ახალი ამბები
პირბადის ტარების წესის დარღვევისთვის 50-ის ნაცვლად 20 ლარით დაჯარიმდებით
FaceBook
პარლამენტის ბიუროს სხდომაზე, პირბადის ტარების წესის დარღვევის შესახებ, კანონპროექტის შეცვლილი ვერსია დარეგისტრირდა.
ცვლილება, რომლის ავტორიც ჯანდაცვის კომიტეტის თავმჯდომარე, დიმიტრი ხუნდაძეა, ამ წესის დარღვევისთვის პირის არა 50 ლარით, არამედ, 20 ლარით დაჯარიმებას ითვალისწინებს.  

"ჯარიმა არ უნდა იყოს არც ისეთი დიდი, რომ ტვირთად დააწვეს მოქალაქეებს და არც ისე, რომ შეამციროს პასუხისმგებლობა", - განაცხადა დიმიტრი ხუნდაძემ.

ინიციატივას დაეთანხმა კანონპროექტის ავტორი, იურიდიულ საკითხთა კომიტეტის თავმჯდომარე ანრი ოხანაშვილი. მისი თქმით,  საჭიროა რაციონალური სანქციების შემოღება, რომელიც საზოგადოებას მძიმე ტვირთად არ დააწვება.

"ჩვენი თვითმიზანი არ არის ვინმესთვის ფულადი თანხის დაკისრება, არამედ,  საზოგადოების ჯანმრთელობის დაცვა, რათა მაქსიმალურად შევაფერხოთ კორონავირუსის გავრცელება",- განაცხადა ოხანაშვილმა.

პარლამენტის ბიუროს სხდომაზე საკანონმდებლო ცვლილებების პაკეტი უკვე დარეგისტრირდა. პარლამენტი საკანონმდებლო ცვლილებას დაჩქარებული წესით განიხილავს და ის, შესაძლოა, მიმდინარე კვირაშიც მიიღონ.

კანონპროექტის ავტორი ანრი ოხანაშვილი თავდაპირველად ამბობდა, რომ დახურულ სივრცეში პირბადის გარეშე ყოფნისთვის ფიზიკური პირები 50 ლარით დაჯარიმდებოდნენ.

ამავე თემაზე:

რას ფიქრობენ ქუთაისში პირბადის ტარების წესის დარღვევისთვის ჯარიმაზე (ვიდეო)




Print E-mail
FaceBook Twitter
მსგავსი სიახლეები
ქუთაისში მოქმედი არასამთავრობო ორგანიზაციებისა და მედიის
წარმომადგენლები ქალაქის მაჟორიტარ დეპუტატ ზაზა ლომინაძეს შეხვედრაზე
იწვევენ.
12:08 / 20.04.2024
ქუთაისში მოქმედი არასამთავრობო ორგანიზაციებისა და მედიის წარმომადგენლები ქალაქის მაჟორიტარ დეპუტატ ზაზა ლომინაძეს შეხვედრაზე იწვევენ.
„ქალები ვირჩევთ ევროპას“ - ამ სახელწოდებით, ქუთაისში, რუსული
კანონის წინააღმდეგ დღეს აქცია გაიმართება.
11:02 / 20.04.2024
„ქალები ვირჩევთ ევროპას“ - ამ სახელწოდებით, ქუთაისში, რუსული კანონის წინააღმდეგ დღეს აქცია გაიმართება.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.