ახალი ამბები
ივანიშვილის ნათესავს, იმერეთში 14 მილიონზე მეტის ღირებულების ტენდერი აქვს მოგებული
FaceBook
ბიძინა ივანიშვილის ნათესავი, მურმან ტოგონიძე, ტენდერებს უმთავრესად იმერეთში იგებს - ამის შესახებ "საერთაშორისო გამჭვირვალობა - საქართველოს" კვლევაშია ნათქვამია.

არასამთავრობო ორგანიზაციის კვლევის მიხედვით, მურმან ტოგონიძეს, რომელიც ბიძინა ივანიშვილის დის - მაგული ივანაშვილის მულის ქმარია, 97 ტენდერიდან 69 აქვს მოგებული. ხელშეკრულებების ჯამურმა ღირებულებამ კი 14 998 590 ლარი შეადგინა. მურმან ტოგონიძისა და მისი კომპანიისგან მომსახურებების ყველაზე მსხვილი შემსყიდველი საჩხერის მუნიციპალიტეტია (70 ტენდერი და 3 გამარტივებული შესყიდვა). შემსყიდველები ასევე არიან ჭიათურის, ლაგოდეხისა და ბაღდათის მუნიციპალიტეტები.

მურმან ტოგონიძე ტენდერებში ინდივიდუალური მეწარმის სტატუსით მონაწილეობს, შპს "მშენინვესტი" კი, რომლის 100% წილს თავად ფლობდა, სახელმწიფო შესყიდვებში მხოლოდ 2016 წელს მონაწილეობდა. აღსანიშნავია, რომ მურმან ტოგონიძესა (ინდ. მეწარმე) და შპს "მშენინვესტს" მოგებული 90 ტენდერიდან 42 შემთხვევაში კონკურენტი არ ჰყოლია. 20 შემთხვევაში ტენდერში მონაწილე სხვა სუბიექტმა ვაჭრობისას დაბალი ღირებულება დააფიქსირა, თუმცა სატენდერო კომისიამ მათ დისკვალიფიკაცია მისცა და ხელშეკრულება მურმან ტოგონიძესთან გააფორმა. 9 შემთხვევაში მურმან ტოგონიძემ ტენდერი მოიგო დაბალი ფასის მითითებით, თუმცა ხელშეკრულების ღირებულება მოგვიანებით გაიზარდა.

"საერთაშორისო გამჭვირვალობა - საქართველო" მოუწოდებს სახელმწიფო უსაფრთხოების სამსახურის ანტიკორუფციულ სააგენტოს და გენერალურ პროკურატურას, შეისწავლონ ინდივიდუალური მეწარმე მურმან ტოგონიძისა და შპს "მშენინვესტის" მიერ მოგებული ტენდერები და დაადგინონ, ხომ არ იყო ისინი ტოგონიძისა და მისი კომპანიისათვის სასურველ პირობებში გამოცხადებული და შეიცავდა თუ არა კორუფციის შესაძლო ნიშნებს.

კვლევის სრული ვერსია ნახეთ აქ.
Print E-mail
FaceBook Twitter



მსგავსი სიახლეები
საქართველო
17:47 / 12.06.2021
საქართველო "ჯონსონ ენდ ჯონსონის" ვაქცინის 130 ათას დოზას მიიღებს.
ნამახვანჰესის მშენებელი კომპანია ,,ენკას'' თქმით რიონის ხეობაში
სამშენებლო სამუშაოები არ შეჩერებულა.
15:53 / 12.06.2021
ნამახვანჰესის მშენებელი კომპანია ,,ენკას'' თქმით რიონის ხეობაში სამშენებლო სამუშაოები არ შეჩერებულა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.