ახალი ამბები
ქუთაისის მერიაში არ იციან გადაიფორმა თუ არა „ტორპედო“ ახალმა ინვესტორმა
FaceBook
ქუთაისის მერიაში არ აქვთ პასუხი იმაზე, გაფორმდა თუ არა საბოლოოდ ხელშეკრულება იტალიელ ინვერტორთან საფეხბურთო კლუბ "ტორპედოს" გადაცემაზე.

მერიის პრესსამსახურმა ამ კითხვით იურისტთან გადაგვამისამართა, თუმცა, არც ირაკლი გიორგაძემ იცის გაასხვისა თუ არა კლუბი ადგილობრივმა თვითმმართველობამ.

"აღარ ჩავრეულვარ "ტორპედოს" თემაში და არ ვიცი. შვებულებაში ვარ", - გვითხრა მერიის იურისტმა.

ხელშეკრულების გაფორმების საკითხი ბუნდოვანია კლუბის ახალი დირექტორისთვისაც. პაპუნა მელაძემ არც ის იცის რა რაოდენობის თანხის ჩადებას აპირებს ახალი ინვესტორი კლუბში და არც ის, როდის მოეწერება ხელშეკრულებას ხელი. მოლაპარაკების პროცესში კლუბის ადმინისტრაცია ჩართული არ არის.

"როგორც ჩვენ ვიცით, ქუთაისში ყველაფერი მზადაა, ელოდებიან ეკონომიკის სამინისტროს, საბოლოო ბეჭედი იქ უნდა დასვან. ვიდრე ეს პროცესი არ დასრულდებას, ჩვენ არავინ გვახედებს ამ საკითხში. ერთი ის ვიცით, რომ კლუბმა უნდა იბრძოლოს უმაღლეს ლიგაში სათამაშოდ", - გვეუბნება პაპუნა მელაძე.

რაც მთავარია, საქართველოში არ იმყოფება თავად ფაბიო მანინი, რომელმაც ჯერ კიდევ წლის დასაწყისში გააკეთა განაცხადი, რომ მზად არის კლუბში ინვესტიცია ჩადოს. იტალიელი ბიზნესმენი ცოტა ხნის წინ საქართველოში ჩამოვიდა, მაგრამ უკან დაბრუნდა. როდის ჩამოვა ის კვლავ ქვეყანაში, უცნობია. ფაქტია, რომ მერიასა და იტალიელ ინვესტორს შორის მოლაპარაკებების დაწყებიდან 11 თვის შემდეგაც, გაურკვეველია ვინ არის რეალურად კლუბის მეპატრონე.

"საქმე გამოუჩნდა და უკან დაბრუნდა. ახლა გვითხრა, როცა ავიღებ ბილეთებს, გაგაგებინებთო. ეს პროცესი წლის ბოლომდე უნდა დასრულდეს", - ამბობს კლუბის დირექტორი.

რა ეტაპზეა მოლაპარაკებები იტალიელ ინვესტორთან, ამ შეკითხვაზე ეკონომიკის სამინისტროში არ პასუხობენ.

ქუთაისის "ტორპედო" ინვესტორის გარეშე გასულ წელს დარჩა, მას შემდეგ, რაც ზაალ ჩაჩავას, დაგროვილი დავალიანების გამო, ქუთაისის მერიამ ხელშეკრულება გაუწყვიტა. ფინანსური კრიზისის გამო კლუბი დაშლის საფრთხის წინაშე რამდენჯერმე აღმოჩნდა. გუნდი დატოვეს წამყვანმა ფეხბურთელებმა და მთავარმა მწვრთნელმა. 


ამავე თემაზე:


ზაალ ჩაჩავას შეუსრულებელი დაპირება - რა დაემართა „ტორპედოს“ ერთ წელიწადში


Print E-mail
FaceBook Twitter
მსგავსი სიახლეები
2022 წლის ივლისში საქართველოში რუსეთის ფედერაციიდან 156 737
ადამიანი შემოვიდა.
14:33 / 09.08.2022
2022 წლის ივლისში საქართველოში რუსეთის ფედერაციიდან 156 737 ადამიანი შემოვიდა.
საქართველოში კორონავირუსით  პანდემიის პერიოდში 15 103 ორსული
დაინფიცირდა.
14:27 / 09.08.2022
საქართველოში კორონავირუსით  პანდემიის პერიოდში 15 103 ორსული დაინფიცირდა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.