პოლიტიკა
"შეწყვიტონ ინფრასტრუქტურული პროექტები" - წულაია ბალახვნის კიბეზე
FaceBook
"თავისუფალი საქართველოს" თანათავმჯდომარე, გოგი წულაია კორონავირუსის კრიზისის დროს ინფრასტრუქტურული პროექტების შეჩერების ინიციატივით გამოდის.

წულაია ქუთაისის მერიის მიერ ბალახვნის უბანში ასსაფეხურიანი კიბის რეკონსტრქუციაზე ჩატარებულ ტენდერს გამოეხმაურა და აღნიშნა, რომ ამ პერიოდში ადგილობრივი მთავრობისთვის სოციალური თემები უნდა იყოს პრიორიტეტული.

"30 000 ლარი უკვე დახარჯულია და ამ 30 000-ის გარდა, 615 000 ლარი იხარჯება, იმ ფონზე, როდესაც ამ კიბით დღეში, მაქსიმუმ, 20 ადამიანი სარგებლობს. ფულის საშოვნელ ადგილად გადააქციეს ეს კიბე და ვთვლი, რომ ეს არის რიონს გატანილი ფული".

ის, ხელისუფლებას მოუწოდებს ყველა ინფრასტრუქტურული პროექტი, რომელიც ამჟამად სასიცოცხლოდ მნიშვნელოვანი არ არის, გაჩერდეს და ეს თანხა გაჭირვებული ოჯახების დასახმარებლად გადანაწილდეს. 

ქუთაისში ასსაფეხურიანი კიბის რეკონსტრუქციისთვის მორიგი ტენდერი მიმდინარე წლის სამ აპრილს გამოცხადდა. შესყიდვის სავარაუდო ღირებულება 736 306 ლარი იყო. ტენდერში სულ ორი პრეტენდენტი მონაწილეობდა. თავიდან ბესიკ ივანიშვილმა გაიმარჯვა, თუმცა მან ტექნიკური დოკუმენტაციის გამო დისკვალიფიკაცია მიიღო. შედეგად კიბის რეკონსტრუქცია შპს ლამოდერნა, ხვდა წილად. ლამოდერნა თბილისში რეგისტრირებული კომპანიაა, რომელმაც კიბის რეკონსტრუქცია 30 000 ლარის სანაცვლოდ უნდა განახორციელოს.

ასსაფეხურიანი კიბის რეკონსტრუქცია ქუთაისის მერიის 2018 წლის გაცემული დაპირება იყო. ადგილობრივ თვითმმართველობაში მაშინ აცხადებდნენ, რომ რეკონსტრუქციის შემაფერხებელი მიზეზი კიბის მიმდებარედ არსებული ის მიწის მონაკვეთი იყო, რომელიც სახელმწიფო ბალანსზე ირიცხებოდა. ეკონომიკის სამინისტრო კი, ტერიტორიის გადაცემაზე უარს აცხადებდა.

საბოლოოდ, უწყებამ მიწის ნაკვეთი 2019 წლის მარტში, კერძო პირზე გაასხვისა. თუმცა მერიამ სამუშაოების მარტივად დაპროექტება ვერ მოახერხა. ადგილობრივ მთავრობას კიბის რეკონსტრუქციაზე ტენდერის ოთხჯერ გამოცხადება დასჭირდა. 



ამავე თემაზე:

ბალახვნის კიბის რეაბილიტაციისთვის ერთი მილიონი ლარი დაიხარჯება

როგორი უნდა ყოფილიყო და როგორი იქნება ბალახვნის ას საფეხურიანი კიბე:   ნახეთ აქ








Print E-mail
FaceBook Twitter
მსგავსი სიახლეები
უკრაინაში, რუსი ოკუპანტის
წინააღმდეგ მებრძოლი ქართველი, ალუდა ზვიადაური სამშობლოში
ჩამოასვენეს.
17:42 / 25.06.2022
უკრაინაში, რუსი ოკუპანტის წინააღმდეგ მებრძოლი ქართველი, ალუდა ზვიადაური სამშობლოში ჩამოასვენეს.
საქართველო, სლოვაკეთი, პორტუგალია,
ირანის ისლამური რესპუბლიკა და ლიბანი - ეს ის ქვეყნებია, რომლის
ელჩებიც უკრაინის პრეზიდენტმა ვოლოდიმირ ზელენსკიმ თანამდებობიდან
გაათავისუფლა.
16:15 / 25.06.2022
საქართველო, სლოვაკეთი, პორტუგალია, ირანის ისლამური რესპუბლიკა და ლიბანი - ეს ის ქვეყნებია, რომლის ელჩებიც უკრაინის პრეზიდენტმა ვოლოდიმირ ზელენსკიმ თანამდებობიდან გაათავისუფლა.

მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.