ახალი ამბები
"ევროპული საქართველოს" ქუთაისის მაჟორიტარობის კანდიდატმა ხმის მიცემის უფლებით ვერ ისარგებლა
FaceBook
"ევროპული საქართველოს" ქუთაისის მაჟორიტარობის კანდიდატმა ოთარ კახიძემ ხმის მიცემის უფლებით ვერ ისარგებლა.
არჩევნებში მონაწილეობა ასევე ვერ მიიღო მისმა მეუღლემაც. 

ორივე მათგანი კორონავირუსზე მკურნალობს და მათ ცესკოდან გადასატანი ყუთი მოითხოვეს, თუმცა დღეს განუცხადეს, რომ რეგისტრირებულთა სიაში არ არიან.

"ფაქტია, რომ მოგვატყუეს. როგორც ჩანს, ამას ტყუილად არ აკეთებენ. ფაქტია, ხმები მოიპარეს" , -  განაცხადა ,,ქუთაისიპოსტთან" საუბარში ოთარ კახიძემ.

კორონაპანდემიის გამო კარანტინსა და იზოლაციაში მყოფი პირებისთვის გადასატანი ყუთის მოთხოვნის  ვადა 26 ოქტომბერს ამოიწურა. 

ქუთაისში, თვითიზოლაციასა და კოვიდსასტუმროებში მყოფმა 873 ამომრჩეველმა გაიარა რეგისტრაცია.

ცესკოს სპიკერის, ანა მიქელაძის განცხადებით, ქვეყნის მასშტაბით, თვითიზოლაციასა და კარანტინში მყოფი პირებისათვის გახსნილი 127 უბნიდან 311 გადასატანი ყუთი გავიდა. რამდენმა ადამიანმა ისარგებლა იმერეთსა და ქუთაისში სპეცუბნის გადასატანი ყუთით, ჯერჯერობით უცნობია.

ანა მიქელაძის თქმით, ამის შესახებ ამ ეტაპზე ინფორმაციას ვერ მოგვაწვდის. რაც შეეხება ,,ევროპული საქართველოს" კანდიდატების განცხადებებს, ცესკოში აცხადებენ, რომ საკითხს მოიკითხავენ, თუმცა ამ დრომდე ინფორმაცია არ მოუწოდებიათ.

ქუთაისში, 156 257 ამომრჩევლისთვის 130 საარჩევნო უბანია გახსნილი. აქედან, 7 სპეცუბანია, ერთი სასჯელაღსრულების დაწესებულებაში, ხოლო ექვსი თვითიზოლაციასა და კარანტინში მყოფი პირებისთვის განკუთვნილი უბნები.

არჩევნებში მონაწილეობის სურვილი კარანტინსა და თვითიზოლაციაში მყოფმა 873-მა პირმა გამოხატა.

მე-10 მოწვევის პარლამენტის არჩევნები, 29 ივნისს მიღებული საკონსტიტუციო ცვლილების მიხედვით, შერეული საარჩევნო სისტემით ტარდება. ეს იმას ნიშნავს, რომ ქვეყანას 30 მაჟორიტარი ეყოლება ნაცვლად 73-ისა. ხოლო დაწესებული 1%-იანი ბარიერი შედარებით მცირე მხარდაჭერის მქონე პარტიებს პარლამენტში შესვლის საშუალებას მისცემს.

31 ოქტომბერს, პარლამენტის პარალელურად, იმერეთის სამ მუნიციპალიტეტში მერის არჩევნებიც მიმდინარეობს.

ქუთაისში მერობისთვის რვა კანდიდატი იბრძოლებს, ხარაგაულში ხუთი, ხოლო თერჯოლაში მერობის ოთხი კანდიდატი.




Print E-mail
FaceBook Twitter
მსგავსი სიახლეები
ოკუპანტი ქვეყნის სამხედროებმა
უკრაინაში კუნძული ზმეინი დატოვეს.
13:02 / 01.07.2022
ოკუპანტი ქვეყნის სამხედროებმა უკრაინაში კუნძული ზმეინი დატოვეს.
საერთაშორისო უფლებადამცველმა
ორგანიზაცია Amnesty International -მა, ოკუპანტი ქვეყნის
სამხედროების მიერ მარიუპოლის თეატრის დაბომბვა ომის დანაშაულად
აღიარა.
12:07 / 01.07.2022
საერთაშორისო უფლებადამცველმა ორგანიზაცია Amnesty International -მა, ოკუპანტი ქვეყნის სამხედროების მიერ მარიუპოლის თეატრის დაბომბვა ომის დანაშაულად აღიარა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.