ახალი ამბები
რკინიგზა მუშაობის აღსადგენად ემზადება - რა სიახლეებით მოგიწევთ მგზავრობა
FaceBook
"საქართველოს რკინიგზა" მუშაობის განახლებისთვის ემზადება, თუმცა, სარკინიგზო მიმოსვლის აღდგენის კონკრეტულ თარიღს ჯერ ისევ ვერ ასახელებენ და მთავრობის საბოლოო გადაწყვეტილებას ელოდებიან.

რკინიგზის სამედიცინო სამსახურის ხელმძღვანელის, ნიკა კაჭარავს თქმით, მგზავრების უსაფრთხო გადაყვანისთვის მზად არიან, რაც ყველა რეგულაციის შესრულებას გულისხმობს. მგზავრებისთვის აუცილებელი მოთხოვნა პირბადის ტარებაა. მგზავრობის განმავლობაში, მათ პირბადის მოხსნის უფლება არ აქვთ. მისივე თქმით, ჯანმრთელობის დაცვის სამინისტროსთან ერთად, შემუშავებულია მგზავრობის სპეციალური ინსტრუქცია.

კერძოდ, ვაგონის შესასვლელებში გამცილებლები მგზავრებს თერმოსკრინინგს ჩაუტარებენ, მატარებელში შესვლისთანავე კი მათ დეზობარიერი უნდა გაიარონ და ხელები სადეზინფექციო ხსნარით დაიმუშაონ. ხელის დისპანსერები ყველა ვაგონში იქნება დამონტაჟებული.

"მნიშვნელოვანია მგზავრებმა წინასწარ იცოდნენ, რომ უნდა დაიცვან სოციალური დისტანცია, ვირუსისთვის დამახასიათებელი სიმპტომების არსებობის შემთხვევაში კი,  არ გამოცხადდნენ გასამგზავრებლად. კორონავირუსთან დაკავშირებით გამოქვეყნებული რეკომენდაციების შემუშავების პროცესში  "საქართველოს რკინიგზაც" იყო  ჩართული. ჩვენ ამ პერიოდის განმავლობაში ვაცხადებდით, რომ მზად ვართ სეზონისთვის", - ამბობს ნიკა კაჭარავა.

29 მაისიდან საქართველოში ყველა სახის ტრანსპორტის მოძრაობა აღდგა, გარდა მატარებლით მგზავრობისა. მიკროავტობუსებით საქალაქთაშორისო მგზავრობა კი 8 ივნისიდან განახლდება. კორონავირუსის გამო, საქართველოში საზოგადოებრივი ტრანსპორტის მოძრაობა 28 მარტს აიკრძალა. მატარებლით მგზავრთა გადაყვანა მთავრობამ 31 მარტს შეაჩერა.

ბოლო მონაცემებით, ქვეყანაში კოვიდ19-ით 809 ადამიანია ინფიცირებული.

Print E-mail
FaceBook Twitter



მსგავსი სიახლეები
5 აგვისტოს მონაცემებით ჯამურად ჩატარდა 564 691 აცრა.
16:54 / 05.08.2021
5 აგვისტოს მონაცემებით ჯამურად ჩატარდა 564 691 აცრა.
ქუთაისის მერიას, შესაძლოა, ახალდაქორწინებული
ოჯახების  წახალისების პროგრამის გაუქმება მოუწიოს.
10:45 / 04.08.2021
ქუთაისის მერიას, შესაძლოა, ახალდაქორწინებული ოჯახების  წახალისების პროგრამის გაუქმება მოუწიოს.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.