "დაიცავი არჩევანის" წევრებმა ქუთაისის მერიასთან აქცია გამართეს.
საქართველოს კულტურული
მემკვიდრეობის დაცვის ეროვნული სააგენტო
13:58 / 22.01.2021
საქართველოს კულტურული მემკვიდრეობის დაცვის ეროვნული სააგენტო "ერთიანი ნაციონალური მოძრაობის" ქუთაისის ორგანიზაციის წევრების განცხადებას პასუხობს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.