ახალი ამბები
ტყიბულში მეშახტეები გაიფიცნენ
12:58 / 10.06.2020
ტყიბულში, ძიძიგურისა და მინდელის
სახელობის შახტის თანამშრომლები გაიფიცნენ.
გაფიცულებმა შახტის ადმინისტრაციას ორი პირობა
წაუყენეს - უსაფრთხო სამუშაო გარემო და მთავრობის მიერ დაწესებული
საშემოსავლო შეღავათის მათ ხელფასებზე ასახვა. მეშახტეები ამბობენ,
რომ საშეღავათო 20% კომპანიამ თანამშრომლებს არ
დაურიცხა.
"კაპიკებად ვმუშაობთ ისედაც, 400 მეტრი მიწის
ქვეშ და ადმინისტრაცია გვეუბნება კომპანიას უნდა მოვახმაროთო ეგ
თანხა, რადგან კორონავირუსის დროს დავზარალდითო", - ამბობს
ქუთაისიპოსტთან საუბარში ძიძიგურის შახტში დასაქმებული, ზაქრო
ილურიძე.
მისი თქმით, ობიექტზე მუშაობა ყოველდღიურად უფრო
სახიფათო ხდება. ახალმა
ადმინისტრაციამ კი უსაფრთხო სამუშაო გარემო ვერ
უზრუნველყო.
"რემონტი ესაჭიროება შახტს. წუხელ 22 ადამიანი
კინაღამ სიცოცხლეს გამოესალმა. ე.წ. კალათაში გაიჭედნენ და ვერ
ამოგვყავდა. ამასაც ვაპროტესტებდით, მაგრამ საშველი არ
დაადგა".
კომპანია "Coal of
Georgia"-ს
გენერალური დორექტორი, მიხეილ სოცკი მომხდარს ტექნიკურ გაუმართაობას
არ უკავშირებს და ამბობს, რომ მეშახტეებმა თავად დაარღვიეს
უსაფრთხოების ნორმები. მისი თქმით, თანამშრომლებმა შახტიდან ამოსვლა
საათნახევარით ადრე გადაწყვიტეს და ამის შესახებ არავინ
გაუფრთხილებიათ.
მიხეილ სოცკი ამბობს, რომ ობიექტზე სრული ტექნიკური გადაიარაღება
მოხდება, შახტებში არსებულ ვითარებას კი ტექნიკური ზედამხედველობის
სპეციალური ჯგუფი შეისწავლის.
ტყიბულში ძიძიგურის სახელობის შახტში დასაქმებულები ბოლოს მიმდინარე წლის 24 თებერვალს გაიფიცნენ.
ტყიბულში ძიძიგურის სახელობის შახტში დასაქმებულები ბოლოს მიმდინარე წლის 24 თებერვალს გაიფიცნენ.
200-მდე მეშახტე, მათი მინდელის სახელობის
შახტში გადაყვანის შესახებ, ახალი ინვესტორის გადაწყვეტილებას
აპროტესტებდა. მათი თქმით, ახალ სამუშაო ადგილამდე მისვლა გაცილებით
უფრო საფრთხის შემცველი გზით, მიწისქვეშა სავენტილაციო გვირაბით
მოუწევდათ. მეშახტეებმა გაფიცვა 28 თებერვალს შეწყვიტეს, მას შემდეგ,
რაც კომპანიისგან სიტყვიერი დაპირება მიიღეს, რომ ძიძიგურის შახტი
მალე აღდგებოდა.
ამის შემდეგ, 9 მარტს, სამსახურებრივი
მოვალეობის შესრულების დროს, ტყიბულის შახტში 5 მეშახტე
მოიწამლა. მეშახტეები მოწამვლას, სწორედ ძიძიგურისა და
მინდელის სახელობის შახტების დამაკავშირებელ გვირაბში დაგროვილ
მხუთავ აირებს უკავშირებდნენ.
მსგავსი სიახლეები
16:59 / 13.03.2026
ტყიბულის მუნიციპალიტეტის სოფელ კურსებში განვითარებულ მეწყრულ
პროცესებზე გეოლოგები პირველ კომენტარს აკეთებენ.
16:25 / 13.03.2026
ხარაგაულის მუნიციპალიტეტის სოფლების ღვერკისა და ხემაღალის
მაცხოვრებლები, რომლებიც მეწყერმა დააზარალა, სასამართლოსა და
პროკურატურას მიმართავენ.
ეკონომიკის სიახლეები
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
მასალის გამოყენების პირობები