ახალი ამბები
"ქუთაისის მერიამ 2000 ადამიანი განსაცდელში მიატოვა"
FaceBook
"ლეიბორისტული პარტიის" ქუთაისის ორგანიზაციის ინფორმაციით, სიღარიბის ზღვარს მიღმა მყოფ 2 000-მდე ადამიანს, რომლებმაც პანდემიის პირობებში სახელმწიფოსგან კომპენსაცია ვერ მიიღეს, დახმარებაზე მერიამაც უარი უთხრა.

პარტიის წევრებმა ადმინისტრაციული შენობის წინ აქცია მოაწყვეს და იმ ადამიანების განცხადებები მიიტანეს, რომლებსაც თანხის გაცემაზე უარი ეთქვათ. პარტიის კოორდინატორის, სამსონ გუგავას თქმით, ადგილობრივმა ხელისუფლებამ ეს ადამიანები განსაცდელში მიატოვა.

"2 000 ადამიანს, რომლებიც არიან სიღატაკის ზღვარზე და ხელისუფლებამ უარი უთხრა დახმარებაზე, ქუთაისის მერიამაც გაწირა და უარით გაისტუმრა. ეს არის განსაცდელში მიტოვება, რაც სისხლის სამართლის კოდექსით დასჯადია. მერიას, რომელიც ოლიგარქის ზნედაცემული ჩინოვნიკების თავშესაფრად იქცა, ადამიანების ბედი არ აინტერესებს", - განაცხადა სამსონ გუგავამ.

სოციალურად დაუცველებისთვის დახმარების გაცემის თხოვნით,  ქუთაისის მერიას პარტიამაც მისწერა. პასუხში მერია არ განმარტავს რა მიზეზით ეთქვა მოქალაქეებს უარი მატერიალურ დახმარებაზე.

"თქვენი თხოვნა, საინიციატივო ჯგუფში შემავალი სოციალურად დაუცველი მოქალაქეების მიმართ მატერიალური დახმარების გაცემის თაობაზე, სამწუხაროდ, ვერ დაკმაყოფილდა. თუმცა, მნიშვნელოვნად გაიზარდა მრავალშვილიანი ოჯახების დახმარების, უფასო მგზავრობის, კვების, სამედიცინო მომსახურების, მედიკამენტებით დახმარების, კომინალური გადასახადებისა და სხვა ღონისძიების დაფინანსება", - ნათქვამია წერილში.

სოციალურად დაუცველი ოჯახების მონაცემთა ერთიან ბაზაში 2467 ოჯახია რეგისტრირებული.
Print E-mail
FaceBook Twitter
მსგავსი სიახლეები
„ერთიანი ნაციონალური მოძრაობა“ წინასაარჩევნოდ
დებატებში, სადაც „ქართული ოცნება
14:17 / 28.09.2020
„ერთიანი ნაციონალური მოძრაობა“ წინასაარჩევნოდ დებატებში, სადაც „ქართული ოცნება" არ იქნება წარმოდგენილი, მონაწილეობას არ მიიღებს.
12
ოქტომბერს, აჭარის გარდა, მთელი ქვეყნის ტერიტორიაზე ფუნქციონირებას
განაახლებენ საბავშვო ბაღები.
13:27 / 28.09.2020

12 ოქტომბერს, აჭარის გარდა, მთელი ქვეყნის ტერიტორიაზე ფუნქციონირებას განაახლებენ საბავშვო ბაღები.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.