ახალი ამბები
"დღეს, 9 საათიდან უნდა დაწყებულიყო ტექნიკის გაყვანა, ასეთი იყო პირობა. რაღაც ნაწილი დილით მოჩვენებითად გამოიყვანეს, ჩვენ ველოდებოდით რომ დარჩენილი ტექნიკაც გამოვიდოდა და ხიდი გავხსენით, მაგრამ ახლა ვხედავთ, რომ შიდა ტერიტორიაზე ისევ მოძრაობს ტექნიკა და სამუშაოები გრძელდება. ამიტომ ისევ ვკეტავთ გზას და არ გავხსნით, ვიდრე აქედან არ წავლენ", - ამბობს მოძრაობა "რიონის ხეობის გადარჩენისთვის" წარმომადგენელი და საპროტესტო აქციების ერთ-ერთი ორგანიზატორი ვარლამ გოლეთიანი.
20 დღიანი უწყვეტი პროტესტისა და ღამისთევის მიუხედავად, აქციის მონაწილეებს არც ადგილობრივი და არც ცენტრალური ხელისუფლება არ პასუხობს.
ორი დღის წინ მათთან ჩასვლაზე უარი განაცხადა იმერეთის გუბერნატორმა ზვიად შალამბერიძემ, რომელმაც აქციის მონაწილეების თქმით, ისინი ჯერ მოატყუა, შემდეგ კი კაბინეტში დაიბარა. სამხარეო ადმინისტრაციაში ჰესის მოწინააღმდეგეებთან შეთანხმება უარყვეს და განაცხადეს, რომ მხარის რწმუნებული მზადაა შეხვდეს ნებისმიერ მოქალაქეს, მხოლოდ კონსტრუქციული დიალოგის ფარგლებში. აქციის მონაწილეები გუბერნატორთან კაბინეტში შეხვედრაზე უარს აცხადებენ და მის ადგილზე ჩასვლას მოითხოვენ.
უყურადღებოდ დატოვებული ადგილობრივები 14 ნოემბერს კიდევ ერთ მასშტაბურ აქციას გეგმავენ და პროტესტის შეწყვეტას მანამდე არ აპირებენ, ვიდრე კომპანია "ენკა" ტერიტორიას არ დატოვებს და ჰესის მშენებლობაზე უარს არ იტყვის.
მოძრაობა "რიონის ხეობის გადარჩენისთვის" წარმომადგენლები სოფელ ნამოხვანის ტერიტორიაზე 105 მეტრიანი კაშხლის მშენებლობას მოსამზადებელი სამუშაოების დაწყების დღიდან აპროტესტებენ. მათი თქმით, კომპანია სამუშაოები ყველანაირი ნორმის დარღვევით აწარმოებს, მათ არ აქვთ არც გარემოზე ზემოქმედების გეგმა. ადგილობრივების თქმით, გარდა იმისა, რომ ჰესი შეცვლის რიონის ხეობის კლიმატს და გააქრობს ყურძნის უნიკალურ ჯიშებს, კაშხლის დაზიანების შემთხვევაში წყალი დაფარავს მიმდებარე სოფლებს, დაახლოებით 10 წუთში კი ტალღა ქუთაისამდეც მიაღწევს.
მოსახლეობის პროტესტის საპასუხოდ, კომპანიაში პროექტის სიკეთეებზე, გამომუშავებულ ელექტროენერგიაზე, დასაქმებულთა რაოდენობასა და ინვესტიციის მოცულობაზე საუბრობენ.
მათი ინფორმაციით, წყალტუბოსა და ცაგერის მუნიციპალიტეტში, მდინარე რიონზე მშენებარე ნამახვანისა და ტვიშის ჰესები წლიურად 1,514 გეგავატ.სთ ენერგიას გამოიმუშავებენ, ხოლო ჰესებზე დადგმული სიმძლავრე ჯამურად 433 მეგავატს შეადგენს. ჰესის ამოქმედების შემდეგ, "ენკა" ბიუჯეტში წლიურად 20 მილიონ ლარის შეტანისა და მშენებლობაზე 3 000-მდე ადამიანის დასაქმების პირობას დებს. კომპანიაში, საფრთხეებთან დაკავშირებით მოსახლეობის შიშებს არ იზიარებენ და ამბობენ, რომ უსაფრთხოების ყველა ზომა დაცულია.
ჰესის მშენებელობის ადგილი 23 ოქტომბერს ეკონომიკის და მდგრადი განვითარების მინისტრმა ნათია თურნავამ მოინახულა. მინისტრმა მშენებლობა საუკუნის პროექტად შეაფასა.
ამავე თემაზე:
„გუბერნატორმა გადაგვაგდო“ – ნამახვანჰესის საპროტესტო აქციაზე ზვიად შალამბერიძე არ ჩავიდა
ნამახვანჰესის სამშენებლო ტერიტორიაზე აქციის მონაწილეებმა გზა გადაკეტეს
"ეს, შეიძლება ითქვას, არის საუკუნის პროექტი" - ნათია თურნავა ნამახვანჰესის მშენებლობაზე
ღამისთევა რიონის ხეობის გადასარჩენად
პროტესტის მე-20 დღე - ნამახვანჰესის სამშენებლო ტერიტორიაზე ადგილობრივებმა გზა ჯაჭვებით გადაკეტეს
13:16 / 13.11.2020
სოფელ ჟონეთთან, მამაწმინდის ხიდზე უკვე 20 დღეა
ადგილობრივები თურქულ კომპანიას ჰესის სამშენებლო სამუშაოების
სრულყოფილად წარმოების საშუალებას არ აძლევენ.
დღეს, ჰესის მოწინააღმდეგეებმა ის ხიდი
გადაკეტეს, სადაც კომპანია "ენკას" ტექნიკა გადაადგილდებოდა. აქციის
მონაწილეებმა ჯაჭვი შეიბეს და ხიდზე განთავსდნენ. მათი თქმით, ვიდრე
ტერიტორიზე დროებითი ინფრასტრუქტურის დემონტაჟი არ დაიწყება, ჯაჭვი არ
გაიხსნება. ტექნიკა კი ხიდს ერთადერთ შემთხვევაში გადაკვეთს - თუ
კომპანია ტერიტორიას საბოლოოდ დატოვებს.
ადგილობრივებმა ეს გადაწყვეტილება მას შემდეგ
მიიღეს, რაც მათი თქმით, 12 ნოემბერს მიღებული პირობა ტექნიკის
გაყვანის და სამუშაოების შეწყვეტის შესახებ, არ
შესრულდა.
"დღეს, 9 საათიდან უნდა დაწყებულიყო ტექნიკის გაყვანა, ასეთი იყო პირობა. რაღაც ნაწილი დილით მოჩვენებითად გამოიყვანეს, ჩვენ ველოდებოდით რომ დარჩენილი ტექნიკაც გამოვიდოდა და ხიდი გავხსენით, მაგრამ ახლა ვხედავთ, რომ შიდა ტერიტორიაზე ისევ მოძრაობს ტექნიკა და სამუშაოები გრძელდება. ამიტომ ისევ ვკეტავთ გზას და არ გავხსნით, ვიდრე აქედან არ წავლენ", - ამბობს მოძრაობა "რიონის ხეობის გადარჩენისთვის" წარმომადგენელი და საპროტესტო აქციების ერთ-ერთი ორგანიზატორი ვარლამ გოლეთიანი.
20 დღიანი უწყვეტი პროტესტისა და ღამისთევის მიუხედავად, აქციის მონაწილეებს არც ადგილობრივი და არც ცენტრალური ხელისუფლება არ პასუხობს.
ორი დღის წინ მათთან ჩასვლაზე უარი განაცხადა იმერეთის გუბერნატორმა ზვიად შალამბერიძემ, რომელმაც აქციის მონაწილეების თქმით, ისინი ჯერ მოატყუა, შემდეგ კი კაბინეტში დაიბარა. სამხარეო ადმინისტრაციაში ჰესის მოწინააღმდეგეებთან შეთანხმება უარყვეს და განაცხადეს, რომ მხარის რწმუნებული მზადაა შეხვდეს ნებისმიერ მოქალაქეს, მხოლოდ კონსტრუქციული დიალოგის ფარგლებში. აქციის მონაწილეები გუბერნატორთან კაბინეტში შეხვედრაზე უარს აცხადებენ და მის ადგილზე ჩასვლას მოითხოვენ.
უყურადღებოდ დატოვებული ადგილობრივები 14 ნოემბერს კიდევ ერთ მასშტაბურ აქციას გეგმავენ და პროტესტის შეწყვეტას მანამდე არ აპირებენ, ვიდრე კომპანია "ენკა" ტერიტორიას არ დატოვებს და ჰესის მშენებლობაზე უარს არ იტყვის.
მოძრაობა "რიონის ხეობის გადარჩენისთვის" წარმომადგენლები სოფელ ნამოხვანის ტერიტორიაზე 105 მეტრიანი კაშხლის მშენებლობას მოსამზადებელი სამუშაოების დაწყების დღიდან აპროტესტებენ. მათი თქმით, კომპანია სამუშაოები ყველანაირი ნორმის დარღვევით აწარმოებს, მათ არ აქვთ არც გარემოზე ზემოქმედების გეგმა. ადგილობრივების თქმით, გარდა იმისა, რომ ჰესი შეცვლის რიონის ხეობის კლიმატს და გააქრობს ყურძნის უნიკალურ ჯიშებს, კაშხლის დაზიანების შემთხვევაში წყალი დაფარავს მიმდებარე სოფლებს, დაახლოებით 10 წუთში კი ტალღა ქუთაისამდეც მიაღწევს.
მოსახლეობის პროტესტის საპასუხოდ, კომპანიაში პროექტის სიკეთეებზე, გამომუშავებულ ელექტროენერგიაზე, დასაქმებულთა რაოდენობასა და ინვესტიციის მოცულობაზე საუბრობენ.
მათი ინფორმაციით, წყალტუბოსა და ცაგერის მუნიციპალიტეტში, მდინარე რიონზე მშენებარე ნამახვანისა და ტვიშის ჰესები წლიურად 1,514 გეგავატ.სთ ენერგიას გამოიმუშავებენ, ხოლო ჰესებზე დადგმული სიმძლავრე ჯამურად 433 მეგავატს შეადგენს. ჰესის ამოქმედების შემდეგ, "ენკა" ბიუჯეტში წლიურად 20 მილიონ ლარის შეტანისა და მშენებლობაზე 3 000-მდე ადამიანის დასაქმების პირობას დებს. კომპანიაში, საფრთხეებთან დაკავშირებით მოსახლეობის შიშებს არ იზიარებენ და ამბობენ, რომ უსაფრთხოების ყველა ზომა დაცულია.
ჰესის მშენებელობის ადგილი 23 ოქტომბერს ეკონომიკის და მდგრადი განვითარების მინისტრმა ნათია თურნავამ მოინახულა. მინისტრმა მშენებლობა საუკუნის პროექტად შეაფასა.
ამავე თემაზე:
„გუბერნატორმა გადაგვაგდო“ – ნამახვანჰესის საპროტესტო აქციაზე ზვიად შალამბერიძე არ ჩავიდა
ნამახვანჰესის სამშენებლო ტერიტორიაზე აქციის მონაწილეებმა გზა გადაკეტეს
"ეს, შეიძლება ითქვას, არის საუკუნის პროექტი" - ნათია თურნავა ნამახვანჰესის მშენებლობაზე
ღამისთევა რიონის ხეობის გადასარჩენად
მსგავსი სიახლეები
16:38 / 25.04.2024
წყალტუბოში, ქალაქის ცენტრალურ ქუჩაზე, ერთი ადამიანი დაჭრეს.
13:02 / 25.04.2024
ქუთაისის მუნიციპალიტეტმა თერჯოლის მუნიციპალიტეტს თავის საკუთრებაში
არსებული, გარე განათების მეორადი სანათები გადასცა.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები