ახალი ამბები
ხმაური და დაპირისპირება გრიგოლ ვაშაძის ბრიფინგზე ქუთაისში
FaceBook
თბილისში, ერთი წლის წინ, 20 ივნისს ანტისაოკუპაციო აქციის ძალისმიერად დაშლას, "ნაციონალური მოძრაობის"  ლიდერი გრიგოლ ვაშაძე ქუთაისიდან ბრიფინგით გამოეხმაურა, რომელსაც ინციდენტი მოჰყვა.

ბრიფინგის მიმდინარეობის პროცესში უცნობმა პირებმა ავტომანქანებიდან მესხიშვილის თეატრის მიმდებარედ, სადაც "ნაციონალური მოძრაობის" წარმომადგენლები იყვნენ შეკრებილები, საყვირებით ჩაიარეს, რასაც სიტყვიერი შელაპარაკება მოჰყვა.
სიტუაცია მხოლოდ მას შემდეგ განიმუხტა, რაც გრიგოლ ვაშაძემ თავის მხარდამჭერებს სიმშვიდის შენარჩუნებისკენ მოუწოდა.




"ესენი არიან პროვოკატორები და გთხოვთ, არ ავყვეთ".

გრიგოლ ვაშაძემ ე.წ. გავრილოვის ღამეს განვითარებული მოვლენები შეაფასა და განცხადა, რომ მთავრობა საკუთარ მოქალაქეებს ძალისმიერად გაუსწორდა, რაც ვაშაძის თქმით, დანაშაულია.

2019 წლის 20 ივნისს , თბილისში პარლამენტთან შეკრებილები საქართველოს პარლამენტში რუსეთის დუმის დეპუტატის, სერგეი გავრილოვის მიერ მართლმადიდებლური ასამბლეის ფარგლებში პარლამენტის თავმჯდომარის სავარძლის დაკავებას და სესიის რუსულ ენაზე წაყვანას აპროტესებდნენ.

პროტესტის ტალღამ თითქმის ყველა ქალაქი მოიცვა. 20 ივნისს კი, რუსთაველის გამზირზე აქციის მონაწილეებმა პარლამენტში შეჭრა სცადეს, თუმცა, სამართალდამცველებმა მათ ამის შესაძლებლობა არ მისცეს. აქციის მონაწილეების მიმართ გამოყენებული იყო რეზინის ტყვიები და ცრემლსადენი გაზი.

რუსთაველზე განვითარებული მოვლენების შედეგად 240 ადამიანი დაშავდა. სხვადასხვა სახის დაზიანება მიიღო მედიის 31-მა წარმომადგენელმა.

აქციის მონაწილეები მაშინდელი შინგან საქმეთა მინისტრის გიორგი გახარიას გადადგომას ითხოვდნენ, თუმცა, გადადგომის ნაცვლად, გიორგი გახარია დააწინაურეს და პრემიერ-მინისტრად დანიშნეს.

Print E-mail
FaceBook Twitter
მსგავსი სიახლეები
2022 წლის ივლისში საქართველოში რუსეთის ფედერაციიდან 156 737
ადამიანი შემოვიდა.
14:33 / 09.08.2022
2022 წლის ივლისში საქართველოში რუსეთის ფედერაციიდან 156 737 ადამიანი შემოვიდა.
საქართველოში კორონავირუსით  პანდემიის პერიოდში 15 103 ორსული
დაინფიცირდა.
14:27 / 09.08.2022
საქართველოში კორონავირუსით  პანდემიის პერიოდში 15 103 ორსული დაინფიცირდა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.