ახალი ამბები
ტყიბულში მეშახტეები მუშაობას არ ანახლებენ - აქცია გრძელდება
FaceBook
ტყიბულში მინდელისა და ძიძიგურის შახტში დასაქმებულები მუშაობის განახლებაზე ისევ უარს აცხადებენ.
ტყიბულის შახტის ამჟამინდელი მფლობელი კომპანია "Coal of Georgia"-სთან გამართული უშედეგო მოლაპარაკებების შემდეგ ისინი აქციას ტყიბულის მერიისთან მართავენ.

მათი მთავარი მოთხოვნა უცვლელია - უსაფრთხო სამუშაო გარემო და მთავრობის მიერ დაწესებული საშემოსავლო შეღავათის მათ ხელფასებზე ასახვა.


მეშახტეების თქმით, კომპანია აღნიშნულ თანხას იმ მოტივით არ ურიცხავთ, რომ კორონავირუსის დროს შახტმა ფინანსური ზარალი განიცადა.

აღსანიშნავია, რომ პანდემიის დროს დაწესებული მკაცრი შეზღუდვების დროსაც კი, ტყიბულის შახტში საწარმოო პროცესი არ შეწყვეტილა და მეშახტეები ჩვეულ რეჟიმში აგრძელებდნენ მუშაობას.

"იყვნენ ეკონომიკის სამინისტროს წარმომადგენლები მოსულები რაღაც ოქმი შეადგინეს და მორჩა. თქვეს, რომ მუშაობის განახლებასთან ერთად შესაძლებელია სარემონტო სამუშაოების ჩატარება, რასაც არ ვეთანხმებით და მუშაობას არ ვიწყებთ. ასევე, ისევ გაურკვეველია 20%-იანი საშემოსავლოს დარიცხვის საკითხი. ამ იდეაში ყველანი ერთიანები ვართ და ვიწყებთ ისევ ბრძოლას", - ამბობს მინდელის შახტში დასაქმებული, ხვიჩა გაბუნია.

კომპანია "Coal of Georgia"-ს გენერალური დორექტორი მიხეილ სოცკი ამბობს, რომ ობიექტზე სრული ტექნიკური გადაიარაღება მოხდება, შახტებში არსებულ ვითარებას კი ტექნიკური ზედამხედველობის სპეციალური ჯგუფი შეისწავლის.

ტყიბულში ძიძიგურის სახელობის შახტში დასაქმებულები მუშაობა 10 ივნისს შეწყვიტეს. მანამდე მეშახტეები მიმდინარე წლის 24 თებერვალს გაიფიცნენ.

200-მდე მეშახტე, მათი მინდელის სახელობის შახტში გადაყვანის შესახებ, ახალი ინვესტორის გადაწყვეტილებას აპროტესტებდა. მათი თქმით, ახალ სამუშაო ადგილამდე მისვლა გაცილებით უფრო საფრთხის შემცველი გზით, მიწისქვეშა სავენტილაციო გვირაბით მოუწევდათ. მეშახტეებმა გაფიცვა 28 თებერვალს შეწყვიტეს, მას შემდეგ, რაც კომპანიისგან სიტყვიერი დაპირება მიიღეს, რომ ძიძიგურის შახტი მალე აღდგებოდა.

ამის შემდეგ, 9 მარტს,  სამსახურებრივი მოვალეობის შესრულების დროს,  ტყიბულის შახტში 5 მეშახტე მოიწამლა. მეშახტეები მოწამვლას,  სწორედ  ძიძიგურისა და მინდელის სახელობის შახტების დამაკავშირებელ  გვირაბში დაგროვილ მხუთავ აირებს უკავშირებდნენ.

Print E-mail
FaceBook Twitter
მსგავსი სიახლეები
2022 წლის ივლისში საქართველოში რუსეთის ფედერაციიდან 156 737
ადამიანი შემოვიდა.
14:33 / 09.08.2022
2022 წლის ივლისში საქართველოში რუსეთის ფედერაციიდან 156 737 ადამიანი შემოვიდა.
საქართველოში კორონავირუსით  პანდემიის პერიოდში 15 103 ორსული
დაინფიცირდა.
14:27 / 09.08.2022
საქართველოში კორონავირუსით  პანდემიის პერიოდში 15 103 ორსული დაინფიცირდა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.