ახალი ამბები
ოპოზიცია პანდემიით დაზარალებულებისთვის ბიუჯეტიდან 5 მილიონი ლარის გამოყოფას ითხოვს
FaceBook

"ნაციონალური მოძრაობა" ქუთაისის საკრებულოში სამუშაო ჯგუფის შექმნას ითხოვს, რომელიც პანდემიით დაზარალებული ოჯახების დასახმარებლად იმუშავებს.

ოპოზიციური ფრაქციის წევრებმა საკრებულოს უკვე გაუგზავნეს წერილი, სადაც კორონავირუსით გამოწვეული შეზღუდვებს გამო, კიდევ უფრო გაღარიბებული ადამიანების დასახმარებლად, ბიუჯეტში ხუთი მილიონი ლარის მობილიზების საჭიროებაზეა საუბარი. ოპოზიციონერ დეპუტატებს მიაჩნიათ, რომ ქალაქის ხელისუფლება რეალობას არ პასუხობს და თანხას არაპრიორიტეტულ პროექტებზე ხარჯავს.

"ადამიანები შიმშილობენ და ხელისუფლებისგან კონკრეტულ პასუხს ელოდებიან, როგორ და რა ფორმით დაეხმარება მათ მთავრობა. ქუთაისის მერია კი 800 000 ლარს ხარჯავს ტრენაჟორების შესაძენად და გონიათ ეს არის ამ ვითარებაში მთავარი საკითხი ხალხისთვის. ახლა არ არის პოლიტიკური დებატების გეგმა. ახლა არის დრო, რომ რაც შეიძლება მალე შევქმნათ ანტიკრიზისული ბიუჯეტი, არ დაველოდოთ ხვალინდელ დღეს და მოკლე ვადებში დავეხმაროთ ხალხს", – განაცხადა ფრაქცია "ნაციონალური მოძრაობის" თავმჯდომარემ გიგა შუშანიამ. მისი თქმით, მერიამ თანხის მობილიზება მივლინების, კვების, რემონტის და პირადი კომფორტისთვის გათვლილი ხარჯების შემცირებით უნდა მოახდინოს.

ოპოზიციონერი დეპუტატების შეთავაზებას სხდომაზე ხმაური მოყვა. უმრავლესობის დეპუტატმა მარეხი ნიჟარაძემ განაცხადა, რომ ოპოზიციას არ აქვს უფლება ხელისუფლებას უკარნახოს როგორ იზრუნოს საკუთარ მოქალაქეებზე, საკრებულოს თავმჯდომარის მოვალეობის შემსრულებელმა, ირაკლი შენგელიამ კი თქვა, რომ ოპოზიცია ჯერ კიდევ არ იყენებს საკრებულოში არსებულ თანამშრომლობის რესურსებს, ამიტომ ახალი ფორმატის შექმნა საჭირო არ არის.

"ოპოზიციას ჯერ კიდევ არ აქვს გამოყენებული ის რესურსები, რაც საკრებულოშია, მაგალითად კომისიები. შესაბამისად, ეს ინიციატივა მხოლოდ დამატებით ბიუროკრატიას შექმნის", – განაცხადა ირაკლი შენგელიამ.

ოპოზიციის კრიტიკას მერია მოსახლოებისთვის სოციალური ნობათების დარიგებით პასუხობს და აცხადებს, რომ ბიუჯეტში ოპოზიციის მიერ მოთხოვნილი რესურსი არ არის.


 

Print E-mail
FaceBook Twitter
მსგავსი სიახლეები
რუსეთი იტყუება, როდესაც უკრაინას მოლაპარაკებებზე უარის თქმაში
ადანაშაულებს,
11:47 / 29.05.2022
რუსეთი იტყუება, როდესაც უკრაინას მოლაპარაკებებზე უარის თქმაში ადანაშაულებს,
აგრესორი ქვეყნის, რუსეთის ფედერაციის პრეზიდენტს არ ესმის, რომ
უკრაინელებს არ სურთ რუსული სამყაროს ნაწილი იყვნენ, სწორედ ამან
შეუშალა მას ხელი, სწორედ შეეფასებინა უკრაინა თავდასხმამდე,
09:34 / 29.05.2022
აგრესორი ქვეყნის, რუსეთის ფედერაციის პრეზიდენტს არ ესმის, რომ უკრაინელებს არ სურთ რუსული სამყაროს ნაწილი იყვნენ, სწორედ ამან შეუშალა მას ხელი, სწორედ შეეფასებინა უკრაინა თავდასხმამდე,

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.