ახალი ამბები
"მთავრობა მოზარდებს ქუჩის გარდა სხვა არჩევანს არ უტოვებს" -"ლელო"
FaceBook
პოლიტიკური პარტია "ლელო" ქუთაისის #94 სპორტულ სკოლაში არსებულ მძიმე ინფრასტრუქტურულ მდგომარეობას აპროტესტებს და ხელისუფლებას ახალგაზრდული საკითხების მიმართ გულრგილობაში ადანაშაულებს.

პარტიის პოლიტსაბჭოს წევრის, ანა ნაცვლიშვილის განცხადებით,  ქვეყანა ფორმალურად ებრძვის აზარტულ თამაშებსა და ნარკოპოლიტიკას, რეალურად კი თავიანთი ქმედებებით ახალგაზრდებს ქუჩისკენ უბიძგებს.

"იმ რეალობით, რომელიც სპორტულ სკოლაშია შექმნილი და სადაც 400-მდე ბავშვი ვარჯიშობს, მთავრობა მათ ეუბნება "ფეხებზე მკიდიხართ". ქუთაისში ხელისუფლება ახალგაზრდებს სხვა არჩევანს არ უტოვებს, გარდა ქუჩაში ყოფნისა",- განაცხადა ნაცვლიშვილმა. იგი ხელისუფლებას მოუწოდებს ბიუჯეტში შესაბამისი თანხა გაითვალისწინოს და ახალგაზრდებს ღირსეულად ვარჯიშის შესაძლებლობა მისცეს.

სპორტულ სკოლაში, სადაც საფეხბურთო კლუბ "მართვეს" 18 წლამდე ასაკის 400 მოზარდი ვარჯიშობს, დახეულია მეკარის ბადე, გაუთიბავია ბალახი, დაზიანებულია ადმინისტრაციული შენობა.

დახეული ბადე , სადაც 400-მდე ახალგაზრდა ვარჯიშობს

სპორტული სკოლის ადმინისტრაციულ შენობა

ააიპ სპორტულ გაერთიანებათა დაწესებულებაში არ უარყოფენ, რომ მსგავსი  სიტუაცია ქუთაისში არსებულ ყველა სპორტულ სკოლაშია, თუმცა, გაერთიანების მმართველის, კობა ფხაკაძის თქმით, ექვსი სკოლის სრული რეკონსტრუქცია მიმდინარე წელს მოხდება. როდის დაიწყება #94 სპორტს სკოლის რეკონსტრუქცია, დაწესებულებაში ვერ ამბობენ.

"ეტაპობრივად გაგრძელდება სარეკონსტრუქციო სამუშაოები და მათ შორის, იქნება საფეხბურთო კლუბი "მართვეც". ოთხ სკოლაში უკვე მიმდინარეობს რემონტი", - ამბობს კობა ფხაკაძე.

სპორტულ დაწესებულებათა გაერთიანებაში მოზარდებს ვარჯიში სპორტის 43 სახეობაში შეუძლიათ. დაწესებულება ქუთაისის ბიუჯეტიდან 4 200 000 ლარით ფინანსდება.


Print E-mail
FaceBook Twitter
მსგავსი სიახლეები
,,ქუთაისიპოსტზე
02:04 / 14.07.2020
,,ქუთაისიპოსტზე" გამოქვეყნებული მასალის შემდეგ – კანალიზაციით და შლამით სავსე ისტორიული აბანო ქუთაისში წლების განმავლობაში მოუვლელი, უძველესი ბუნებრივი აბანოები მოწესრიგდება.
შემოწმებული 64 ფიტნეს ცენტრიდან
მოთხოვნები 25-მა, ხოლო 30 შემოწმებული აუზიდან - 17-მა
დააკმაყოფილა.
15:30 / 13.07.2020
შემოწმებული 64 ფიტნეს ცენტრიდან მოთხოვნები 25-მა, ხოლო 30 შემოწმებული აუზიდან - 17-მა დააკმაყოფილა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.