ახალი ამბები
აუკრძალეს თუ არა დაავადებათა კონტროლის რეგიონულ ცენტრებსა და სამხარეო ადმინისტრაციებს კორონავირუსზე ინფორმაციის გაცემა?
FaceBook
იმერეთის გუბერნატორი ზვიად შალამბერიძე, რომელიც კორონავირუსის იმერეთში გავრცელების მასშტაბებზე მედიას ყოველდღიურად აწვდიდა ინფორმაციას, დღეს ჟურნალისტებს არ შეხვდა.

ქუთაისიპოსტის ინფორმაციით, მიზეზი  დაავადებათა კონტროლის ეროვნული ცენტრის მიერ სამხარეო ადმინისტრაციებისა და რეგიონული სამმართველოებისთვის ინფორმაციის გაცემის აკრძალვაა.

სამხარეო ადმინისტრაციაში შეკითხვას თუ ვინ გასცემს ინფორმაციას ვირუსთან დაკავშირებულ მონაცემებზე, ვერ პასუხობენ. არ იციან არც ის, გააკეთებს თუ არა გუბერნატორი განცხადებებს მომდევნო დღეებში.

მოგვიანებით, გუბერნატორის ნაცვლად მედიასთან დაავადებათა კონტროლის ეროვნული ცენტრის იმერეთის სამმართველოს უფროსის, გოჩა გიორგიძის შეხვედრა დაინიშნა, თუმცა, ცოტა ხნის წინ სამხარეო ადმინისტრაციაში განაცხადეს, რომ მონაცემებზე საუბარს ვერც ის შეძლებდა. თავად გოჩა გიორგიძე სატელეფონო ზარებს არ პასუხობს.

ქუთაისიპოსტი დაავადებათა კონტროლის ეროვნულ ცენტრსაც დაუკავშირდა, სადაც ინფორმაცია მონაცემების გაცემის აკრძალვის შესახებ უარყვეს, თუმცა, განაცხადეს, რომ ქვეყანაში შექმნილი ვითარების გამო,  ყველა დაძაბულ რეჟიმში მუშაობს და ვირუსის გავრცელებასთან დაკავშირებით განცხადებები მხოლოდ თბილისში გაკეთდება.

"თუ იქნება დამატებითი საჭიროება, გაკეთდება რეგიონებშიც",  - განაცხადეს დაავადებათა კონტროლის ეროვნულ ცენტრში.

ბოლო 24 საათში იმერეთში ვირუსით ინფიცირებულთა რაოდენობა 55-ით გაიზარდა. ჯამში, გასული დღე-ღამის განმავლობაში რეგიონში 1182 ტესტი გაკეთდა. თუმცა, 55 შემთხვევიდან რამდენი უკავშირდება ქუთაისს ან იმერეთის სხვა რაიონებს, უცნობია. უცნობია ისიც,  დადგენილია თუ არა ინფიცირებულთა კონტაქტები.



Print E-mail
FaceBook Twitter
მსგავსი სიახლეები
ქუთაისის სააპელაციო სასამართლომ ზუგდიდის სასამართლოს განაჩენი
ძალასი დატოვა და  გენდერის ნიშნით განსაკუთრებული სისასტიკით
ჩადენილი მეუღლის განზრახ მკვლელობის ფაქტზე მსჯავრდებულს უვადო
თავისუფლების აღკვეთა განუსაზღვრა.
15:11 / 16.09.2025
ქუთაისის სააპელაციო სასამართლომ ზუგდიდის სასამართლოს განაჩენი ძალასი დატოვა და  გენდერის ნიშნით განსაკუთრებული სისასტიკით ჩადენილი მეუღლის განზრახ მკვლელობის ფაქტზე მსჯავრდებულს უვადო თავისუფლების აღკვეთა განუსაზღვრა.
ქუთაისში, ავტოქარხნის დასახლებაში, გუშინ, 15 სექტემბრის საღამოს
მომხდარი ინციდენტის შედეგად 2 პირია დაკავებული.
14:26 / 16.09.2025
ქუთაისში, ავტოქარხნის დასახლებაში, გუშინ, 15 სექტემბრის საღამოს მომხდარი ინციდენტის შედეგად 2 პირია დაკავებული.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.